Karaz Girl @karaz_girl

عضوة فعالة

زوجي يخبي علي !!

السلام عليكم بنااات كيف الحال ...

حبيت أخذ رأأيكم بموضوع يخصني وحاابه أعرف رأيكم ... خاصتا أني ما أحب اكتب عن مشاكلي الخاصه أو حتى اتكلم عن زوجي بالغيب أحس فيها نووع من الخيانه لزوجي (( أعذروني بس أحب اوصف لكم كل إلي أحس فيه من مشاعر حتى اتحسون فيني اكثر ))... والله الواحد سااعات مضطر يتكلم حتى يعرف إلي يحس فيه صح ولا فيه ظلم للغير ...

ما احب أطول عليكم أكثر راح أتكلم بلي مضاايقني وصدقوني كلي ثقه فيكم وأتمنى أنكم تفيدوني جزاكم الله خير

أنا صارلي متزوجه بحدود السنه وأربع شهور وزوجي مو من الأهل ولا المعارف غرييب عني حتى مو من نفس القبيله ... عندي ولد ولله الحمد .. وأنا عايشه مع زوجي وخالتي ( أم زوجي ) بس في بيت واااحد

زوجي أصغر وااحد من أخوانه عنده الأخو الكبير متوفي الله يرحمه ويسكنه الجنه ... وأخو ثاني يدرس دراسات عليا بالخارج .... زوجي متكفل في بيت أخوه المتوفي يرعى عياله ويرجعون لزوجي في الامور الي تخصهم ( وهذا الشيء الي جعلني أحب زوجي وأقدره أكثر ) وعلاقتي جدا ممتازه مع مرة حماي المتوفي اعزها بالحيل وهي نفس الشيء ...... المشكله إلي مضايقتني أنه زوجي يخبي علي .. يعني أحس أني غريبه عنهم الأمور إلي تكون عائليه حيل مايقولي أسمعها منهم أو منه في نفس القعده بس ابروحنا ما يتكلم أو يقولي أي شيء راح أضرب عدة امثله حتى تتبين عنكم الصوره

بنت حماي المتوفي تقدملها عريس وكنت أسمع زوجي يكلم أخوها يقوله أسئلوا عنه أكثر ولما يرجع عمكم الثاني من السفر نقعد معاهم وانا كنت قاعده .. وكنت ما أسئل لأني حسيت أنه موضوع خااص وكان يتكلم مع خالتي ولما دخلت اسكتوا ويغريوا الموضوع.... بس بالأمانه لما تجيه مكالمات من ولد اخوه عن هالموضوع وأنا اكون قاعده ما يقوم ويطلع لا يتكلم جدامي بس من غير اضااافات

الموقف الثاني من يومين كنت راده من بيت أهلي أنا وزوجي وخواته موجودين ومرة حماي قاعده .. المهم دخل ولدها وعمره 20 .. سلم على زوجي وقعدنا نسولف اشوي أنا قمت رحت شقتي فوق لأني كنت برتب قبل لا يصعد زوجي ... والقصد أني اخليه مع ولد اخوه يمكن يبي يكلم عمه وأنا خليتهم على راحتهم ... المهم فجأه سمعت صرااخ زوجي وصوته يعلى نزلت لقيت بس خالتي محد موجود قلت خاله عسى ماشر ليش صوت زوجي عالي وقاعد يصارخ ( ماكانت تبي اتقول ) قالت ولد أخوه يبي يسافر مع ربعه واهو موراضي ... صعدت فوق أشوي جان يدخل زوجي سالته ( مع أني عارفه السبب بس بشوفه بوقلي ولا لأ ) .. قتله عسى ماشر أشفيك قالي مافيني شيء !! .. قتله بس صوتك وصلني فوق وكنت اتصارخ ..قالي أيه أدري وسكت ... ما قدرت أسال اكثر أو أضغط عليه ... حسيت أنه مايبي يقول السبب مع أني عرفت من خالتي بس أهو ماقالي

وفيه موقف ثالث .. أنه حمواتي وخالتي ما يكلمون زوجت حماي الثاني ( إلي يدرس بره ) في بينهم زعل من فتره من قبل لا اجي عندهم ... ودخلت الصاله و سمعت زوجي يقول لخالتي ليش فلاانه يقصد زوجت اخوه الثاني ) .. مازارت زوجتي بالمستشفى لما كانت تولد ... جان أقوله منو إلي مازارتني ؟؟!! ... قالي وحده من غير ما يذكر أأسمها جان أسكت

