بسم الله الرحمن الرحيم

هلا اختي المحرومه والله لا يحرمك من غالي ياربي

انا مريت بموضوعك بس مرور ويوم قريت مشكلتك تحمست اني ارد وانا مالي كثير بالمنتدى بس وربي لاني حاسه فيك حبيت ارد

شوفي حبيبتي انا مالي متزوجه 6 شهور والله يكتب لي التوفيق وكل مسلم ياربي

وانا مثلك تقدم لي زوجي وهو الحمد لله كامل والكامل الله سبحانه وتعالي لكن انه مهو طويل مثلك وانا اطول منه

ويوم تقدم لي ترددت مثلك لكن قلت اخاف ارده عشان هالسبب ربي يعاقبني وصدقيني اني ايام يجيني اكتئاب من هالسالفه قبل زواجي

لكن شلت هالفكره من بالي وان الطول شئ ثانوي صحيح التوافق الجسمي مطلوب لكن ربي كاتب هالشي
انتي انسي هالشي ودام انو يحبك خلاص وش تبين غير هذا وانتي كمان حبيه ودوري عن الاشياء الي تخليك تحبينه ياعمري ما كل ما يدركه المرء يناله واحلامنا الورديه اللي قبل الواقع ما يجيبها

وادعي ربي قولي ياربي تزرع محبته في قلبي بعد محبتك ومحبه نبيك صلى الله عليه وسلم

وقولي امين ما اعرفك ولا تعرفيني يا اختي الله يوفقك ويجعلك ياربي شمس نهاره وقمر ليله ويوفقك ربي لما يحبه ويرضاه واسفه عيوني على الاطاله لكن انا ما احبه لنفسي احبه لاوختي

تحياتي

اختك :27: قريضه :27:

اختي محرومة .. بصراحة لما قريت مشكلتك اتوقعت ان بنات المنتدى بيشون هجوم فظيع عليك لاني بصراحة انقهرت من مشكلتك لكن بنات المنتدى ما شاء الله عليهم صدورهم واسعة ...
لفت انتباهي كلمة ( صرت افكر في الطلاق ) ليش يا عزيزتي !! عشان مش طويل ؟!!!!!!!!!!!!! عيٌل لو كان يضربك كنت فشو فكرت ؟ او لو كان لا سمح الله عقيم ؟؟ او ما يصرف عليك ؟ او كشر و كل ما شاف وجهك رمى عليك كلمتين مثل السم ؟ او( الله لا قال) يسكر ؟ او مغازلتجي و خاين ؟؟؟؟؟؟؟؟؟؟؟ خافي ربك يا محروحة تعرفين اخو زوجي عقيم و زوجته نفسها تشم ريحة الاولاد من غير كان اول زواجه يسكر و يضربها ( الله هداه الحمد لله ) و هي ما عليها كلام جميلة و بنت ناس كبار و عندها ملايين في البنك تعرفين ليش صابرة عليه ؟؟ لانه حنون و مش سهل تلاقي رجل حنون !!!!!!! يا حبيبتي في كثير بنات الله ما رزقهم و يتمنون زوج مثل زوجك لا و تقولين شايلك على كفوف الراحة يعني عندك لقب مطلقة اهون من زوجة رجل قصير ؟؟ اذا كانت اجابتك نعم فانا اسفة على كلمتي لكن انتي محتاجة علاج نفسي .

بصراحة

بصراحة

ودي اهزك بقوة و اقولك اصحي

ما اقول الا...............

الله يهديك

اجل هذا كلام...طوله 173 وتقولين قصير؟؟؟؟؟؟؟؟؟
اجل اش خليتي للقصار؟؟

اقول........ تعوذي من ابليس وخلي عنك كلام الحساد اللي شكلهم ناويين على زوجك
وفي ذيك الساعه محد بينفعك........

الله يهديـــــــــــــــــــــــــــــــــــــــــــك:26:

لاحوووووول ولا قوة الا بالله......

