زوجي يتلطف مع الشغاله!! ما ادري امشيها والا كيف!!

يا بنات انا حامل بالشهر السابع
وعندي بنت عمرها ٣ سنين ونص
وحملي متعععععب وثقل وتعب
اخذت لي شغاله بالاجره الشهرية
قلت تريحيني وتعيني
خصوصا انو رمضان عالابواب والمسؤليه بتكبر
الشغاله الشهاده لله ماشفت عليها شي
لكن زوجي جنني
يعني لما كنت اتعب كان يشيل الصينيه للمطبخ وكذا
استمر على نفس حركاته!!
اقول له ليه الشغاله موجوده
يقول عادي انا تعودت اساعد واخدم ومدري ايش!
وانا قلت اطنش


قبل كم يوم كنا طالعين نشتري اغراض للبيت
مواعين وصحون وخرابيط
اشر زوجي على مريله طبخ كلها ورود
لابستها وحده شقراء على صورة الكرتون وشكلها دلع
قال: شوفي هالمريله ايش رايك تاخذيها للشغاله!!
ضحكت وقلت انا ست البيت مادلعت نفسي تبيني ادلعها!
وطنشته
الطامه الكبرى اللي صار اليوم
انا صحيت الصبح وسويت فطور بنتي وجلست افطرها
وزرجي صحى وراح يعمل فطوره والشغاله بالمطبخ تنظف
ماقلنا شي
ناديت الشغاله تجي تشيل الصينيه وترتب
جتني معها ثوب لزوجي تقول: دقيقه مدام بس سوي كوي
قلت: كوي ايش؟
قال زوجي: انا عطيتها ثوبي تكويه لي بسرعه قبل الصلاه
انا سكت
راحت الشغاله تكوي
وجلس زوجي يفطر
قلت له: حبيبي اذا بغيت شي علميني انا اخدمك بعيوني
قلب صوته وقال: اهاا عرفت ليه وجهك انلفع فجأه!! ايش فيها لو اطلب من الشغاله!! ليه جايبينها!! هذاي جزاي ارحمك وما ابغى اتعبك وانتي حامله وتعبانه!!
عرفتوا طريقه خذوهم بالصوت لا يغلبوكم!
قلت له: انا موجوده هنا لخدمتك وماشكيت من تعب ولا اهلمت
وطول عمري اكوي ملابسك بنفس طيبه
قال: بس هي كويها ممتاز زي كوي المغسله!
قلت: ايش عرفك؟
قال: من يومين عطيتها ثوبي تكويه لي ماحبيت اصحيك!
قلت: اهاا يعني بينكم خدمات وانا ما ادري!! احسبها اول مره تكوي بطلبك!!
بنات انا متزوجه لي اكثر من ٤ سنين
وطول عمره يكوي ثيابه بالمغسله بحجه انها افضل كوي
وحتى مايتعبني حسب كلامه
والحين صار يتطلب من الشغاله كل شوي!!
قلت له: انا موجوده اذا بغيت شي علمني اقول لها
مايجوز شرعا تتكلم معها مباشره وانا هالشي يزعجني
قال بعصبيه: شوفي بلا نكد وعقد ماراح ادورك كل شوي
اذا مالقيتك قدامي بطلب منها اسرع واحسن
وانا متربي واعرف حدودي الخ
قلت له: انت متربي احسن تربيه وعارف حدودك ودينك
بس هي ماتربت مثلنا ولاهي من ديننا ولا مجتمعنا ويمكن تفهمك غلط
عصب وقال: انتي كل شي تقلبينه نكد
ابطلب منها اي شي مادفعت فلوس عليها عشان تتحكمين فيني!!
انا اكلت تبن وسكت
واساسا مستغربه ليه يجادلني كل هالجدل ويعاندني كذا
ونزلني عند اهلي واحنا متزاعلين لاكلمني ولا كلمته
تعبت والله العظيم
المشكله انا الحين بين نارين
اما امشي الخدامه وارجع للكنس والمسح والتنظيف والغسيل
وانا تعبااااانه وعلى وشك ولاده وبنتي مزعجه وهو متطلب
او اتحمل هالقرف واصبر على مخاطبات زوجي مع الشغاله
وانا كأني طرطوره لا اهش ولا انش ببيتي!!