زوجي يقول لي انتي ماتسوين جزمه .....(وش اسوي)

السلام عليكم ورحمة الله وبركاته

انا متزوجه من اربع سنين وعندي طفل

وعلاقتي مع زوجي علاقه زينه .............طبعا ممكن نتزاعل ونرضى

ونتزاعل ونرضى كل مره ....................ودايما اذا تزاعلنا يكلمني عادي واكلمه

واحيانا نطول شوي في الزعل ........وبعدين واحد منا يبدا بالكلام او يعتذر للثاني

ومع كذا ...........حتى في فترة الزعل نتكلم رسمي .........يعني كلمه ورد غطاها للحاجه

ولكن هالمره مشكلتي غير ..............وبعرضها لكم بالحوار عشان تعرفون

(مع ملاحظة ان هالايام زوجي عنده شغل في فترة العصر بالاضافه الى الصبح)

انا: مليت يا............من القعده في البيت .....خاصه الخميس والجمعه ودي اغير جو

هو : طيب وش اسوي انتي شافه الظروف

انا: انا عارفه ظروفك.........مو لازم تطلعني........يكفي انك تبين لي انك حاس فيني

يعني مثلا ...تقولي (انا ودي اطلعك انا حاس فيك لازم تطلعين لو شوي تغيرين جو)

هو : وان فعلا حاس فيك وقلت لك امس خلينا نطلع وقلتي لا

انا : لاني عارفه انك جاي من الشغل تعبان......رحمتك
انا ابغاك على الافل تسالني وشلون قضيتي يومك وتبين لي اهتمامك

هو:هذا انا تعبان وما اهتميتي فيني ......حتى بندول مامديتي لي...<<<<(فيه شوي كحه)

انا : ما اقدر امد لك شي الا مشاورتك ....وانا قلت لك كم مره اجيب لك بندول ...اسوي لك عصير ......ادهنك بفكس ..........وتقول لا
وانا ما اقدر اجيب لك شي وانا ماسالتك لانك كم مره فشلتني ........مره سويت لك مكرونه
ويوم جيب قلت لا .....بجيب لنا عشى من برا .......يعني فشلتني
وملره سويت لك الفطور بدون ما اسالك وش تبي لاني مابي انكد عليك ويوم شفت الفطور قلت لا انا ما اشتهيت الفاصوليا
واخر مره سويت لك عصير فراوله.......واستحيت حتى امده لك _خفت تفشلني_ وفعلا يوم قلت لك ان مسويه عصير اجيب لك قلت انا توني شارب مويه

هو : اصلا يوم الكرونه خلص الغاز وقلت بدل ما اطلع اجيب غاز اشتري عشى مره وحده

انا: طيب والباقي

هو ..........ساكت

...................................انا:قمت من مكاني وجلست على كرسي الكومبيوتر
واتكلم بشويش وبدلع ......واقول بصراحه ابغى اهتمام وابغى مشاعر

وفجاه وانا ادلع ..................

عصب علي
1- رمى علي وسادة الكنبه
2- (..............تفل علي .............) <<<<<<<<<<<<
3- (...........قال انتي ماتسوين عندي جزمه ..........) <<<<<<<<<<اهم شي

وزعلت وصرت ما انام معه بغرفه وحده ولا اكلمه حتى رسمي ........ز

والي قاهرني مره ........انه ماحاول يراضيني بالعكس طنشني

ومع انه احيانا هو الي يبدا بالاسف وعلى اغلاط تافهه منه ......لكن يوم جا هالغلط الكبير

ماتاسف ولا عنده نيه


سؤالي لكم .........هل استمرفي الزعل واشوف (لا احد يقول راضيه لان الكلمه الي قالها مهيب سهله ......والتفله بعد)


ولا اطلع واروح لهلي

الان لي اسبوع على هالحال