صبغ وردي :

اختي العزيزة يتيمة احساس... بصراحة عورني قلبي على قصتج.. مو عشان ريلج و بس.. لكن عشانج.. واعلية توج عروس و تعانين من كل هالمشاكل؟؟ الله يعينج و الله... تبين نصيحتي اختي.. ترى مبين على ريلح انه مو طبيعي.. شكله عنده اضطراب نفسي و مو اي اضطراب الا اضطراب شديد جدا.. لانه مو بس يهاوشج بدون سبب.. لاحظي انه يردج بيت اهلج، و يدعي عليج، و غير جذيه يساومج على راحة بالج؟؟؟ شنو تبين اكثر؟؟ انتي توج 8 اشهر و شفتي كل هالمشاكل و هالمعاملة الغريبة بكل معنى الكلمة؟؟ ليش تبين تقعدين وياه؟؟؟ شنو بقى و ما شفتيه للحين عشان تقتنعين انه قرار الانفصال هو احسن قرار راح تتخذينه في حق نفسج.. ؟؟ و مو بس في حقج حتى في حق اولادج اللي ممكن يون لو استمريتي في هالزواج. شوفي اختي.. ترى اسوأ شيء في الدنيا انه الطفل ينولد و يشوف نفسه كل يوم في بيت و كل يوم ابوه يهاوش امه و يطردها لا و يدعي عليها و يبتزها عشان راحة بالها..و اية راحة بال؟؟!!!! من الحين اقول لج انج لو استمريتي في هالزواج راح تكونين انتي الوحيدة العاقلة في حياتج كلها.. لانج لا تتصورين ابدا انه عيالج باجر يكبرون في جو كله مشاكل غريبة و ما لها اساس انهم راح يكونون طبيعين.. بالعكس بيكونون اطفال بشخصيات مهزوزة و خايفين من كل احد لانه ما عندهم بيت يلمهم و لا ابو يحميهم.. بل بالعكس بيحتاجون انه احد يحميهم من هالاب.. و انا ما اظن يا اختي انه في وحدة في الدنيا ترضى على عيالها هالعيشة.. حتى لو رضت على نفسها الاهانة و الضياع و عدم الاستقرار.. ما اظن ترضى هالشيء لعيالها و فلذة كبدها... لو كنت مكانج.. اطلقه و ارتاح طالما توج في البداية و ما فيه عيال.. و انا اقول لج خلج مع ابوج.. و الحمدلله انه واقف معاج و لا تتردين ابدا.. و انا رايي حتى لو ابوج غير رايه لا سمح الله و ما حبب الانفصال... انتي اصري عليه.. فهمي ابوج انه اذا المعاناة حاليا مقتصرة على شخص واحد اللي هو انتي.. باجر تكون معاناة كذا شخص.. و الله يوفقج يا اختي و دخيلج طمنينا عليج... عن جد قلبي وياج حبيبتي... الله ييسر لج امورج

اختي العزيزة يتيمة احساس... بصراحة عورني قلبي على قصتج.. مو عشان ريلج و بس.. لكن عشانج.. واعلية...