زوجي يحبني كثيير بس مايحبني اتكلم..تنااقض!!!!! ساعدوني

الله يكون بعونك عزيزتي ... ومادري
نصيحتي بتقدر تفيدك ولا لا ...


بس انا اقول ليش ما تخففين الالحاح على
الحوار لفتره ... وتخلين الامر يجي بشكل طبيعي ...


صدقيني احيانا لما الانسان يحاول يسولف
او يحاول يجاري شخص بالكلام ... تخونه التعابير وتطير كل السوالف :07:


بجد والله احيانا انا كذا احس مع بعض
الصديقات .. طبعا راح تقولين الصديقات غير ...


لكن انا برأي الدردشه لها مزاج ... وكل
سالفة تنفتح بعفويه ... تتبعها سالفة ثانيه على طول .. بدون تفكير
ولا تكتيك ... يعني الكلام يجر بعضه ..


يعني انتي طولي بالك وريحي حالك
ولا تسوين مقارنه بينك وبين اصحابه ...


لأن الصاحب غير الحبيب ... احيانا
في بعض الرجال يسولفون ويدردشون .. لأن الجلسه
تتطلب هالشي ... يعني مافي شخص راح يطلع مع اصحابه
بس عشان يسكت :07: صح ولا لا؟


ااما بالبيت غير .. يعني ياخذ راحته
يتكلم وقت ما يبي .. ويسكت وقت ما يبي ... ولا يحس
نفسه ثقيل ... وهالشي امكن انتي ما دار بخاطرك
وفكرتيه قلة احترام ... او برود من ناحيته ...



اهم شي بالموضوع كله .. انك تخلين
الحوار يجي طبيعي ... بدون دفع او سحب للكلام ...



وخليك ريلاكس وراح تلاحظين هالشي ... يعني
اتكلمي لما تحسين تبين تتكلمين ولا تنتظرين ردة الفعل او
الدردشه المقابله ...



شوي شوي .. ومثل ما تعرفين مافي شي
يتغير بيوم وليلة ... وانتقلي لحوار ثاني ...



كلااااااااااااااام العيون :32:



ترى له دور اكبر من الكلام اللي ينقال
باللسااااااااان ... وجربي وشوفي ...



موفقه يا عزيزتي :26:

الــــــــلـــــــــــــــــــــه يعينج يا اختي

فعلا الانسان اللي اعصابه بارده ويحقر وجنه محد عنده ومايحط اعتبار لأحد

يبط الجبد ويقههههههههههههههر

ياااااااااااا مغيث

عزيزتي لا تستغربين من سكوت زوجك هذي المشكلة يعاني منها أغلب الزوجات وانا وحدة منهم أنا في البداية كنت أعاني مثلج بس بعدين غيرت اسلوبي معاه وصرت سكوتية مثله طبعا غصبا علي و صرت ما أسولف في البداية هو ما اهتم وانا انقهرت أكثر ، ومرة لما كنا طالعين في السيارة قال لي ليش ساكته وانا طبعا استغليت الموقف وقلت له ساكتة مثلك ما عندي شي اقوله ، لاحظت عليه قام يسولف أكثر من قبل ........، أذكر مرة شفت الاستاذ جاسم المطوع في برنامج وكان يتكلم عن هالموضوع صمت الازواج وعرض مجموعه من الافكار اللي ممكن انها تحل هالمشكلة ومن ضمن الافكار فكرة الشريط الصامت يعني تييبين شريط فاضي وتشغلينه في السيارة وتقولين لزوجج انا جبت لك شريط وابغيك تسمعه طبعا هو بيمل وبيقلب الشريط على الجهة الثانية هنيه قولي له انت ما تحملت شريط صامت 5 دقايق كيف تبغيني اتحمل زوج صامت طول العمر ، ناقشيه في الموضوع يمكن يتأثر ويحس بمعاناتج ،حاولي اطبقين هالفكرة ان شاء الله تنفع

حاولي تغيرين أسلوبج معاه بس لا تتوقعين راح تنفك العقدة عنه على طول لالا بس بتلاحظين ان سكوته بيكون اقل من قبل:26: :26: :26:

عزيزتي كلام العيون.......


