زوجي وصاحب عمري والحياة يحاول يقتلني ! / قديم

السلام عليكم ورحمة الله وبركاته
جيت وانا مستبشره خير فيكم وبمشورتكم والا حبل المشنقة ارحم لي من عيشتي اللحين ):


انا عمري ٢٥ سنة ، متزوجة من سنة تقريباً وحامل بالشهر الرابع وعشان نكون بالصورة ولو اني مب من القوم اللي يحبون مدح النفس ، ولكن للتوضيح : الله معطيني من الجمال والطول والبياض أسرتي الحمدلله ، الله معطيهم مراكز بالعلم والثقافة وثرية جداً وانا متخرجة علوم سياسية بكالوريس والنية اكمل ماجسيتر عقبى الولادة بإذن الله ولدي مشاريعي الصغيرة والحمدلله الحال ميسور .
كانت حياتي مثالية جداً ، وأشدد على كانت .. حبيت شخص ٨ سنوات واليوم هو زوجي ، كان شخص محطم وبلغ وزنه ٢١٠ وطويل واسمر البشرة مدمن على الانترنت وحياته سطحية ولم يكمل دراسته الجامعية بل دخل معهد وتفكيره اقرب مايكون للأنسان الحجري ووضع اسرته صعب جداً ، حصل بيني وبينه ارتباط ( بشأن العمل ) كان يسوي اعلانات اون لاين ويصمم ونصحوني الناس فيه لأني كنت محتاجة اسوق لمشروعي الخاص الصغير ، بدأ بالتقرب مني وكسر خاطري لوضعه وخجله الشديد من نفسه وأصبحنا اصدقاء وبعد ذلك حبايب وقفت معه وساندته ،ساعدته بكل مافيني واجبرته يكمل دراسته ويوسع مشاريعه واليوم هو شخص افضل ولا يمت بالشخص السابق ب صلة ، ف اصبح وزنه ٨٠ ووسع ثقافته وتفكيره واصبح انسان فعال بالمجتمع واليوم ايضاً هو شريكي ف اعمالي الخاصة .
بعد عناء ومجاهدة من قبل اهلي ورغم رفضي للدخول علاقات زوجية أفضل حال بنظرهم الا انهم وافقو عليه وتزوجته واليوم انا حامل بالشهر الرابع ، الا إن زوجي كل يوم يحاول ان يقتلني .
رفيق دربي ، صاحب عمري والحياة يحاول قتلي يومياً ! أخبرني قبل زواجنا بيوم انه يعاني من مشاكل جنسية بسبب سمنته سابقاً وهو ضمور العضو الذكري والخ ! ف أخبرته اني احببته بأسوا حالاته ولن افرط به بسبب اعتقاد عنده ومهما كانت الأسباب انا احببته لشخصه ، وعدأ أول شهرين بدون مايتطرق للموضوع وكنا سعيدين جداً واحاول قدر الامكان اسعد نفسي واسعده وقت الجماع .
لحد مابدأ يجن جنونه : ف بدأ اول مرة يعلق واحنا ف الجماع ب كلام يخليني ازعل وانام واخليه ، ومعنى الكلام انو اكيد انا مو مرضيك اكيد انا مو عاجبك وكنت احاول انفي كلامه واتقرب اكثر وصار يتهمني بالكذب واحياناً يخليني وينام بالغرفة الثانية واحنا ف وسط الجماع ! ولما احاول اتفاهم معه يصرف الموضوع ويوريني انه مو مبالي ابداً ، بعدها بدأ علاقتنا تسوأ اكثر وصار يسب اهلي ووالدايني لأي سبب تافة صار عصبي ويقهر ويحاول يتجاهلني ويحاول يصغرني ويصغر عقليتي ، وانا للأمانة ما اسكت ارد وانرفزه ويحاول يبعد عني ، لكن بيوم شد النقاش ودفني وثبتني ع الجدار وحاول يضربني بس مسك نفسه وانا صرت استفزه واتحداه يضربني ب غضب ومن هاللحظة كأني فتحت على نفسي ابواب جهنم
صار يضربني لأي سبب وبعدها يجي يبكي زي الطفل ويعتذر ، صار يخنقني ب الطلعات بالروحات حتى عملي بالقوة يخليني اروح ، وانا مو متعودة ابداً على نمط هذا الحياة وكأنه قرر يرجع انسان رجعي واسوأ من ذلك ، صار يضربني ويستخدم السادية معي بالفراش حتى لو مزعلني وماابغى ومرات يخنقني لين احس اني بموت ومايخليني لين ابكي ، ويرجع مثل الطفل يبكي ع صدري .
وثقته مهزوزه جداً بنفسه وقت الجماع صرت احاول ابالغ عشان يحس انو فعلاً مسمتعه ومااكون على سجيتي ويكشفني صار يأخذ الطريق الآخر وهو السادية والمصيبة صار مايرتاح الا فيها ، ذبلت معه وشوه جسمي بالضرب مستحيل مايمر يوم مافيه علامة ، ولما اقول ليه تضربني يقول فيه فرق بين التأديب وبين الضرب انا مااضربك وانا احبك والخ ، قررت اتخذ طريقة اني ماارد عليه وصابته حالة هيسترية اول مرة يصرخ ويبكي وردي علي وسامحيني لين اضمه واهديه مثل الطفل وصار بعدين يلحقني ف البيت ويسبني من مكان لمكان ويشكك فيني اني مابيه واني بتركه فجأة من غير شي وانه مو مرضيني بالفراش ومدري ايش ، واذا تكلمت طقني واذا سكتت طقني ، رجعنا طبيب نفسي كلمنا اصدقاء مقربين كلشي سويناه ويطلعني انا الغلطانه لاني مو صريحة يبيني بالغصب اقول انت ماترضيني ولو اقول ل اهلي عن ضربه ممكن يطلقوني منه لانه مو راضيين اصلاً بزواجنا ويكرهونه ولا يستقبلونه فالبيت الا نادراً وصار شرخ بيني وبينهم والمشكلة حتى وانا حامل يخنقني احس مرات يحاول يتقلني اشوف الغضب بعيونه وانه زعلانه من نفسه واعرف شقد يحبني وخايف يخسر هالحياة معي ، ودايم اقوله انت بطريقتك ذي تخسرني مو ل اشياء ف مخك
لحد يقولي تطلقي انا حامل ب طفله وهو شريكي بالحياة والعمل ، اهلي ضدي واحب زوجي ويحبني ابي اعرف طريقة اهدي خوفه اربط ع قلبه واعلمه اني جنبه تعبت ، خايفة يقتلني ويقتل نفسه او انا بقتل نفسي وارتاح .