:44::44:السلام عليكم

ماقصرتو يابنات كفيتو ووفيتو
وابشركم نفسيتي تأزمت اكثر واكثر لأن العيب فيني زي ماتفضلتو

اسمحو لي يابنات اغلب اللي ردو علي كان ردهم من باب القهر من طرحي للمشكله للأسف
وماكان همهم مصلحتي ((انا اقول البعض)) والدليل هالكلام اللي كلكم قريتوه
بذمتكم لو وحده فيكم في مكاني وقرت هالردود راح تتحسن حالتها او تتأزم؟؟
عموما تسلم اياديكم

واحب ارد على وحده من الاخوات اللي قالت اّتي بس ادور المشاكل ووحده قالت انتي مو لاقيه شي تعورين راسك فيه
ودي اقول لهم معلومه بسيطه بيفهمون منهاالكثير اني انا عايشه مع حموله ولكم ان تتخيلو حجم المشاكل اللي انا
فيها
وبعض الاخوات قالو ليه وافقتي من الاساس؟ احب اقول انا مااااااااااااااواااافقت ورفضت لدرجة المرض
ولكن لاحياة لمن تنادي وعلى قولتهم((الكفو ماينرد))
يابنات اذا الطول مو ضروري ولا له اي دور ليه الحين كل وحده من شروطها في فارس الاحلام انه يكون طويل؟ اكيد لان له سبب لكن انا مو قادره اوصله لكم
قبل لاتهاجموني حاولو تفهموني جزاكم الله خير
وفيه حاجه ودي اوضحها اني الحين ما افكر بالطلاق لان على قولتكم مافيه شي يستاهل بس برضوه تبقى هالمشكله مضايقتني ومحرجتني في نفس الوقت
الله يخليكم افهموني كل وحده فيكم او اغلبكم في زوجها حاجه هي ماتحبها سواء طبع او اسلوب او صفه او اي شي
وفي نفس الوقت ماتقدر تقولها لاحد لانها تافهه وسخيفه بس هذا مايمنع انها مضايقتها
الفرق بيني وبينكم اني انا افكر بصوت عالي وفتحت لكم قلبي ابي اطلع الشحنات المتراكمه عندي
توقعت ان صدوركم رحبه بس اكتشفت اني ضايقتكم معليش حللوني
وترى انا عضوه من سنين معاكم بس مدري وش صار وانلغى اشتراكي معاكم وكلكم شهدتو لي برجاحة العقل والتفكير السليم وبأشياء كثيره مابي اقولها علشان ماتقولون مغروره
كنت ناويه اقول لكم من انا بس بعد هالردود ما اعتقد
للمره المليون اقول جزاكم الله خير وكثر الله من امثالكم
مع السلامه:44::44::44:

شكر خاص لزهرة الياسمين وروح الريحان للرد المتميز والاسلوب الرائع واللي يبين منه انهم فعلا يبون مصلحتي
الف شكر وماقصرتو :26:

اختي
اجل يمكن يكون اصل المشكله احساسك انك اجبرتي على الزواج منه و خلاك منتي قادره تتقبلينه و صار حتى العيوب البسيطه بنظرك كبيره ... شوفي اختي ما فيه احد كامل في ها الدنيا ابد لا تتوقعين انه مكن يجيك زوج وسيم و طويل و يعاملك معامله و يسكنك في بيتك لحالك ... كل زوج فيه عيوب و مميزات بعض الازواج تكون عيوبهم اكثر من مميزاتهم و البعض العكس .. شوفي صفي قلبك تجاه زوجك و شوفي ايش الاشياء الي تعجبك فيه اذا يعجبك ملامح وجهه ركزي على وجهه و انت تكلمينه و حاولي انك ما تدقيقن في جسمه ... و بعدين اذا فيه شي يعجبك عليه يعني لبس معين طريقه معينه اطلبي منه انه يسويها لك ترى الرجل يفرح اذا عرف ايش تحب زوجته فيه ,, اكيد كل زوجه تلقى في زوجها صفه او اكثر ما تعجبها لا تتوقعين ان الزوجه السعيده هي الي زوجها وسيم وجميل .. .. اذا انت يضايقك انه طولك اذا طلعتي معه لا تلبسين جزم عاليه حاولي تتقيصيرين و انت واقفه عنده .. و الله ياجرك و يمكن لو طلعتو في بيت لحالكم ان شاء الله في المستقبل راح يأخذ راحته في اللبس اكثر و يصير يملى عينك اكثر .. و عموما شكلك توك متزوجه .. يعني من سنتين او اقل . اتوقع كذا .. و ترى عادي موضوع التعود على الزوج و التأقلم راح يأخذ على الاقل خمس سنوات ..


و يا اختي ترى البنات يبوون مصلحتك برودوهم و كل وحده لها طريقتها بس الفكره الي هم يبوون يوصلونها لك وحده .. و هي انك عندك نعمه .. هدفهم يزينون زوجك في عينك و لاهم ما راح يستفيدون شي ...

الله يهدي سركم و يزين زوجك في عينك يا رب :26:
و اعذريني اختي اذا ضايقتك

يا ويلى اعنبو ابليسج لاتعطين اذنج للحريم......الحريم مايسر يامال الضربه:mad: :mad: :mad: :mad: :mad:

انا ابي اعرف وش تبين عملاق لاحول ولاقوة الا بالله

وبعدين طالما شايلك على كفوف الراحه قولي الحمدلله بلا سخافة وتفاهه اسفه على هالكلام لكن الظاهر ماقريتي مشاكل البنات مع ازواجهم الا كان تحمدتي ربك

الله يهديك يارب