زوجي وراتبي

يابنات والله ماجيتكم الا يوم ضاقت بي الوسيعه خلاص وصلت مرحله مع زوجي للانهيار
الي صاير زوجي راتبه فقط 7000 ريال يروح 1250 قسط سياره و850 قسط زواج وو1500 ايجار شقه شهريا تنشال من الراتب ومع غلاء البانزين والكهرب وغيرها من أمور الحياه مايصفي له الا 1500 والحمدلله رضا من رب العالمين
انا توظفت من 4 شهور فقط وراتبي 4200 يروح منها 500 للسايق وانا واعده زوجي لا اشتغلت بساعده وانا فعلا ماقصرت بعض الأحيان ادفع الفواتير وبعض الأحيان اقضي للشقه والعيال عندي 3 الله يخليهم وتعرفون مصاريف العيال بس باخر شهرين صار كل شي علي واذا قلت له جيب وسوي وكذا يقول ماعندي بدون مبالغه هالشهر ماصرف ولا قرش علي البيت ولا العيال وتخانقنا وقلت له بترك الشغل وقال لي لو تركتيه بطلقك لاني مابقدر اصرف عليك انتي وعيالك والله خنقتني العبره ومو عارفه وش اسوي كلمت اختي قالت لي بيعيه قبل يبيعك واطلبي الطلاق وخليه يولي لاني انا بعد ودي اجمع كم قرش اجيب لو هديه ب500 لامي واشتري لي لو قطعه ذهب او حتي جوال جديد من اشتغلت والله ماصفا لي أي شي حسيت روحي انا رجال البيت وكل شي علي ظهري يعني معقول اظل كذا طول عمري اشتغل واكرف عشان اصرف علي بيتي وعيالي وهو مثل الأمير قاعد بس كذا
عطوني حل الله يجزاكم خير لاني جديا صرت افكر بالطلاق مو قادره اتحمل الوضع
شكرا للاخت راعيه المعرف الله يقضي حاجتك ومايوريك مكروة بعزيز يارب