زوجي يدعي علي

أنا متزوجة صارلي ثمان شهور وزوجي يدعي انه ايحبني فهموني هذا حب ولا هو يلعب علي إذا اضايق مني على اتفه الأسباب ايقولي قومي بوديج بيت اهلج أول مره قالي اياها قمت اصيح واترجاه واللي يبيه مني بسويه واني ما اقدر اعيش من دونه وكنت اياله عن السبب ايقولي بس ما اقدر استحملج ألين ما ذلني وبعدين رجع معايا عادي ولا كأنه شي صاير بس أنا تميتلي فتره مصدومه من تصرفه هذا ولا حظ علي من صوتي كان ايقولي ليش صوتج كأنج متحطمة وقالي سامحيني ما أعرف شو يصير فيني وأنا احبج وأموت فيج ومن زمان اتمناج كيف اتخلى عنج بهالسهوله وبعد فتره رجع ايكرر نفس الشى يعني متزوجة من ثمان اشهور وتقريبا اموديني بيت اهلي ست مرات وفي هالمرات ما كنت اترجاه أو اصيح من ايقولي جهزي أغراضج بوديج بيت أهلج اجهز بس ما اجهز أغراضي يسألني وين أغراضج ليش ما شليتيهم اتم ساكته قلت يمكن انه اول مره قمت أصيحلة استغل هالشي وحس انها نقطة ضعفي قلت يمكن لو سرت ما يعيدها معاي وفي الفترة اللي اكون فيها بيت اهلي اتعذر بأي عذر مثلا في الدوام وما كانو ايعرفون عن مشاكلي وفي الفترة اللي ايخليني فيها بيت اهلي ايطرشلي مسجات الله لا يوريكم كلها سب ودعاوي انه الله ما يوفقني ويلعن اليوم اللي عرفني فية وبعدها بكم من يوم ايطرشلي مسج أو يتصل ايقولي اجهزي بيي باخذج البيت وعطيني فرصة اصلح الغلط وأعوضج وكنت ارجع ولا كأنه شي حاصل ويوم ولا يومين ايقولي احبج وما اعرف ليش اسوي وياج وانج ما تستاهلين إلا كل خير وتم على هالحاله ألين آخر مره رجعني قبل العيد بيوم وقالي أول ما اتخلص الإجازة انا خلا ص بطلقج لأنه ألحين ماشي محاكم فاتحة واسمحيلي على كل شي سويته فيج وتم ايصيح كسر خاطري وقلتلة خلني اعيد وياك أول يوم وبعدين رجعني قالي لا خلاص كل شي انتهى ومستحيل ارجعج البيت وما يا ايسلم علي ولا على اهلي وبعد العيد سالني الوالد إذا فيه شي وقلتله عن الموضوع كله فعصب وااايد وقلي ليش ذاله عمرج هالكثر ليش نحن امضايقيبج في شي المفروض من قالج اول مرة تين ماتيلسين تترجينه وتصيحين وأنا ندمان اني مزوجنه لكن قدر الله وما شاء فعل وكان في فترة العيد اللي جالسة فيها بيت اهلي وللحين أنا عندهم من ذيج الفترة ايطرشلي مسجات الله يلعنج الف لعنه والله لا يوفقج ويدعي علي إن الله يبليني بمرض ورجع ألحين ايحاول انه يراضيني وأقوله انه الموضوع بيد الوالد وايقولي اني ما اقد الحياة الزوجية وان مشاكلي ليش اقولها لأهلي ويحسسني بالذنب أنا ما كان ودي اقولهم شي بس هو اللي اضطرني تعبت من الكذب واختلاق الأعذار ومن كم من يوم كلمني وقالي خلاص رجعي قلتله انته ما قلت خلا ص ما تبيني وبطلقني قالي هيه بس يوم فكرت قلت ما يصير اخسرج واخسر فلوسي اللي اتزوجتج فيها وما عندي المؤخر حاليا رجعي وانشاالله متى ما ايكون عندي بنهي كل شي ولا انت طلبي الطلاق ودفعولي كل اللي خسرته في العرس والله حسيت انه قاعد يهيني بهالكلام قمت اصيح وقلتله إذاعندك شي روح قوله للوالد ويا عند الوالد والوالد ما استقبله عدل وقاله ليش اتسوي في بنتنا جذه ونحن كم من مرة ييت تخطبها وما وافقنا عليك وقمت كل مرة اطرش حد عشان يتوسطلك وألحين اتسوي اللي سويته فقام يتبلى علي وايقول أنا ما قصرت معاها وهيه السانها طويل ودايما تدعي علي طبعا الوالد ماصدقةوناداني الوالد عشان احضر الجلسة وقالي انت تدعين عليه ما قدرت اسكت بعدها قلت هواللي يدعي علي قال كذابة قلتلا عندي دليل المسجات انصدم وما عرف شو ايقول وقال للوالد اللي تباه أنا بسويه تباني آخذها باخذه أو تباني اطلع من دونها بطلع من دونها قاله الوالد انت اتوكل ونحن بنشوف شو يصير بعد ما طلع بيوم رجع ايكلمني وقالي أنا اتوقعت انج بتكونين أحسن مني وما بتتكلمين في شي انصدمت منج وحسيت انج مب زوجتي إلى اعرفها وليش قلتيلهم عن المسجات وقلتله أنا ما اتبليت عليك انت اللي اتبليت قالي شو أسوي الوالد كان وايد امعصب وقلت اي شي عشان يسكت وقالي انا زوجج وعيب عليج اتيودين علي المسجات وعلى فكره أنا كنت دايما امسح المسجات بس يوم حسيته يتبلى علي قمت ما امسحهم وما اعرف للحين ليش يصرف وياي بهالطريقة ايقولي اذا يبين ترجعين عندى شروط ومن شروطه اني ارجع بدون شروط وأنا تقريبا من فتره استخير وأحس اني بضيع حياتي وياه لأنه ما يستاهل أي تضحية مع اني أحبه بس الكل ايقولي ما تستاهلج على كل التضحيات ايبيعج ابسهولة والوالد ما يبيني أرجعلة وقال لو رجعتلة أنا لا دخل في اي مشكله اتصير بينهم لا تي تشتكيلي لأن اشوف انه ماينفعلها والله انشاء الله بيعوضها بالي ايقدرها وأنا يوم افكر في حياتي وياه ما احس نفسي مزوجة دايما بيت اهلي أوبيت اهله وأصرف على نفسي لأني موظفه وهو ما يعطيني مصروف بالعكس ياخذ مني يعني احس انه خلاص ما يستاهل اي تضحيةومب عارفه شو اسوي عطيته كم من فرصة ةالين الحين بعد يبغي يشرط وايقولي إذا يبين تطلعين من هالمأزق كم بتدفعين !
انصحوني محتارة مب عارفة شو اسوي اعرف انه الموضوع في ايد الوالد بس هو حاليا ايطرشلي مسجات رومانسية على باله بيلعب علي مثل الأول ألحين صرت ما احس بأي كلا حلو يطلع من لأني أعرف انه كله كذب واسمحولي بس احس اني محتاجة حد معاي