كريشما قلتي اللي بقول
ياعين جاريه ابنصحك والله نصيحه كاني انصح اختي
اللي تسوينه غلط غلط غلط
واضح ان زوجك فاقدك مره واضح انك دايما طول الوقت وكل ماجا يجلس معك حصلك مشغوله مع الاطفال ومسحوب عليه
واضح كمان انك لما تكونين جالسه معه وولدك معك ماتكونين متنبهه لكلامه ولا له ومنشغله مع ولدك
وطبيعي اصلا من غيرك مايطلب مفروض تتحرين جيته
وتكونين كاشخه او على الاقل مترتبه وملابسك نظيفه وريحتك حلوه
وولدك ماعليه شر ان شاءالله سنه كبير ماشاءالله والحين ترا الدنيا تطورت حطي له حباسه او حواجز عن الاشياء الخطره
وجيبي كل الالعاب اللي يحبها بالسن ذا يحبون المكعبات والالوان والالعاب المضيئه جيبي له كلش وحطي له خيمه وكور وخرابيط وتلفزيون وحطيه بغرفه هو وخواته
وان شاءالله ربي يحفظهم وروحي اكسترا واشتري كاميرا اي بيبي تجنن تشبكيها على جوالك وتقدري تحركيها في الغرفه مع حركة البيبي ابد واذا صار شي تشوفينه وكل شوي تعطيك تنبيه انه تحرك او انه احد لمسه .. وبكذا ترضين الطرفين
وانا اختك حافظي على زوجك واضح انك من يوم جبتي اطفال اهملتيه كثير وتراه الحين يهاوشك ويطلبك وبعدها بيمل ويدور برا .. اوك عيالك وتحبينهم واكيد خايفه عليهم بس برضو زوجك له حقوق حتى لو مو علاقه ولا غيره يبي يسولف معك يضحك معك يمازحك يتذكر ايام شهر العسل من حقققققه والمفروض تسوينها من غير طلب .. وماعليك من ولدك خليه يبكي شوي وصدقيني لمن توفرين له الالعاب والتلفزيون والجو المناسب ماراح يبكي وبيتعود على الوضع .. راضي الطرفين
واحنا كلنا والله مالنا خلق لازواجنا بس عاد غصب اذا ماتبين ضره ولاتبينه يخونك لازم تدلعينه دايم
اجلسي معاه ورتبي شكلك وشغلي فيلم وسوي القهوه والحلى والعصير والفواكه وشوفي كيف يرضى عليك وبيخليك اصلا تروحين تشيكين كل شوي .. اسمعي نصيحتي ولاتعاندين والله مو من مصلحتك
والله يوفقك يارب ويسخره لك ويحفظ لك عيالك يارب

هفففففف من بعض الردود ترا الانسان له طاقه يكفي غثى البزران زوجك اناني الكبار وقلنا ف غرفتهم لأنهم كبار اما هذا صغير يختي قوليله لاسار لوحده مايسوي ازعاج وخلي باب الغرفه مفتوح يروح ويجي عليكم وانتي طلي عليه اما حكايه تنعزلون صعبه والله ان سار له شي قال كله منك هذا هم الرجال انا زوجي كذا مرات عادي يقلي لو يبكي خليه يبكي سلامات اش القعده اللي بنقعدها والبزر ينوح برى موسيقى مثلا ؟
الروقان ينسونه دام فيه بزران او انك خصصي مثلا قعدتكم بعد المغرب وقت غفوة ولدك اذا مايغفى حاولي تعودينه وقتها اقعدو تقهوو وروقو وان زودها اقرب جدار اللي مايقدر ويرحم مشكله

الله يعينك نصيحه لاتتركينه نصيحه بذمتك ترا

وعلى فكره حتى لو ماعندك اطفال وجالسين لحالكم بيقول احملي نبغى اطفال
انا طولت سنين ماحملت وكان غاثني بموضوع الاطفال ولما حملت وجبت ولدي اذا طلعنا مطعم او سوق والله مايخليني اطول على طول يرجعني البيت يقول الي عندهم اطفال مايطلعون
ذا الرجال مايعجبهم شي بس اذا عندك اخت او قريبه لك خلي عيالك عندهم يوم كذا وسويله مفاجئه والبسي واكشخي واقعدو كم ساعه لحالكم يمكن تتغير نفسيته واكيد راح يفقد عيال

اختي سارا فعلا يمكن بعض الاخوات ماعندهم مثل ظروفي الظروف تختلف عن بعض حتى الشخصيات تختلف انا والله ما القا وقت لنفسي لا تقولون تصحين بدري الا اصحى بدري واوزع اشغالي بس الطفل الصغير الحاله يبي له تعب وسهر ومراقبة وكل شوي حليب وجبة حفاظ نوم صياح يعني مب مثل الكبير شايل عمره ولو خليته يوم وبكرة اخليه بعد وكل يوم احبسه وكل يوم لازم اصير متوفرة في اي وقت يبيه ! كاشخة لابسة متزينة مبتسمه الله لايكلفنا فوق طاقتنا المفترض الزوج يشاطر زوجته التربية واتعاب الاطفال مب يتخلص منهم عشان يرتاح