ما اقدر ازيد على كلام البنات كفو ووفو...كل الي اقدر اقوله لك خوفي ربك....لا تتبطرين على النعمة الي انتي فيها ترى ربي يسخط عليك..ولا تصيرين انسانة سطحية ومالها شخصية وتفكيرها محدود يعني كلمة توديها وكلمة تجيبها.....

صراحة هالحريم ماوراهم الا الحكي الفاضي ...والغيرة الي ذابحتهم....لاتهتمي منهم...وفكري بعقلك وانا اختك....ترى الشكل زايل والشباب زايل....لكن العشرة والمودة والمحبة هي الي تبقى....وعلى قولت البنات وش تبين بواحد طويل مرة (انا اشوف طولة ممتاز وأكثر من ممتاز بعد)ووسيم مرررررة لكن اخلاقه والعياذ بالله00ولا مغازلجي ومابقت بنت مايعرفهاااااا...
واسمحي لي اقولك انتي ماتنظرين ابعد من ارنبة انفك.معليش انا قاسية عليك لكن ابغى اصحيك بدش موية بارد...

خليك ارفع من هالتفاهات...الله يهديك...ترى بكرة تعضين اصابعك ندم وماراح ينفعونك بشي هاللي يلعبون براسك

حبيبتي طيب لية مايكون هو بعد متضايق من طولك :29:

حبيبتي أنتِ ماعرفتي عن طولة إلا بعد الزواج؟؟

وينك عنة قبل كان رفضتية طالما المشكلة تؤرقك!!

حبيبة قلبي..أنتِ ركزتي على هالعيب لذلك يستحيل يعجبك أو يقنعك أو يملئ عينك..

حلوة كلمة طالق ..

حلو ترجعين مطلقة لأهلك !!!

حلو إنك تقعدين عند أهلك وغالباً اللي بيتقدمون يكونوا كبار ولا متزوجين ولا عقيمين

ونادراً أو يستحيل يكون عازب أو مافية عيب حتى لو عمرك 15 ماراح يقبل بك عازب

حلو إنك تأخذين واحد أكبر من زوجك

هل عيبة أفضل من عيب زوجك؟؟

هل لقب الزوجة الثانية أحلى من لقب زوج قصير؟؟

هل هذا عذر مُقنع حتى تركزي علية وتغفلي عن ميزات في زوجك؟؟

حبيبتي أبليس شين نظرتك لزوجك لأنة يبي تشتيتك وتشتيت أي حياة زوجية..

يمكن يكون القصر عيب سواء للمرأة أو الرجل مثل مالطول الزايد عيب

لكن فية صفات في بعض الرجال من أخلاق سيئة تنفر الزوجة منة رغم وسامتة

يعني مو الطول ولا الجمال هو مقياس الحياة..

نصيحة لوجة الله حتى تستمتعي بحياتك ولا تكدرين خاطرك..

أجلسي مع نفسك...فكري في زوجك..

أخلاقة معك معاملتة..

هل يستحق كرهك وإشمئزازك؟؟؟

أتركِ الناس وكلامهم أصلاً في وقت حاجتك وشدتك ماتلقينهم..

فكري بعقلك وقلبك هل الإنسان هذا يستحق نظرتك هذي؟؟؟

شوفي قلبك وعقلك وش بيقول لكن بعد طمس هالنظرة..

وتخيلي إنة طويل ووسيم ولا فية أي عيب في شكلة..

لكن تخيلي مايحبك...مايستسيغك ماتعجبينة

أو دايم يتلفظ عليك ويلاغيك ويحقرك أو يضرب

أي أفضل بالنسبة لك..

أحمدي ربي على ماعطاك ولاتركزين في العيب ولا تفكرين نهائي..

وتشوفين إذا بكرة ماكلتية أكل من حبك لة

بس قولي لأبليس بالفم المليااااااااااااااان :

تخسى إلا أنتَ تكدر صفو حياتي..:30:

فمان الله:42: