طيب ليه يحب يخصص لكي سفره وهو لحاله سفره ؟؟؟؟؟؟؟

ليه السفر لحاله من الاصل ومايخلي سفركم واحد دايم ؟؟؟؟؟؟؟؟؟؟

مانقول الا الله الهادي

البندري
لا يالبندري لاتدعين عليهم مهما صار هذولا ابهات اعيالنا لازم نتكل على الله وندعيلهم بالهدايه
الفردوس المفقود
مافيه حل الا الي قلتي وابشرك ان الحين لي كم يوم ماخليت صلات الليل والدعاء الحمد لله بس ادعولي اني استمر
ياربي وش كثر اعاني
الله يوفقك على هالكلام الي يهدي .. لان كل زميلاتي والي قريبين مني يشيشوني ويتعبون نفسيتي بس كلامك انتي غير

دمعة سفر
الله ييسرلك ويوفقك على هالدعوه الي اتوسع الصدر.. والله لايحرمني منك ومن دعوات البنات
غصن زيتون
ايه والله الله يهديه ويهدي كل ارجال البنات.. بس مو مقتنع بالسفره معي الحالي يقول لازم اغير جو مع اصحابي

خلاص عودتيه انك تخلينه يسافر

ماتقدرين تمنعينه الحين ...

انا بعلي العزيز يبغى يسافر مع ربعه العزابيه وانتي عارفه الشباب اذا اجتمعوا ..يخربونها

خصوصا انهم عزابيه ...

لكن انا ناويه اترك له البيت باللي فيه اذا سافر ..وش يضمن لي مايطالع وحده ولا يكلمها ولايسهر بأماكن ....وش يعرفنا

لاتصيرين واثقه بالرجال مافيه احد بيقول انه ماشي غلط ..

المره الجايه ...سوي انك زعلانه وقولي تراك زودتها وماعاد فيه سفريات من دوني لأني تعبت ..

واصححححححححححححححي تخلينه يسافر مره ثانيه بدونك ...

انقهر من الرجال اللي كذا ...

الله يسخره لك ان شاء الله ويهديه بس لاتخلينه يسافر بدونك نصيحه

تحياتي لك

الأستغفار و الدعاء
الدعــــــــــــــــــــــــــ ــــــــــــــــــــــــــاء ثم الدعاء ثم الدعاء ثم الدعاء

خليه في بالك كل لحظه إدعي له قولي اللهــم حصن سمعه وبصرررره وفرجــــــه

كرررريها ولاتملين إصدقي النيه في الدعاء اللهم سخره لي وسخرني له

اللهم إشغله بالصلاه وإشغله بذكــــــــــــرك وإشغله بعبادتك ياحي ياقيوم يارب العرش

العظيم صلي في آخـــــــــــــر الليل إدعي في سجودك وأكثري الدعاء له والله العظيم

أن تشوفين دعائك وش سوى فيه بس كثفي الدعاء خليه مايفارقك طول الوقت وإنتي

بس تدعين وعلى فكره عن تجربه أكلمك وفعلا صار زوجي كثير الذكر والإستغفار

والصلاه ماصار يتركها أبدا الحمد لله رب العالمين وعقبالك....

ونسيت أقولك كرري هذا الدعاء وحطي في نيتك أن يزيح الله هذا الهم اللي شاغلك

ويصلح لك زوجك وهو((حسبي الله لا إله إلاهو عليه توكلت وهو رب العرش العظيم))

كرريه في يومك كامل وبعد الصلاه...