زوجي وزميلته في العمل. الله يرزقها من حيث لا تحتسب الي ترد عليا

السلام عليكم يا بنات هذه اول مشاركه ليا في هذا القسم ووالله ما فكرت اكتب لكم الا بعد ان ضاقت بي ولم اجد حل لمشكلتي. بيتي معرض للانهيار فوق راسي وراس ابنائي من تحت راس زميلة زوجي في العمل.لا اريد ان اطيل عليكم فانا في هذه المعاناه منذ سنه بالتحديد.زوجي يعمل في احد الشركات ومنذ سنه عينو سيده جديده معه في نفس القسم ومن يومها واحنا الي عمرنا ما اتخانقنا مشاكلنا لا تنتهي بالرغم من انها متزوجه وعندها طفل لا انها لا تستحي تتصل بيه في غير اوقات العمل وترسل له رسايل يمكن مافيها كلام حب او شيء مشين ولكن لا شيء ييتعلق بالعمل واسلوب كلامها معاه تموتي لو تسمعي واحده تكلم زوجك بالطريقه دي طريقة كلها دلع ومياعه ومره جت رساله على تليفون زوجي وللاسف كان معايا الموبايل وقتها كانت بتسأله على اكله معينه اذا كان بيحبها عشان تجيبها معاها تاني يوم الشغل ؟انا رديت على رسالتها دي برساله هزأتها فيها واثناء كل دا طبعا المشاكل بيني وبين زوجي لا تنتهي وهيا ولا كأني قلت حاجه فضلت تتصرف تصرفاتها السخيفه وزوجي مشكلة حياته انه مبيعرفش يحرج حد الى ان حصل اخر موقف من يومين طلعوها هي وزوجي وزميل لهم مأمورية عمل لشركهاخرى والمدير طلب من زوجي يروح بسيارته تخيلو رفضت تجلس ورا واصرت تجلس جنبه وزميلهم التاني قعد ورا!!!!!! اساسا كان ممكن تعتذر ومتروحش ولما اضطرت تصر تركب جنبه والراجل يجلس ورا بالله عليكم عندي حق اموت وللا لا دي جراير الاختلاط بس نعمل ايه زوجي ليس بامكانيته انه يترك شغله او يغيره وانا بموت كل يوم تخيلو كلمتها في التليفون وقلتلها ليه تركبي سيارة زوجي وتقعدي جنبة قالتلي متدخليش وانا حره والله بتخنق كل ما استرجع صورتها وهيا جالسه جنبة لدرجة اني بطلت اقعد جنب زوجي في السياره هو بيقول معرفش يعمل ايه هو وزميله بيقولو لها اقعدي ورا قالت لا وفتحت باب السياره وركبت حسبي الله ونعم الوكيل فيها وفي ال زيها انا كنت هتطلق بسبب المشكله دي.زوجي والله رجل متدين ويخاف الله وميحبش القرف دا لكن ظروف عمله هيا الي حكمت بكدا وخجله وادبه الي منعوه انه يرميها برا السياره ارجوكم قولولي ماذا افعل انا هخلي زوجي يقرا ردودكم لانه شايف اني مكبرا القصه ساعدوني بالله عليكم