أنا أحس أنه زوجي يعاملني كأني غريبه عنهم ... امورهم الخاصه ما أدري عنها أو يحاول يخبي كثر ما يقدر .... بناات من حقي أتضاايق ولا الشيء هذا عاادي ... لأني أنا أحب زوجي حييل وما احاول أخش عنه شيء واحب أقوله شيصيرلي واحب أنه أهو يكون نفسي يقولي الي مضايقه والي شاغل باله بس اهو اشوي متحفظ بهالأمور

شنو الحل بنات أصير مثله متحفظه !! ( وهذا الشيء أنا ما أحبه ) أحب أسمع أرائكم وأسفه على الاطاله

يلزم عليك تسجيل الدخول أولًا لكتابة تعليق.

تسجيل دخول

دلوعة حمني • 18 سنة

حبيبتي لي عاملتيه بالمثل راح يزعل و يحس .... لا تقولين له عن كل شيء... خليه يحترق شوية.... و ممكن اكون ظالمة زوجج يمكن ما يبي يقولج علشان لا يكدرج او يزعلج.... و الشغلات اللي تصير حق مرت اخوه ممكن هي و اهله ما يبون احد يعرف عنهم؟ حبيبتي مهما كان احنا زوجات العيال مو مثل خواتهم او امهاتهم... المفروض نكون اقرب... بس لأ يعتقدون اننا راح نشمت فيهم! الله يهدي الجميع و طنشي راح ترتاحين صدقيني... والله يعينج حبوبة :)

دلوعته:27:

flare • 18 سنة

انتي لسى في بدايه حياتك معاه ومع الوقت راح يقولك كل شئ ويستشيرك بكل حاجه تمر عليه
ولا تظلمينه يمكن احد يوصيه انه ما يطلع خبر خطبه ولا غيره لما يتم....
عشان مثلا بنت اخوه ما تنحرج اذا ما تم شئ
وانتي حطيله الاعذار دام انه ما قصر عليك وما ضرك كتمانه لاخبار اهله بشئ.. فالحمد لله
وانا اشوفها حاجه بسيطه ما تستاهل تشغلين بالك فيها
وانتي احسن لك وشلك بعوار الراس:09: ....
الله يوفقك ويسعدك ويحفظلك ولدك يا رب....:26:

Karaz Girl • 18 سنة

دلوعة حمني

flare

ماقصرتوا جزاكم الله خير ... بس إلي أبي أوصوله أني أحب أشاركه بكل شيء .. يقولي واقوله احس انه هذا الشيء يزيد من التوابط بين الزوجيين ويقربهم أكثر

انفينيتي • 18 سنة

Karaz Girl :

دلوعة حمني flare ماقصرتوا جزاكم الله خير ... بس إلي أبي أوصوله أني أحب أشاركه بكل شيء .. يقولي واقوله احس انه هذا الشيء يزيد من التوابط بين الزوجيين ويقربهم أكثر

دلوعة حمني flare ماقصرتوا جزاكم الله خير ... بس إلي أبي أوصوله أني أحب أشاركه بكل شيء .....

اختي لا تزعلين ولا تحطين في خاطرج
مدام ريلج يحبج وقايم بواجبه ومب مقصر،
كل شي يهون وعااااااااااادي

يمكن ريلج انسان غزير (يعني يكتم أسرار غيره)
ومب من النوع اللي يحب يرمس عن كل شي
وهذا مب معناته انه مب مأمن لج أو شي مثل جيه
ويمكن عشان من فتره بسيطه معرسين وسبحان
الله مع الوقت يبتدي يقول لج

وصدقيني ساعات أريح لج انج ما تعرفين بعض
الأمور.

الله يوفقج ويريح بالج

صورة • 18 سنة

عادي حبيبتي مع الايام راح تعرفين كل شيء منه هو
وشيء طبيعي يحاول مايقول لك يبين لك الزين فقط شوي شوي راح يتغير
و ممكن تصارحينه لكن بس يصير موقف
الله يسهل عليك