زوجي وايام الويكند !

السلام عليكم ورحمه الله
اخواتي بالله ... كيف حالكم ؟


بدخل بالموضوع دايركت طبعا هالشي له فتره بس اكيد له بدايه زوجي من سنتين اخترع نظام جديد للويكند ان الخميس يكون له هو وقلت اوكي صار كل خميس روحي بيت اهلك نامي وانا راح اجيك الجمعه صار مايجي الجمعه الا متاخر بعد ما اتعب وانا اتصل عليه واذا قلت له تاخرت يقولي ليه انا حاطك بالشارع المشكله ان امي يوم الجمعه تروح لاهلها ف اجلس انتظره لمن يتفرغ ويجي وكم مره قلت له اهلي دوبهم ساكنين بيت جديد وماعندي مكان انام فيه ولا كانه يسمع مايستحي المهم انا مو هاذا السبب السبب ان الرجال له سوابق بالخيانات كل سنه اصيده بالجوال من كذا اشك من اجباره لي اروح لبيت اهلي واذا مارحت يصير فيها زعل ويطلع من البيت ومايرجع الا الفجر او يجلس ويقعد لحاله بمكان ولا كانه موجودين حتى مايكلمنا ..
الى ان جات ايام قالو اهلي لا تتركين بيتك وكيفه يقولي كلام مستفز انتي اهلك مايحبونك وانتي اصلا نفسيه وانتي وانتي الى ان صار له شهرين الحين يروح لامه بالبحرين ينام عندها من يوم الخميس بعد مايطلع من الدوام يروح ومايرجع الا السبت الفجر !!!
كل اسبوع كذا ع هالحال لا نشوفه ولا شي ويالله يكلمني بالواتس او يسال عنا وايام مايسال ويدري اني بالبيت لحالي !
المهم يوم كلمته قبل كم يوم قالي والله تبين تعالي معاي جربت اروح معاه ماغير اجلس بعباتي ع شان اخوانه ولازم اني اجامل مااخذ راحتي طول اليوم بعباتي عالكنب لا يطلعني ولا شي يطلع مع اخوانه واذا قلت له يقول والله انا جاي لامي طيب انت تطلع وانا اللي اجلس مع امك يقولي ماتبين لا تجين !
وغير كذا ٣ ايام تعب ارجع البيت تعبانه وعلي دوام واذا قلت ماراح اروح يقول خلاص باخذ بنتي معاي كيفك عمرها ٥ سنوات ومره خذاها والله يابنات اشوف يحطونها بسناب مبهدله وحالتها حاله وكل شوي يرميها ع واحد من عمامها ماعنده مسؤليه ويوم جاو ملابسها ياكثرها بالشنطه مالبسوها منهم اللبس اللي راحت فيه غسلوه ولا هو بمكوي بعد !!!!
المهم انا يابنات ماني عارفه كيف اتعامل معه والله يكلمني ما كانه صاير شي يبغى الخطا يطلع مني واذا قلت له طيب وحنا يصارخ علي هاذي امي !! حاط امه حجه مع انه يروح ع شان يستفزني ويدشر مع اخوه اللي اصغر مني !!!
تكفون اللي عندها حل او كلام منطقي يهدي النفوس تكتبه ..
شااااكره لكم وربي يجزاكم خير .. وجعل ايامكم كلها سعاده .. 💕