السلام عليكم ورحمة الله وبركاته... مرحبا بأخواتي في عالم حواء بصراحه انا من اشد المتابعين لهذا القسم لكن لم تحصل لي فرصة المشاركه الا لما ضاقت بوجهي السبل وانسدت الطرق (طبعا فيما عدا طريق رب العباد)ماابي اطول عليكم..
مشكلتي ياعزيزاتي اني تزوجت قبل 4 سنوات وعندي ابنه حياتنا عاديه جدا وزوجي رجل يخاف الله يحبني واحبه متفاهمين لأبعد الحدود ولكن الحلو مايكملش اهله ماخلونا في حالنا مشاوير روحات جيات لدرجة حفلات يرجع خواته نص الليل يدقون يرجعهم على الرغم ان في غيره 2 بس هذا هو المحبوب من الكل لانه يرحمهم ويطاوعهم بكل شي حتى امه تموت عليه تخيلو يوديهم عمره كل فتره وفتره انا بطلت اروح رحت مره مرتين بس ابدا مااعجبني الوضع كأن في غيره من جانب الوالده الله يهديها من رمي الحكي بس كل هذا وصابره يروح ويجي في البنات صابره وماقلت شي السنه اللي فاتت هالوقت بداية الاجازه سافر وتركني مع ربعه لما رجع كان ندمان انه تركني وحلف مايروح غيرها ومن هالكلام اللي ماخوذ خيره المهم هذي السنه الوالد العزيز(عمي ابو زوجي) بيسافر بالبنات والوالده وقال للعيال اللي بيخاويني الله يحييه طبعا انا رفضت على اساس احنا متفقين وين بنروح هالسنه بس لما شاف هالروحه فضل انه يروح مع ابوه قال بتمشين قلت لاصعبه اول شي مالي تقبل عندهم يعني بالعربي مايبغوني ماادري غيره ماادري وش السبب على اني ورب الجلاله موب مدح لنفسي بس الحمدالله الكل يمدح فيني ادب واخلاق ولا عمري طولت لساني على احد المهم انا رفضت الروحه وقلت اجلس ولا تخرب مخططنا خلهم يروحون قال لا ماراح اخلي ابوي يروح بلحاله وحلفت واقسمت انه نهاية حياتنا هالروحه اذا بتروح لاني كل سنه اجلس على هالحال هو يروح ويخليني وانا في بيت اهلي ماصارت عيشه كله عشان يوسع صدور خواته واهله ... المهم صار لي جالسه في بيت اهلي اسبوع ويرسل ويدق يقول خلينا نتفاهم بحل يرضي الطرفين رفضت قلت بطل عن الروحه وتنحل المشكله والا مالي عن الانفصال لاني بصراحه انقرفت منك انت واهلك وتحكمهم في حياتنا بشي لايطاق قال الروحه بروحها وانتي بكيفك..... وراح..الحين له يومين تقريبا وانا قلت لاهلي خلاص ماابيه اذا رجع يطلقني وربي من قلب ماابغاه انقرفت منه يفضل اهله علي ولاهمه ان بيته ينهد عادي عنده...... ابوي الحين ضايق صدره وامي نفس الشي وانا مقهوره اقول ليه تحرون انفسكم وهو عادي ولا جاب خبر راح ولا درا عني.. وانا الحين ماادري هل قراري صح اني انفصل عنه واتركه وهالبنت بيتركها عندي؟؟ والا ارجع عشان اهله يتشمتون فيني ويقولون ماتقدر تبعد عنه مهما يسوي فيها لانه قد صارت مشكله قبل كذا وانحلت ورجعت
ماادري ساعدوني الله يرضى عليكم وش القرار اللي اتخذه هو حاط في باله انه اذا رجع بيرضيني بكم كلمه وكم هديه وبرضى كالعاده ..لان العائله الكريمه متعودين يسوون بحريم عيالهم اللي اكبر مني كذا وهم ساكتات ..انا افكر انفصل دام ماعندي غير هالبنت وش رايكم؟؟؟
هذا الموضوع مغلق.
في يدك الحل من زمان تدرين وش هو وهذا حالهم
الدعاااااااااااااااااء
لاااااااااااااااااا تدعين عليهم بل ادعيلهم الله يسخر زوجك واهله لك وربنا كريم اختي
واصبري مافي احد مرتاح
اصبري عشان بنتك
لاجل عين تكرم مدينة
اصبري ان الله مع الصابرين
والصبر مفتاح الفرج
لااااا تتسرعي الشيطان بيفرح اذا افترق الزوجين
دحين عندنا صلاة العشاء في مكة ادعيلك الله يسخر زوجك واهله لك قولي امييييييييييييين
الدعاااااااااااااااااء
لاااااااااااااااااا تدعين عليهم بل ادعيلهم الله يسخر زوجك واهله لك وربنا كريم اختي
واصبري مافي احد مرتاح
اصبري عشان بنتك
لاجل عين تكرم مدينة
اصبري ان الله مع الصابرين
والصبر مفتاح الفرج
لااااا تتسرعي الشيطان بيفرح اذا افترق الزوجين
دحين عندنا صلاة العشاء في مكة ادعيلك الله يسخر زوجك واهله لك قولي امييييييييييييين
لا يا عمري ان كان زوجك فيه خير وفي بنت منه حرااااام تهدمي بيتك حراااام تعوذي بالله من الشيطان واعلمي ان الشيطان اول من بيفرح بهالقرار حراااام حتى ابوك وامك ربنا يخليهم متكدرين دخيل الله راجعي نفسك تفاهمي بهدوء مع زوجك واعذريني ان قلت لك مو بس انتي اللي زوجها اهله مزودينها حبتين في اهالي يرفعوا الضغط من تصرفات اكثر من كذا
الصفحة الأخيرة
الله يهدي النفوس ويصلح احوالكم ويسخر لك زوجكـ
انا من وجهة نظري لا تتسرعي بالطلاق عشان خاطر بنتك
<< ترا انا مو متزوجه بس حسيت بهالمعاناه