يوووووووووووووووووووووووووووه ياام علي اتصدقين اني اقعد اطلبه يومين اقوله لاتعلم اهلك والي من طرفي ما اعلمهم ..
اخاف يقولون ماهوشايفها شي او لو انه مرتاح معاها ومشبعته كان ماسافر والله اني من افكر ابهالموضوع تتعب نفسيتي واحس اني ضايقه من ناحيته

طيب ياام علي تحسين انه ايخربط اذا سافر ولا لا.. لانه حرام تفقدين المشاعر الجميله اتجاهه والحياة بدونها مالها طعم.. والله اني احاول التمسله العذر قدامي عشان ماافقد افضل شي يربط اقلوبنا ابعض..
بعدين لا تقولين انك امضايقتني ولا تكررين مثل هالخرابيط لان حنا البعض في هالمنتدى الله يخليه لنا كل وحده تشيل الثانيه بالي تقدر عليه

tana2006
الله يجزاك خير

العبد عند حسن ظنه وصدقيني محد بيتعب في الموضوع كله الا انتي والانسان بدل مايوقف في وجه العاصفه ينحني لها ,,وبنات الحرام في البلد اكثر من خارجها والعمده على شخصيه الزوج يعني الاساس نوعيته اذا شخص راكز وعاقل وماعنده خرابيط حتى لوسافر ادري ان عقله بيحميه واذا فيه بلا من الاساس حتى لوماشبر قلبي مهو مرتاح له ,,,يابنت الحلال قلبتي حياتك وحياته جحيم وتصرفاتك هي الي بتبعده عنك توكلي على الله وادعي ليل ونهار انه يصرفه عن الحرام ويسخره لك وارمي حمولك على الله واحسني الظن وتوكلي على ربك واذا شفتي شي بعد رجوعه هنا تقدري توقفي بقوه وبدليل ,,,حبيبتي ريحي راسك واستمتعي بحياتك ..ولاتسمعين الا احساسك لانه اصدق من اي كلام ...نصيحتي عن تجربه والله يوفقك

يارب اشكثراعاني
اشكرك على هالكلام الي يبرد اللقلب ويهونه علي.. ياقلبي لذا قلت اني اشوف عليه شي فا انا اضلمه والله ان سلوكه قدامي وعلى ماسمع معتدل الحمد لله.. وان قلت زيك ان البلد مليان من الخراب بس قالولي ان الي بره اريح وارخص اعوذ بالله وان الانسان لازم يغلط مادامه رايح اعزوبي ومافيه انسان يروح برى الا ايدور الخرابيط.... ومن هالكلام اللي يرفع الضغط ويحطم نفسيتي ليييييييييييييييييييين يرجع .. اتصدقون انه اخر مره سافر نقص من الكيلوات اللي خلى كلن يلاحض ونفسيتي اندورت لين رجع وارتح... اتصدقين مره قلولي راقبيه لما يرجع كيف احواله وهل هو مشتاق لك ولا لا ون كثر ماوسوست وقعدت اراقب اخربت السهره واستنكر زوج وقال غريبه ماهي عوايدك بالعاده تستقبليني وانتي فرحانه فيني ومشتاقه لي الا هالمره وش السالفه.... ماعرفت ارد عليه وصرفته
المشكله ماني ماسكه عليه ولا دليل عشان احاجه كل شي طبيعي وكل مكلمته اسمع اصوات اصدقائه وكير اخر الليل لما اكلمه يكونون بالشقه يلعبون بلوت..وزوجي حبيب وشهم مو امقصر معي يعني بالعربي مالي وجه
حبيبتي الف شكر والله يطمنك والله ان ايدينا مافيها شي بس بعض الكلام ايطمن ويريح النفسيه اشوي

اهلين يابنات اختي صعبة المنال ولله اني سويت كل شي من دموع ودلاال ورمنسيه والله الشاهد كان كله من قلب وعن صدق مشاعر بس ما فيه فايده مالي الاالدعاء وبس