اشوف عادي يا اختي بناتك مو صغار مره حطي العاب عند طفلك وسكري الباب عليه هو واخوته وقولي أي شي يصير يعلموك بسرعه الالعاب تشغل الصغار مره وانت وزوجك اجلسوا مع بعض وكل نص ساعه شيكي عليهم طبعا قدامه ماتقولي ابشوفهم قولي مره ابشرب مويه ومره جيبي عصير وهكذا واخنقيه سوالف ودلع لين يطفش وولدك اذا بكى تكون الرضاعه جاهزة تعطيها له وترجعين وبس اهم شي مايكون بالغرفه اللي عنده اشياء خطيره وتكون قريبه منك

شوفي يا اختي انتي مرره مكبره الموضوع وماخذته من زاوية( يبغاني افضي له و اترك ولدي لحاله) لا ما يسير كذا حاولي تككونين مرنه شوي في التفكير فكري شوي ليش زوجك طلب منك كذا ؟؟ مو احسن له يقعد لحاله ؟؟ايش معنى طلبك تكونين معاه وليش انتي ما تبغين تجلسين جلسه رايقه معاه ؟؟...واضح زوجك فاقدك شكلك طول النهار منشغله مع اولادك عشان كذا يطلبك وقت له هو فقط لوحده .حاولي تتفهمينه وتقدرين طلبه لانه فيه مية طريقة تبعده عنك بس الطرق الي تقربه منك تنعد على الاصبع وهو اختار القرب ..حاولي تنومين ولدك في وقت وجوده وانتي روحي اقعدي عنده لوحدك هيئي جو رايق لك و له واذا طلبك في وقت ما يناسبك قوليله ابشر بس انوم الولد ونروق انا وانت ..اما في حالة انك انتي تفضلين القعده مع عيالك على القعده معاه فهذي انتي تحلينها بنفسك مو احنا نحلها لك.

ربما زوجك يلمح انك انشغلتي عنه كثير وهو محتاج جلستك معه وسواليفك واهتمامك فيه والدليل يناديك مو عشان فراش بس يبي يسولف معك ويجلس معك

ترى بعض الرجال يلمحون مايصرحون فا انتبهي لهذي النقطه وراجعي نفسك اذا التهيتي بالولد واهملتيه

وحطي في بالك اغلب الرجال يبون الزوجه طباخه ومربيه وخدامه وعشيقه وصديقه وممرضه جاهزه طول الوقت ماتتعب ولا تصدأ للاسف هذي الحقيقه الله يأجر الجميع

وبالنسبه لزوجك مدري هو مايطلع ولا يروح ولا يجي يوم يناديك أي وقت لهذي الدرجه فاضي ؟

انا اقول رتبي وقتك ونظامك قد ماتقدرين

وخصصي وقت تجلسين مع زوجك يومياً العصر او بعد العشاء بلبس وشعر مرتب ووجه بشوش حسب وقت تواجده اجلسي معه وسولفي معه وتقهوي منها تعطينه وقته ومنها ترتاحين من المطارد مع العيال شوي .

وبهذا الوقت حطي ولدك عند خواته ينتبهون له علميهم المسؤليه اللي تناسب اعمارهم كلها نص ساعه او ساعه وبترجعين

واهم نقطه خلي لسانك يقوطر عسل ومسك مع زوجك خليه يحب الولد ويتعلق فيه ارميه بحضنه لو 5 دقايق بحجة انك بتجيبين قهوه او تروحين الحمام وقولي مشتاق لك وخله ياخذ من حنانك ويشبع من ريحتك ويتعود على برك ومن هالكلام ترى اللسان سحر

ولا تقولين تضايق ومدري ايش تراه ولده وعليه حق مشكلتنا اننا مانبي هالزوج يتضايق ابداً لو على حساب راحتنا وتربية العيال كأنه بيموت ولا ينجلط اذا سمع صياح عياله وهو صاحي ماهو نايم عشان نعذره .

الامهات وهم امهات يتضايقون ويعصبون ويصرخون مع العيال ماشفنا الزوج ابعدهم عن الام ترى انفعالات الانزعاج من الصوت العالي والصراخ طبيعيه

الله يكون في عونك

اختي كريشما اذا الزوج مب متقبل وجود طفل في العائلة هذي مصيبة واذا مب خايف عليه هذي مصيبة اكبر لازم الزوج يقدر حجم مسؤولية الزوجة من طبخ وتنظيف وتربية وسهر وانا اسوي كل شي يسد حاجة كل فرد في العائلة وبالنسبة للجلوس معه باي وقت والتفرغ الفوري هذا شبة معجزة اذا صار عندك ثلاثة وبدون خادمة ! كلنا مشغولين في الحياة هو مشغول عني وانا مشغوله عنه والمفترض فيه وفاق يناسب الطرفين عشان لاينظلم احد منهم خصوصا ان مهام الام تفوق طاقتها بمراحل

عواطف تركي كلامك جميل والله اني اسوي القهوة واتزين واسوي الحلا واحط له الافلام وابتسم له بس هو يبي ننعزل عن الاطفال ولاعندي احد حولي اقدر احط ولدي عندة مثلا وزوجي يقول اتركيه خليه ماعليه من هالكلام وانا ام حريصة واخاف عليه واخواته مب ذاك الاهتمام وزوجي تجيه اوقات يضغط علي بالطلبات والله ما ادري وش اسوي الله يعين يارب