زوجي وزعله الي ماله حل

يبنات وش الحل مع زوجي قسم بالله قرفت منه ومن معاملته لي من كم يوم عزم خواته وازواجهم وثنتين من سلايفي وربي تعبت وانا اجهز لهم الفطور وماخليت شي ماسويته صاحيه من الساعه اثناعش الضهر واحطلهم سفره طويله عريضه واهو شكرني عليها وقالي بيض الله وجهك علا هلفطور الي يبيض بلوجه وجلسوا لسحور وطبخت ولا راحوا الا علا ثنتين وربي ماراوحوا الا وانا منقص ضهري من الوقفه والطبخ والشغل ومن التعب ماحسيت نفسي الا علا طول رميت نفسي علا الكنبه الي في الصاله ونمت بدراعتي ومكياجي ولا قمت الا ثلاثه ونصف وااسال عيالي وين ابوكم قالوا نايم وعلا طول شربت مويه واخذتله كاسة مويه وادخل اصحيه يشرب قام يصارخ ويقول انقلعي مابي منك شي قلتله اشفيك قال اطلعي وخري عن وجهي وانا مادري وش سويت قلت هذا جزاتي احوس من الضهر لضيوفك الين انقص ضهري قال ليته ينقص وطلعت لما فتحت جوالي الاقيه مرسلي رساله علا الوتساب الحقيني الغرفه بعد عشر دقايق وكلا م كثير ماقدر اكتبه لكم والله ماشفت رسالته لاني مافتحت جوالي من التعب ورجعتله وقلتله والله ناشفت رسالتك نمت بلصاله ووماحسيت بنفسي وموراضي يصدقني وله يومين زعلان وكل ماجيت ابي اروح اصلي التراويح معاه يقول انطقي في البيت مو لازم تروحين معاي صلي في البيت ومسويلي حضر ومايرد علا اتصالاتي حتا سلام مايسلم وش الحل قالب رمضان هم ونكد علا شي تافه وكرهني في نفسي