زوجي يقول انتي ماتبغين أهلي <<آه من جد مقهوره

صباح الخيييير 
أتمنى منكم تساعدوووني إذا عندكم لي حلوووول المتزوجات اللي لهم اكثر من سنه وفاهمات الحياااه مع الزوج وأهله فهموووني أنا تعبت مع زوووجي أمس جرحني بكلمه لين الحين أحسها ترن بأذني ويعلم الله انه ظلمني فيها 
أمس قاعدين نسوولف من ضمن السوالف قال باقي اسفر أمي برا أمشيها وهو مو قصده امه وبس خواته واخوانه قلت يعني لازم مااقدر أسافر لحالي مافي اي خصوصيه انا من جد مقهوره من اهله مايقلب علي الا اذا جو اهله تطلع لنا مشاكل مالها اخر ويتغير ماكأنه الشخص اللي لما نكون لحالنا ويتعمد يتجاهلني اذا كنا عندهم وصرت اكره اروح عندهم لاني اشوفه انسان غييير اقول له ليه طيب ماتجي تسولف معاي لما نكون عند اهلك قال خلاص مره ثانيه لاعاد تجين معاي عند اهلي اذا بتقعدين تطفشيني كذا ليه ماتسولف معاي ليه مدري ايش ...
قال اصلاً انتي ماتحبين اهلي ولاتبغينهم وامي ماتطيقينها واذا شفتيها كنك شفتي جني آه وربي حرقني كلامه قهرني والله اني احترم امه بالذات واعتبرها زي امي مايمر عيد لين اهديها واكلمها كل بعد فتره ومحترمه معاها لااخر حد بس ماادري ليش قال كذا 
قلت له ظلمتني وانا والله مااسامحك وخذها فذمتك واسأل الله ان كان لي حق دعوة المظلوم على الظالم ان ينصرني ربي بشوف عيني لانك عارف كيف قاعد اعامل امك بس مافيها شي اذا طلبت خصوصيتي اذا ابغى اسافر معاك فهذا من حقي ليه تقول اني اكره امك 
وبعدها طلع من البيت ورجع ماكأن شي صار وتراضينا بس احسها بقلبي والله 
تدرون اهله تمشكلوا مع زوجة اخوه عشان راحوا بيتها وهي ماهي موجوده قعدوا شهر فيه جات وهو محوس وفي اشياء مكسره وزعلت وهم زعلانين ليش تزعل 
وقد قلت لزوجي صراحه انا مااحب احد يدخل بيتي بغيابي بس وانا موجوده و الله عادي على عيني وعلى راسي قال انتي ماتبغين اهلي طفشني كل مااقوله شي من خصوصياتي قال ماتبغين اهلي 
حتى هو من ايام الملكه كان يقول لي خليك رسمييه مررره مع خواتي لانهم يحبون المشاكل وخلاص صرت من جد رسميه معاهم والحين يقول لا انتي ماتبغين اهلي 
مع انه عادي اسولف معاهم واروح لهم عادي بس هو ماادري ايش المرض اللي فيه اللي يخليه يعتقد اني اكره اهله مع انه ماقد صار مشكله بيني وبينهم 
مررره تعبت ونفسيتي تعبت مااقدر اسافر لحالي لازم يجيب اهله اذا صاروا اهله عندنا يتغير علي ماادري ليه عارف انه غلط ومن امس رجع يسولف وينكت وانا عادي اسولف معاه بس مقهوره من كلامه 
على فكره زووجي اذا ماغلط مستحيل انه يعتذر والا يجي زي مارجع امس
رجع ولاكأنه شي صار والصباح قاعد يعتذر مني يقول معليش اذا زعلتك بس
انا اصير انسان ثاني اذا زعلت واجرح بالكلام وكذااا
انا قبلت اعتذاره بس مكسوره نفسي
كييييف اتعامل معاه ومع اهله تعبت :(
احنا نكون كويسين ومابيننا شي لين يجون اهله والا نروح لهم ..لي سنه متزوجه .. اعطوني حلووول خلاص عجزت اعرف اتصرف !