توليب77 @tolyb77

عضوة نشيطة

زوجي يقارن ولدي بولد اخته .. تعقدت بحياتي!!!!!

السلام عليكم .. صباح الخير احلى حوائيات
انا يابنات عندي ولد وعمره سنتين ونص وزوجي دايم يقهررني ويقولي شوفي ولد اختي يعرف يتكلم يعرف يروح الحمام لحاله ذكي ومن هالكلام يعني زي كنه يلومني اني ماقوم بواجباتي معه وبعدين لكل طفل له قدرات.. يعني يوم كان عمره 6 شهور مشى .. لكن ولدها مامشى وقتها مع انه اكبر من ولدي يعني ماشاف الشي الحلو بولدي يوم كان عمره 6 شهور لكن الحين يوم صار عمره سنتين صار يشوف الاشيا اللي في ولد اخته مايشوفها في ولده .. ويقعد يقهرني ويطفشني حتى شعر يقعد يقولي ليه شعر ولدي ملفلف والله اني اهتم فيه واحط زيوت عشان ينعم .. مرره اتضايق منه صرت ابكي من هالسالفه واتعقد اذا جيت بطلعه عشان المقارنات .. اللي تصير حاولت اني اتقرب منها وتصير صديقتي يعني تعلمني واعلمها الشي الحلو والشين يعني حلو اني القى وحده زي عمري و لدها بنفس عمر ولدي لكن حسيت منها التحفظ ,, يعني حتى اذكر انو كانت تخبي وش نوع حليب ولدها .. يعني انا والله احب اذكر الله واقول ماشلله لاشفت شي حلو ,, بس هي صارت تخاف من الحسد لانو زوجي دايم يتكلم عليها .. طيب انا وش ذنبي تخاف مني .. المهم خلاص انا قلت بصير رسميه معها اذا كانت تبي تصير زي صديقتي عادي واحب اكون كذا .. واذا الا خلاص ماحب افرض نفسي على احد .. بس نفسي يصديقه او جاره متزوجه بنفس عمري وعمر ولدي مو مهم بس كذاا حلو تحسين احد يشاركك سوالفك وهمومك وكل واحد ينور الثاني يعني في اشياء ممكن انا اكون غافله عنها واحب احد ينورني وينهبني وخصوصا احس اني توني صغيره يعني مو ملمه بالاشيا هاذي تربيه الاطفال وكل شي ,,مرره طفشت من هالسالفه يارب تكونو فاهمين علي ,,
كل وحده تدخل ابيها تنصحني .. ويارب يسعدكم وينور لكم دربكم ..

يلزم عليك تسجيل الدخول أولًا لكتابة تعليق.

تسجيل دخول

ورده صغيره1 • 13 سنة

الله يعينك ياررب

دعواتك

جولي>>>2009 • 13 سنة

الله يعينك ان شاء الله العضوات يفيدونك

توليب77 • 13 سنة

مشكوره عازفه الصمت ..
ودره صغيره1
مشكورين ... اللي مروا مررور الكرام .. حسيت اني ندمت كتبت شي ,, هنا
.. بس كنت ابي نصيحه..
بس شكلو من جد النصيحه هالايام تشترى بفلوس

نظرهـ ذباحهـ • 13 سنة

حرام بس يبدى يفهم ولدك بتتحطم نفسيته
وبنات كثير والله كبااااار يقولولي انهم يكرهون بنات ثانيات مع اننهم بعيدين عنهم بسبب المقارنات

حاولي فيه يبطل اسلوبه وخوفيه قولي اذا جا الولد شي انا بروح لامه اقولها عننك

نظرهـ ذباحهـ • 13 سنة

واذا السالفه على ولدك لاتعزرينبه بالخلطات وهو صغير حاولي انه دائما نظيف

والحمام بدري عليه يعني انا اطفال اختي ماهم سواا
بعضهم يتركوها بدري وبعضهم لا

انتي حاولي ترفعي معنويات ولدك

ودائما ناديه ياجميل ياخلوق يامؤدب
ترى هذي دراسه حديثه فعلم النفس

وانا والله طبقتها مع زوجي وتغير

خلي ولدك دائما يشوف ابتسامتك ولا تخليه يسمع كلام ابوه عنه

وادعي لي بالذريه الصالحه