بصراحه الموضوع مش طبيعي ....وماعتقد الحب حتى الجنون يسوي كذيه
هذا الانسان يمكن يعاني من وسواس ولا شي حاولي تشرحين حق دكتوره نفسيه تصرفاته وخليها ترشدك للحل

أختي وحبيبتي ....

مثل ما قالوا الأخوات هذه الحالة مؤقته... حتى تبنى الثقة بينكما...

لكن نصيحتي لك هي: لا تقاومين تصرفه هذا .. بل سايريه

تصرفي كما لو كنت مؤيده بشدة لأن يأخذ المفتاح... يعني قولي له مثلاً وهو رايح العمل: ( لا تنس تقفل الباب وراك

تراني أخاف...)... ( تأكد من الدرايش مقفلة ولا لأ؟؟) ....

يعني انشبي في حلقه ...

لا تخلينه يطلع مشوار إلا وإنتي معه .. أو يحطك عند أحد تمونين عليه....

حتى لو يروح للحلاق قولي له : ( بأروح معك ... لأني أخاف أحد يطب علي)

بعد ذلك سيعرف أنك أحرص على نفسك منه ... ويرخي لك الحبل....

أنا أعرف واحدة مرت بنفس التجربة ... لا وزوجها عسكري وعنده مناوبات .. وهي يا عمري عروس ما أحد يشوفها

ولا أهلها ..

تعالي شوفيها اليوم... لو تركب ليموزين بلحالها ما يقول لأ...

الله يكون بعونك..

بس اللي يسويه زوجك غلط بغلط..

ويدل على شخصيته وسلوكه.. فهو مايسوي كذا الا لسبب يدور بباله.. أو عقدة نفسية معينة..

بس لازم تتناقشين معاه وماتيأسين.. بكرة بتصيرين ام اولاده وامرأة كبيرة.. هل بيتعامل معاك بهالشكل؟؟

حرام اللي يسويه فيك..والله حراااااااااااااااااام..

لازم حبيبتى....تقولين له انه يحط عندك مفتاح ثانى علشان لاسمح الله اى ظرف

طارىء........لا قدر الله ......................

انا عزيزتى اذا جيت اطلع من البيت واولادى والشغاله فى البيت....عندى مفتاح

حاطته في جــــــــــره من الفخار وملبستها با الجبس.....يعنى المفتاح ما يطلع الا با الكسر الجـــــره..

واقولهم ما تطلعون المفتاح الا اذا جاء زائر من الاهل ........او لاسمح الله هم بخطر .........الله لايقوله ....

انتى جـــــــــــــتربى ها الطريقه .........باسلوب لبق وقولى انا خايفه اتفشل اذا جانى احد من اهلى ........

يرضيك انى اقولهم ......والله فلان مقفل على البابــــــــــــــــــــــــــــــــــ..........(وهذا معناته انك ما تبغى احد يزورنى )

واذا قصدك خــــــــــايف على حط لى مفتاح با الجره(هذى البدايه) ولا راح افتح الباب الا للضروره القصوى.....

أهلين أختي الفلة البيضاء

والله عارفة أن اللي يسويه مو حلوو ويخليني أسأل نفسي " ليش هو يسوي جذيه " بس ردة فعله وعدم أهتمامه يخليني أحس بالحزن ولكن له مواقف جدا رائعة معاى .. هذا اللي يخليني ما أكبر المشكلة
بس أدور الحل اللي يرضينا الأثنين

يخليج ربي
ّّّّّّّّّّّ~~~~~~~~~~~~~~~~~~~
يا هلا أختي رينه
ما أقول الله يهديه فأنا أنسى الموضوع وبعد فترة أتكلم فيه لكن نفس الشئ

شكرا لأهتمامك ربي يوفقج ويسعدج

~~~~~~~~~~~~~~~~~~~
هلا والله بأختنا الماسة اللي تبرق برق بأفكارها الحلوة أحنا فعلا صار لنا سنة فقط زواج
ويبي لنا وقت نفهم طباع بعض .. وكلامج 100% صح عن الأخذ بالأسباب والتوكل
وفكرة الظرف رهيييبه مشكووووووره يا أغلى ماسه راح أقترحها عليه وأشوف ردة فعله اللي أتمنى تكون ايجابيه والله يوفقج ويرضى عنج دنيا وآخره

يا رب يقتنع أدعو لي

~~~~~~~~~~~~~~~~~

أختي الغالية الرحيل

والله كلامج يبرد القلب وبلسم على الجرح ونصايحج على العين والراس بجرب والله يكون معاى بغير أسلوبي في اقناعه مثل ما قلتي جزاك الله كل خير


تحياتي العطرة

~~~~~~~~~~~~~~~~~~