المشكله اني اذا اليوم كله ماتكلمت مايحس فيني يعتبره شي عادي!!!!!

احنا نحب بعض كثيييير لكن قلة حواراته ومشاركته الكلام معي يحسسنا انا بعيدين عن بعض

يعني لو هو طول اليوم في البيت انا اكون بغرفه وهو بغرفه يجي يسأل عني عشر دقايق يقول ليش مو جالسه عندي؟؟

اروح عنده مانتكلم كأن الكلام انتهى ومافيه شي مشتركين فيه

مس روز.......

اشكرك على مرورك الكريم ودعواتك

الاماراتيه........

مشكووووووره حبيبتي...والله حسيتك فاهمتني
فكرة الشريط رووووعه بجربها ان شاءالله

مشكلته يقول انه ماعنده كلام......!!!!!!!!!!!!طيب ليش مايرد على كلامي؟؟؟؟

الله يصلحهم

اتمنى ردود اكثر

والله انا الحين لما فتحت النت كنت كايمة عشان اشنكيلكم من نفس المشكلة لكن من ضيمي وضيكة صدري ما كنت عارفة كيف ابدي الكلام وصدفة دخلت على موضوع الاخت دعواتكم الي هي نفس مشكلتي الصمت والله يا بنات طول ما هو بالبيت يا نايم يا جالس عالنت وان جلسنا مع بعض ما يتكلم باي موضوع وان حاولت اكلمة وافتح معاه حوار ايرد علي بكلمة او كلمتين كان الكلام بفلوس ومرات افكر انو يمكن ايكون تعبان او مضايق واسكت لكن لو جاله تلفون من احد اصدقاءة او اهلة في نفس اللحضة اشوفة يتغير 180 درجة وتبدي السوالف والضحك يمكن ايطول ساعة او اكثر والله يا بنات تعبت هذه مشكلتي معاه من اول ما تزوجته لكن قبل ان اسكن بالغربة كنت اكدر اتحمل كنت ا افضفض لامي والصديقتي وكنت احس براحة لكن الحين ماني كادرة اتحمل واكثر من مرة طلبت الطلاق بسبب اسلوبة هذا ومرات عديدة فهمتة اني الحين محتاجتة ايحس فيني يسالني شفيج لو شافني مقهورة والله يا بنات ادري طولت عليكم بس انا الحين ابكي والعبرة حاسرة كلبي وما ودي اسكت ودي اعرف ليش ايكون حظي هذا الرجال الي مخلي حياتي صحراء بالبداية كنت اسكت اكول يمكن ايحس لوحدة لكن ميفيد ايعوفني اهري بنفسي واعصابي اربع او خمس ايام ولا يسال عني وهو حاس اني مقهورة وما يجي يتكلم معاي الا اذا احتاج لذيك الشغلة انتو فاهمين المشكلة بنات انو صارت مشاكل كثيرة لهذا السبب وحاولت بعدة طرق افهمة انو الحياة بينا لازم ايصير فيها حوار لازم الواحد ايحس بالثاني الحياة مو بس انت تصرف علية واني اجيبلك عيال لكن من دون فايده بيتغير ليوم او اثنين ثم ترجع ريمة لعادتها القديمة يمكن بنات لو كان طبعة مع كل الناس كذا كان عذرتة وكلت الطبع ما يتغير لكن هو معي شكل ومع اهلة واقاربة واصدقائة شي ثاني والله تعبت تعبت من هذي الوحدة والمشكلة اني ماني كادرة اكون صداقات هني يمكن اتخفف اشوي من الكبت الي بداخلي انشغالي بالعيال والبيت ما معطيني فرصة اتمنى منكم المشورة اسفة اختي دعواتكم دخلت على موضوعك ارجو انك تعذريني