ماااشي الحال :

اختي من كلامك لمست انكم (وأعذريني على الكلمة) وكأن زوجك هو المرة وانت الرجال بالبيت او بلغة ثانية رجلين ببيت واحد!! حاطه راسك براسه ونقرك بنقره يا أختي انتم مافيكم لا عين ولا شي لاتوسوسين انتي اسلوبك مع زوجك غلط بغلط اذا قال بنروح لبيت خالاتي ولا أهلي ولا جدي لا تقولين ليه ماشاورني!! مو من طبع الزوج يشاور زوجته بهالأمور وعلى قول وحده مو كل شي نسويه ودنا انو نسويه يعني اذا مافيه مانع يمنعك من الروحه لهم ليه ماتروحين ولا عشانه ما قالك وش رايك؟!! اذا تبين أمورك تتعدل .. لا تفكرين مجرد تفكير بهالكلمة (وش رايك) انتي قاعده تهينين زوجك يوم تقولين له (قولي وش رايك) وعشان كذا عاند وطلع من طوره يوم حس بالأهانه كونه هو الرجااال بالبيت وفرض الروحه عليك فرض وإجبار صح ان أسلوب الفرض يقهر بس هذا زوجك مو أخوك تنتظرين منه انه يشاورك! اذا قالك بنروح بيت اهلي ولا خالي ولا خالتي تعالي له بإسلوب حلووو (ودي يافلان بالروحه ومشتاقة لهم ولجلستهم بس انا اليوم مرتبطه بطلعه او تعبانه او مالي هوا اطلع من البيت ) وغيره من الأعذار واذا ما عندك مانع من الطلعة بعد وودك تروحين(وقولي له سم وأبشر يابو فلان) نقطه ثانيه اخطيتي فيها انك خليتي ابوك يكلمه أكثر من مره ويقوله لا تجبرهااا تروح لخالاتك ولا عماتك!! انتي ياعزيزتي خرجتي من سلطة ودلع وديمقراطه الوالد لسلطة رجل آخر اللي سميتيها بالديكتاتورية وظلمتي زوجك بهاللفظ!! ابدا لاتخلين ابوك يدري ولا يكلم زوجك وقلتي ان زوجك بعد ما كلمة أبوك انه زعل وصار قاسي وعصبي!! وش تنتظرين بعد ما أهنتي زوجك بمكالمة ابوك له !! توقعتي انو بيدلعك ولا بيشيلك فوق راسه وبيلبي طلباتك انتي بأسلوبك وبمكالمة أبوك قاعده تهينين رجوله زوجك وانتي ماتدرين اتمنى اني افدتك ووضحت لك معالم أخطائك والله يصلح لك أمورك

اختي من كلامك لمست انكم (وأعذريني على الكلمة) وكأن زوجك هو المرة وانت الرجال بالبيت او بلغة...