حبيبتي الله يكون في عونك ان قعدتي تسمعين كلام الناس لان الناس لازم يعذربون ويطلعون عيوب ويضخمونها موكذا بس لا بعد يختلقون عيوب وبعد فية شغلة عند الحريم مو كلهم تحب تفسد البيوت يعني حسد تشوف وحدة مستانسة مع زوجها تخلق لها مشكله وتكبرها وتقول وشلون انتي عايشة معه وصابرة 0000نصيحتي لك حطي في اذانك وحدة طين وحدة عجين 000علشان ماتسمعين كلامهم وبعدين الرجال مخابر مو مظاهر وبالله التوفيق:40: :26:

اختي المحرومه تعوذي من الشيطان واستغفري ربك واحمدي ربك واشكريه على ها النعمه اللي انتي فيها واهتمي بزوجك وحطيه بعيونك واتركي كلام الناس تراهم من القهر يدورون اي شي علشان يصير لك ها الشي وعيشي حياتك تري الانسان له حياه وحده واستمتعي به وهل تضمنين اذا تركتيه يجيك واحد مثله يعطيك حب زي اللي هو يعطيك افرضي خذيتي طويل ومنكد عليكي حيا تك بتكونين مبسوطه الله يهديكي :27:

حبيبتي المحرومة،، اولا لا تزعلي من البنات لأنهم ماقصدهم الا مصلحتك وان كان كلامهم قاسي بعض الشئ..

ثانيا اسمعي تجربتي في هذا الموضوع انا من 7 شهور انخطبت لواحد طوله 168 سم (يعني اقصر من زوجك ب 5 سم) في البداية حسيت بنفس احساسك انه قصير بس مشيت حالي ووافقت والله اني اموت فيه الحين!! ولا تفرق معي لا طوله ولا عرضه،،،
وتعرضت مثلك تمام لكلام الناس (هذا قصير ،، لو انه اطول شوي، لازم ما تلبسي كعب عالي وانت جنبه، الخ) بس قلت خلهم يولو المهم عاجبني انا وبسسسسسسسسسس...

حبيبتي لا تعطي مجال لأحد يتكلم عنه بهالطريقة بينيلهم ان كلامهم يضايقك واكيد بيسكتون وحطي في بالك ان اي وحدة فيهم تتمنى واحد مثل زوجك لنفسها او لبنتها او لأختها ولو انه تقدم لوحدة فيهم كان مستحيل رفضته بس هو كلام حريم عالفاضي وفي مثل عند الاخوة المصريين يقول (مالقوش في الورد عيب قالوا ده احمر الخدين) :)
وارجو اني افدتك
:26:

يا حبيبتي محرومة كيف تقولين ما همنا مصلحتك .. لو ما همنا مصلحتك ما كنا ضيعنا وقتنا و ردينا عليك بالعكس احنا كلنا مهتمين و خايفيين لا تضيعي نفسك بهالافكار و انا مب قادرة اقتنع او افهم انتي ليش مكبرة الموضوع لهالدرجة ؟!!! حبيبتي انا زوجي عنده توسع في الاوعية الدموية و هالشئ خلى شفته السفلى كبيرة بشكل ملحوظ ومؤثر على شكله ( هذا على ما يقولون الناس ) تصدقيين ان عمري ما شفت هم على شو يتكلمون ! و الله العظيم اني ما اشوفها لاني اشوف قدامي انسان حنون , طيب , يبوس التراب اللي امشي عليه و لا تفكرين اني عايشة بدون مشاكل.. لا.. عندي مشاكل و مشاحنات معاه على الطلعات الزايدة و على تربية ولدنا و و و والوحدة عمرها ما تخلص من وجع الراس <--- شكلي شطحت برة الموضوع :29:
و بعدين لما رجعت قريت ردود البنات ما شفت فيها شئ يزعل !
المهم يا غالية انا لما قريت مشكلتك خفت عليك من غضب رب العالمين لانك ما قاعدة تقولين الحمد الله و تشتكيين من مشكلة سخيفة <---( والله ما ودي اقولها عشان ما تزعليين بس الحق حق )
عشان كذا قبل لا تقريين باقي ردي اتمنى انك تحمدين رب العالمين على هالزوج


و الحيين خلينا نتعمق في مشكلتك اكثر :cool: و قوليلنا شو اللي يضايقك بالضبط .. لما تطلعون مع بعض السوق ؟؟ ولا يوم تروحون الزيارات العائلية ؟
انا عندي تحليل اتمنى انك تاخذي بوساعة صدر .. يمكن يا محرومة انتي كنتي تحبي طولك و تفتخري و تدلعي فيه و هالشي سببلك شوية غرور في النفس بطولك فلما تزوجت و شفت طول زوجك تهيألك ان هذا عيب كبير فيه .. و ترى يا محرومة مهما ردوا عليك البنات ما بتلاقي حل لمشكلتك لانك تدورين على حل يطول زوجك عشان كذا مش قادرة تتقبلي ردود البنات
و اذا انتي شايفة ان المشكلة متأزمة لهالدرجة عندي لك حل مؤقت لين تقتنعين بزوجك ( اتمنى انك ما تتبعينه لاني مش مقتنعة فيه )

روحي عند محلات النعول و اشتريله نعال بكعب هدية <-- و الله ما اتطنز تراها طالعة موضة الحين النعول اللي بكعب للرجال
( مثل النعول السطيحي بس مرتفعة شوي عن الارض تبع الحريم شفتها على اخوي الصغير يوم العيد بس شو اتطنزنا عليه لين كره النعال و رماه في الزبالة :01:
و في الاخر ما اقول غير الله يهديك و يريح بالك يا محرومة

اتقي الله في نفسك ليش تمحين كل الصفات الزينة الي في زوجك وتنظرين له عن طريق الشكل ثانيا يمكن انتي فيكي عيب وهو كاتم وأنتي ماتدرين عنه أو على الأقل حطي نفسك مكانه وهو يفكر في نفسه انك قبيحه ويبغى يتزوج عليك لحظتها وش بتسون اختي ماعليش يمكن كلامي قاسي بس احمدي الله على النعمه انه طيب ومتفهم واكتشفي صفات يمكن انتي ماتدرين عنها تغنيكي عن كل الناس