انتي بنفسك عارفه الحال ولا تبينه
هو ياطلاقك ياموتك
الضرب صاير يزيد عليك بالتدريج
لحد مايطلع فيك عاهه
وبعد مايسوي فيك عاهه ذيك اللحظه تهربين منه لاهلك
ياشيخه عيشة اهلك والدلع والراحه اللي عشتي فيها تفضلينها على عيشة هالانسان
ايش الحب اللي تضحين بصحتك ونفسيتك وجسمك
ليكون هو حمل فيك تسعه اشهر ولاهو قام يطلق فيك ساعات الم ووجع ودم
ولا هو قايم من صغرك يفرفر بالشوارع يدور لقمة العيش لك انتي عشان تضحين عشانه
حاطته بمثابة امك وابوك
وهو ماسوالك ولا ربع اللي سووه اهلك لك من طفولتك لحد ماطلعوك مره قويه سليمة معافاة رعوك واهتموا فيك اخرتها يجي واحد مثل ذا يخرب تعب امك وابوك فيك يدمرك ويخرب شغل سنين قاموا عليك اهلك


ياشيخه ذا مو حب ذا اهانه لك
الحب مايبني بيت
شوفي حالتك
روحي لااهلك ورتاحي منه وجعله يصيح صياح بزارين الدنيا اهم ماعليك نفسك
من يبي ينهبل لو جاك شي امك

صدقيني وعن تجربه افضل نصيحه اقدمها لك لا تسواسينه وتهدينه لا بالعكس خوفيه من فقدانك يعني مثلا اذا ضربك اتركي له البيت وروحي لبيت اهلك واجلسي عندهم كم يوم وقولي لهم زعل خفيف او بس كذا جايه اغير جو عندكم وبهالفتره العبي باعصابه لا تكلميه او قولي له انا افكر مع نفسي وبشوف وش اقرر وارد عليك خليه يخاف من فقدانك وانك ممكن باي لحظه تبيعيه عشان يتعدل لانه كل العلامات الي تقولينها مجرد مزاجيه منه فقط هو مو واثق بنفسه ويبي يهز ثقتك بنفسك فلا تسمحي له بهالشي وكوني قاسيه معاه ولو لمره وهالمره صدقيني بتغير حياتك كثير لا خاف من فقدانك بيتغير عشانك وارجعي له بعد مايبوس يدك ويوعدك يتغير والا المره الثانيه خلااااااص انفصال وشوفي كيف بيتغير ولا تنسي جايكم طفل بالطريق حرام تعيشينه رعب لا شاف ابوه يضربك او يخنقك او يصرخ عليك تحركي بيدك تخلين حياتك مستقره واذا ماتغير وضل يضرب ويهين ويسب فصدقيني هو مايستاهلك

رديت عليك أول بناء على كلامك وماكنت أعرف وش السادية أول مره بحياتي أسمع فيه الله يبعد عنا وعنكم الامراض ويكفينا شرها رحت بحثت وانصدمت صراحه كيف عايشه انتي انتي مجنونه والا بعلقك شي روحي لأهلك وتطلقي بلا حب بلا بطيخ قال يحبني بلا تخلف على كل الي سواه ويسويه يحبك أجل لو يكرهك وش يسوي يقطعك بساطور مثلا أقول بس انفذي بجلدك بس لاتعلمينه انك بتطلقين الا وانتي عند أهلك لايسوي فيك شي ومتأكده لو أهلك يعرفون بمرض زوجك كان سحبوك غصب عنك من عنده وبصراحه بديت أشك بمصداقية الموضوع وحده بوضعك وتقول لاتقولو لي أتطلق منه أحبه وش هالخبال الي فيك

اول سنه مو مقياس ابدا على فشل الحياه الزوجيه بس ﻻزم تحطين لحياتك ضوابط من البدايه


امنعيه اولا يضربك ابدا وﻻ ضرب خفيف وﻻ ثقيل اتفقي معه ان ضربك انك تتركينه وترجعين ﻻهلك ان ضربك ابعدي عنه فتره حسسيه انك قد كلامك بس بدون ماتدخلين اهلك بالموضوع


ثاني شي اعطيه كلمات تحسسه بالامان معك ﻻنه واضح فاقد هالشي وبعدها اطلبي منه مايعيد كﻻمه عن ثقته المنزوعه وﻻ فعلا قولي له انك من كثر ماتعيد بها الشي بيوم راح تقنعني بكلامك

ماتبين الطلاق ليش كاتبه الموضوع اصلا مافي حل الا الطلاق او انتظري يسبب لك عاهه وتطلقي وقتها يرتاح ضميرك
سويتي له كل شي وهو ايش سوا لك ؟ ادور حسنه وحده له مافي
تقولين يحبك مايحبك لنفسك يحب الحياه معك وتغيير اللي صار له وخايف يخسرك ويرجع لحياته قبل
لو يحبك لنفسك كان ما ضربك واهانك لو يحبك ماسب اهلك لو يحبك ماحاول يصغرك يهز ثقتك بنفسك
فوقي من الوهم اللي انتي عايشه فيه وروحي بوسي راس امك وابوك واعتذري له