حبيبتي انتي معاج حق 100% لكن الرجال مو كذا تناقشينهم.. يبي لهم تكتيك وأسلوب، شي طبيعي إذا كلمتيه بشكل معين بيراددك ويعاند ويرفض، يعني أكيد لما تقولين بستقيل بيرد عليك بشي أكبر، وش كنتي تتوقعين؟
في المقابل لو حطيتي على نفسك وجاملتي وتبسمتي ومثلتي وصارحتيه بشكل حلو وشرحتي له شعورج والضغط النفسي الي انتي فيه وسحبتي منه اعتراف ضمني إنه مقصر مادياً في البيت ممكن توصلون لحل وسط.
أدري شي يقهر بس الحياة الزوجية تتطلب كذا

يابنت الحلال هونيها وتهووون


ساعة غضب طلع كاامه وانتي كمان


جيبي ظرف لاطلع الراتب وقولي يالله حط ٥٠٠ وانا ٥٠٠ هذي مصاريف البيت والعيال


وخلاص خلي اسلوبك حلو مو التتفير واني انا اساعدك واصرف


ترا الاسلوب له دوور


وراه ٣ ولو تطلقتي من بيكد عليهم غيرك


طولي بالك بالتفاهم ينحل كل شي

انت من بداية ماتوظفت مااتفقت معاه عالمصاريف عودتيه عالصرف إلين حسيت انه استغلك واستغل راتبك.من الان عوديه حبة حبة انك ماتصرفين الا شي بسيط حتى يتعود وترجعين على نفس الوضع الأول بس ساعديه في مصاريفك ومصاريف بسيطة لأولاده اما البيت والأشياء المهمة للأولاد علييه.

اختي قعدي معاه قعدت صراحه وتفاهمو على المصاريف
حددي له قائمه بالمصاريف وحددي لها مبلغ
الاجار:
الكهرباء:
مصروف لكل ولد:
مصروف المطبخ والثلاجه:
وهم انتي شخصيا يبي لج مصروف:

اتركي الوظيفة دامها بتجيب لك الهم والمشاكل ودامك تتعبين وماتذوقين شي منه فليش المرمطة
الا اقعدي في البيت وريحي راسك وخليه يكرف النفقة واجبه عليه لايجلس يتمنن مايقدر يصرف عليك ليه تزوج شخص غير مسؤول