زوجي وزميلته في العمل ابي رايكم

هلا وغلا

بنات اانا محتاجه اخذ رايكم وراح ادخل بالموضوع زوجي من النوع الهادي

بيتاوي ومعاه سعة باااال المهم من فتره تقريبا شهر دخل لبيت وهو مستانس

ويقولي عندي زميلتي تقدر تساعدك في شغله انتي ودك فيها من زمان عن طريق

انها كانت جالسه مع احد زملائه وسمعهم يتكلمون في موضوع انا كنت ابحث عنه

المهم تكلم زوجي مع زميلته عني فقالت اوكيه انا انشالله بحاول اساعدها المهم

من هنا بدت السالفه لاحظوا شغله اول مكان حيل معاها مايعرفها اللهم سلام

ماسلام المهم عطاها رقمه علشان تردله خبر عن الموضوع اللي يخصني

ومرت الايام وماحصل شيء وكانت بينهم اتصالات قليله ما تنذكر وماقدرت

تساعدني واعتذرت من زوجي المفروض الي هنا ينتهي الموضوووووووع.

بعد مده بسيطه وانتهاء الموضوع اللي يخصني , مسكت جواله وجلست اشوفه

وانا متعوده بحضوره وغيابه امسك الجوال عادي وكنت مفهمته انه مسكتي للجوال

مومعناه اني افتش عليك بس سبحان الله وانا كنت من مده موماسكه جواله لاحظت

شيء ماقدرت امسك اعصابي وخصوصا زوجي اعرفه موراعي غزل وحركات

ومايدري عن جوال يعني موحريص عليه عرفتوا كيف المهم لاحظت انه زميلته

متصله فيه كذا مره وفي اليوم اكثر من مره في اليوم بينهم اتصالات والحقيقه

انه المكالمه ماتتعدي كم ثانيه وان طولت دقيقه بس انا شدراني شنو محتوي

هالمكالمه المهم مسكت زوجي وقتله شوف ابي تفسير للي موجود في الجوال

استغرب شنو موجود في الجوال قتله تستعبط علي (( قتلكم هم من نوع الحليييييم))

قالي فهميني شسالفه بالضبط قتله السالفه قالي عادي مافي شيء شنومضايقك

انتي تعرفينها وهي متزوجه وعايشه حياتها في اوروبا مادري اي دوله قالي

قتله علشان عايشه حياتها في اوروبا ابتلش فيها يعني قال زوجها يعرفني وهي

تقوله كل شيء ويدري انه تدق علي علشان شغل وين المشكله وانتي شايف

انه المكالمه ماتاخذ الادقيقه اواقل بعد قتله بس مايكون في اليوم اكثر من مرتين

ويومي واوقات الشغل وعلي وقت رجعتك البيت تكون اخر مكالمه شمعناة هذا كله

(( وبصراحه يابنا هي اللي تكون باديه يعني متصله عليه احيانا مايرد يكون مشغول

ويرجع يدق عليها في وقت ثاني )) المهم قتله انت اساسا مايربطك فيها شغل

وماكنت اشوف هالمكالمات الا بعد ماقتله عن موضوعي وانتهي موضوعي

وانتوا مانتهيتوا اشوف جلس يحلف وانتي تدرين اني موراعي حركات ولااهتم

في هالمواضيع والمشكله انا ادري انه هو موراهي هالسوالف بس شتفسرون

اللي يصير ويومي واكثر من مكالمه المهم قتله شوف من يوم السبت ((اقصد السبت

اللي فات موالسبت اللي امس )) اذا شفت رقمها مره ثانيه راح اتصل عليها ووريك

فيها تفاجأ بكلامي وجلس يقول تحرجيني والله مابينه الاشغل لاتصيرين شكاكه

والغريب يابنات انه طوووووووول اسبوع اللي فات ولامكالمه استغربت وسألته

في الويك إند قتله موغريبه اللي اشوفه فجأه تنقطع ولامكالمه قالي لانه مابينه

شغل الحين وبعدين البنت لودقت انحرج مارد عليها قلت(( كأنه مافي تلفون مكتب

تتصل عليه حبقت الاجوال تتصل عليه )) قال لاني ماكون دايم علي مكتب تعرفين

طبيعة عملي المهم مشيت الموضوع عادي وجأ السبت (( امس )) مسكت جوال

لانه قالي قبلها اليوم البنت تقولي (( علي موضوع عادي)) المهم نغزني قلبي

قلت اكيد متصله ومسكت جواله الا ثلاث مكالمااااااااااات مرتين الزميله ومره

هو متصل عليها انقهرت قلت يعني تتطخ اسبوع كامل وفجأ ترجع تتصل قالي

والله كانت تبي شغل مني وشوفي وقت المكالمه ماتعدي دقيقه وفعلا مكالمتين 10

ثواني ومكالمه دقيقه وثانيتين قلت خلاص انا راح افهم الموضوع منها قالي

لاتحرجيني والله زوجها يعرفني وواثق فيها وفيني انها موراعية هالحركات هذي

هي المهم زعلت عليه وطنشته ويكلمني ومارد عليه ونمت وانا زعلانه منه عصب

وتضايق وقال كيفك وحط راسه ونام . هذا انا قلت اخذرايكم وقلتلكم عن مشكلتي

شرايكم ادري طولت عليكم بس والله التفكير ذبحني موقادره اصدق ولاقادره

امشي الموضوع عادي بعد وهو متوقع اني بتصل عليها اليوم اخاف تتطلع السالفه

مافيها شيء وانحرج مادري شسوي يابنات تنصحوني بشنو . واذا شفت رقمها اليوم

شبكون موقفي معاه بعد .


والله يوفق اللي ترد علي انشالله