زوجي يقولي مااسوى جزمة سلفتي 😭

السلام عليكم ..
اخواتي انا ضايقة فيني الدنيا حيييل قلت ادخل واشكي لكم لعل منكم من كلامها يريح صدري من العصر ودموعي على خدي مارضيت تجف
بعطيكم الموضوع بختصار انا متزوجة لي سنتين وحامل
وتعرفون الحامل والصيام والتعب الله يكتب اجرنا
اول يوم برمضان نزلت افطرت مع حمولتي وانا وزوجة اخو زوجي سلفتي يعني وتجمعنا وهما عايلة كبيرة شباب وامهم ومن بعدها كل واحد يفطر في بيته نتراسل الاطباق
انا وسلفتي وام زوجي


المششششكلة الي حرقت قلب قلبي اليوم جاء زوجي قالي سوي فطور وننزل نفطر عند امي قلت لا والله تعبانة مافيني حيل وانا صادقة والله بس افطر انام ولو نزلت لازم اكررف كرف وزعل قالي ليش قلت برسل لهم فطور ولو تبي تفطر انزل انا ارجولي توجعني قالي بنبرة حادة تجهززي وجهزي فطورك قلت طيب وكتمتها بقلبي


المهم طبخت وجهزت كل شي من العصر كثرت سمبوسة ومقالي وسويت صينية حلا وصينية مكرونة كبيرة
جاءني المغرب يسب وينافخ انتي ماتبغين امي مستكثرة فيها لقمة من رزقي وكلام كله انفعععال قلت بهدوء من اول رمضان واهلي يقولون تعالي افطري وانت رافض ماقلت لك ذا الكلام انت ماتحب تفطر الي في بيتك المهم وتهاوشنا
وجبت سيرة سلفتي ( ليت الله منها سيرة ) انحرق قلبي منها 😭


قلت شوف فلانة راحت اول رمضان ولاراحت كل رمضان وهي تفطر عند اهلها واقاربها وعزااايم
قالي والله انها احسسسن منك وانك ماتسوين الجزمة الي في رجلها شوفيها مرت على امي واخذتها مو انتي ماتبغين امي ولاتبغين اهلي




اه يابنات حررررقة قلبي الكلمة وانفعلت وسبيته وقلت انت وزوجة اخوك واخوك كلكم جززم وانا افطر في المكان الي يريحني وكان اخذت من اخواتها تلاقي عندهم السنع الي تدور له قالي والله ودي


جلططني يابنات مقهووورة دموعي ماوقفت




بالنسبة لزوجي حس انه غلط وجاء يقولي خلاص ويحاول يلطف الجو سويت نفسي ماهمي وطنشت وسايرته
بس كل شوي اتذكره كلمتتتته وقلبي يحترق ووالله العظيم من قبل الفطور الي الحين وانا مضايقة وموطايقته وكرهت الحرمة من كل قلبي
ليش يقولي اني ماسواه جزمتها من هي عشان يقولي كذا الله يسسسسامحه مو قادرة انسي
وهو عرف انه غلطان وداني السوق بعد العشا اقضي للعيد ويحاول يضحك ويسولف معاي بس وربي مو قادرة انسى


هو من تزوجته يمدحها ويقول انها طيبة وانها وانها بس لما يعايرني فيه انقههرت مرا وش اسوي