زوجي واهله تعبت نفسيٱ......

الله يسخر لك زوجك

اول شي يا هلا ومرحبا بك في المنتدى

وبخصوص مشكلتك الله يعينك اول خطوه نظمي حملك كلي مانع عشان لا تحملي وتتعبي اكتر خلي الين بناتك يعتمدو ع انفسهم ,, تاني شي ياقلبي الشمس فيها افضل كالسيوم لبنتك الله يشفيها مع العلاج شمسيها يوم ايه ويوم لا لمده شهر وبتشوفي الفرق وتدعيلي ,,
بالنسبه للشغل ,, تقولي زوجك يبغاك تشتغلي لخواته وامه ! هل انتي ساكنه عندهم ؟ اذا ايه لازم يقلبي تساعدي وتعاوني بالشغل واذا لك شقه منفصله ارسليلهم من اكلك الي تسوينه لكم ,, واوقات لو شفتي نفسك فاضيه ورايقه سوي حلا وانزلي لهم فيه وانبسطو عليه
بالنسبه للشغل بسألك سؤال .. انتي شكلك من النوع اللي تشتغلي و زوجك مو بالبيت يعني مايشوف الشغل والكرف ما تطيح عينه ع البيت الا وانتي منظفته ومخلصه صح ؟ اذا كلامي صح ياقلبي اول شي تسوينه انك تبدي تشتغلي قدامه واكرفي خليه يشوف انك تتعبي .. لا تجي وحده طايره تقول لا لازم يجي والبيت مرتب وووو هذاك لو هو يقدر لكن الزوج اللي مايقدر وريه حجم التعب اللي انتي تتعبيه .. طبعا بدون ما تبيني له انك متعمده انه يشوفك

لما يجي من الدوام خليه يشوفك بالمطبخ تطبخي ونظفي بالبيت وهو موجود وتعالي ريحي عنده كل ساعه ومددي رجولك انك تعبانه بس انتبهي تشتكين له او تزعجينه انا تعبت وتعبت وتعبت

نادي بناتك يهمزن لك رجلك وظهرك وانتي همزي رجلك بنفسك و بيني انك تعبتي وانك من الصبح تشتغلي وووو

يعني خليه يشوف حجم التعب بعينه مو يجي وكل شي نظيف ويلمع ويحسب الشعله سهله .. اتمنى تكوني فهمتي علي

الله يعينك ويسخر زوجك لك ويخلي لك بناتك ويحفظهم يارب

سبحان الله والحمدلله ولا اله الا الله والله اكبر

أسأل الله تعالى أن يسخرلك زوجك و يحنن قلبه عليك وعلى بناته