زوجي وسيارته ساعدوني تكفون

كيفكم يابنات اسمحو لي بخش بالموضوع دغري لاني مليت وفقعت من زوجي ومن غبائه الشديد
السالفه ومافيها انه زوجي قبل 6 شهور اشتري سياره من صديق اخوة جايبها من أمريكا هي موديلها حديث وكويس ومافيها شي اشتراها ب48 الف ريال للحين كل شي اوكي وحلو


بعد شهرين من الوقت الي اشتراها فيه السياره بدت تطلع عيوبها وتخرب وبدون مبالغه كل خربه اشين من الثانيه وقطع غيارها مره غاليه لانها مو متوفره كثير وحتي طلب لها قطعه واطر يجيبها من أمريكا وطلعت عليه مع الشحن ب6500 ريال تخيلو
وقبل شهر ونص خرب فيها شي وكلفته 3000 وأول امس المكينه حقتها ماادري ايش فيها وخلاها بالورشه وقالو له تصليحها بيكلفك 9000 ريال لانه بيبدلون المكينه كلها انا فقعت وانا أقول له بيعها ودايم تخرب وفلستنا انا موظفه ومايمر شهر الا يتسلف مني عشان هالسياره الخايسه ولسه للحين مصر عليها لدرجه والله قلت له بيعها بتجيب له 30 الف ريال وبعطيها انا من جيبي 20 الف وبتجيب له احلي سياره ب50 ونظيفه وعليها ضمان وكل شي وبرضو للحين اخوة الغبي يقول له لا تفوتها وكل سياره تخرب وماعليك وماادري ايش وماتحصل مثلها وهو مصدق للحين مكلفته مع سعرها الي دفعه فيها ممكن 85 الف ريال يعني قط فيها فوق سعرها حول ال30 الف ريال كل هذا باقل من 4 شهور تخيلو وكل يوم خراب ويطلع فيها شي وبلا وهو مو راضي يبيعها وكل يوم انا خناق معاه ابيه يبيعها وهو مصر عليها وقسم الأول راتبه يكفينا ويزيد بعد الحين هو يصرف بس علي السياره وانا اصرف علي البيت والعيال بديت اجن وش اسوي عطوني حل او طريقه اخليه يبيع هالبلا الي عنده والله فكرت قلت بروح بيت اهلي واجبره ياتبيع ياتطلق وقسم وصلت الي هالمرحله ساعدوني الي عندها حل او أي وحده تسال زوجها وش اتصرف وش أقول لك عشان اقنعه يبيع تعبناااااااا


شكرا لاختي فطومه علي المعرف والله يجزاك الجنه يارب
بنات لا تطنشون ولا تضحكون علي موضوعي بجد متازمه مره ربي يعافيكم عطوني حل