زوجي يدفعني لخيانته وضميري موته على ايده

بسم الله الرحمن الرحيم

هذة هي مشكلتي الاولى التي اسعى لنشرها بينكم بعد ان طفح الكيل ومابقى طاقه للاحتمال :( انا ما اسعى لحل هنا بس محتاجه اتكلم مع ناس وترد عليه وتشاركني مأساتي اللي اختارته بيدي.
ما انكر على زوجي خلق ولا دين ولا كرم ولا حنان ولا عطف ولا دلال ولا مساعده لا واكثر من هذا عمره ما خاني ولا فكر يخوني , طيب راح تقولين وين المشكله.
مشكلتي تتلخص بكلمه دمرت حياتي وياه خلتني اكرة معاشرته الي خلتني اطيق العمى ولا اطيقه خلتني افكر ان اخونه في اليوم الف مرة وبدون ما ترمش عيني :icon33: زوجي ياجماعه يشك بيه دمرني بشكه وغيرته حطمني واهاني بكل معنى الكلمه في بدايه زواجي بيه كنت صغيري 18 سنه وهو 27 وكنت افسر شكه على انه غيرة ويمكن ساعاته كنت افرح بيه ولكن بعد مرور 8 سنوات على زواجنا زاد الامر سوء وصارت امور ما يتحملها اي عاقل في الدنيا واخرها البارحه في الليل.
مسرح الواقعه......

الساعه الواحدة والنصف بعد منتصف الليل ,بناتي نائمات في غرفتهن ,انا نائمه في سريري والى جواري الموبيل وهو نايم الى جنبي , حظي التعس خلاني انسى اخرس الموبيل او حتى اطفيه لا لشيء اريدة اخفيه لا والله بس زوجي ما يحب ان يرن تلفون بعد الساعه 8 او 9 واذا يرن الموبيل ويعلن وصول مسج من وحدة من اعز صاحباتي كانت تتصورني ليسى صاحيه وحتى لو ما صاحيه عادي زوجي يعرفها ويعرف زوجها واحنا كثيييير علاقتنا قويه ببعض.

الفصل الثاني.....

بعد وصول الرساله انا طفيت الموبيل بعد ما سالني منو اللي ارسل المسج وقتله صاحبتي,بس هو اخذ الموبيل من جنبي وحاول فتحه وما فتح ورجع على غرفه النوم وهاتك يا ضرب واهانه وتكسير باغراض البيت وخلاني اتصل على صاحبتي حتى يتاكد انها دزت المسج والساعه قاربت الثانيه والنصف بعد منتصف الليل ونهايته القصه كالاتي..........

صاحبتي رافضه ان تدخل لبيتي بعد اللي صار وقالت اذا تريدي نبقى اصحاب بس على التلفون وانا مثل ما انا كل يوم اخسر احد اعزة والسبب زوجي :(
هذة قصه من مئات ما امر بيه طلاق ما اقدر نا في غربه وبناتي محتاجات ابوهم اهلي ما اقدر اوصليلهم شيء هم بعديين عني وما في اليد حيله,, والله ساعات افكر اخونه وخصوصا انا ما ينقصني شيء بس حتى انتقم لكرامتي منه والله تعب والله حرام الله ياخذلي حقي منه.