زوج غريب!!

السلام عليكم ورحمة الله وبركاته

صباح الانوار
بنقل لكم قصة صديقتي الغريبه وماعرفت احل لها موضوعها بشكل كامل اكتفيت بقول لها( امسكي عليه ادلة وخبيها عندك حتى لو شي تافه يمكن يشوفك انك فاهمه حركاتك او حتى كتذكير له و الله يكون بعونك والحل بسيط ان شاء الله اهم شي كوني مرتاحه وواثقه بنفسك دامك ماغلطتي الحمدلله )

قابلت صديقتي امس وحكتني لاول مره عن معاناه تعانيها مع زوجها تقولي : ياريم انا زوجي خبلني ماني عارفه ايش يبغا من بداية زواجنا وكنت اقول يافلانه هو بداية الزواج كذا اغلب الأزواج حريصين ،
شهر ورا شهر وموقف ورا موقف بعد خمس شهور اتصلت علي اختي وقالت يافلانه ايش رايك نتقابل بكوفي يوم من الايام < علما ان صديقتي بعيدة عن اهلها وخواتها وجاتها اختها زياره لمدينتها .
قامت صحبتي فرحانه اخيرا تشوف اختها بعد خمس شهور زواج وراحت تقول لزوجها ايش رايك يافلان اليوم الفلاني اروح المكان الفلاني اشوف اختي سالني زوجي زوج اختك بيكون موجود قلت لا ماراح يكون موجود فقط انا واختي وبزرانها قال طيب قبل خرجتي مع اختي بساعات قال بروح احلق ويكوي ملابسه ويتعطر ويقولي عشان احلس مع زوج اختك قلتله زوج اختي موجاي اشبك نسيت قال لي كيف مو جاي انا اوديك ووين اروح بعدين قلت كيف وين تروح ارجع البيت او خلك حول المكان ماعجبه كلامي وبدا تتغير ملامحه قمت قلت يمكن تقابل زوج اختي عند المواقف قام قال طيب ورحنا المكان الفلاني واحنا ماشين لمكان اختي قال مو موجود زوج اختك كيف تجلسي مع اختك لحالكم بدون رجال وهذا الكلام صار واحنا بالطاولة المقابله لها المهم لخص هرجة وقال الساعه ١١ اجيك < علما انه وصلت الكوفي الساعه ١٠
المهم جلست وخلصت وقلت لاختي انه بياخذني الساعه ١١ ودق علي وطلعت له وعلى طول قعد يهاوش لدرجة اني نسيت فرحتي بشوفه اختي حرفيًا انقلب اليوم نكد بنكد المشكلة اقول له يافلان انا قلت لك بس انت نسيت وشكلك تسلك لي وقعد ينافخ علي ويصارخ وصلنا البيت وكمل صراخ وهواش انه ليه ماقلت له ان زوج اختي مايكون موجود
طبعًا انا مصدومة وزعلت مره بذات انه قال لي غصبًا عنك تسمع كلامي وماتشوفي اختك مرة ثانيه بكوفي زعلت وانقهرت ذاك اليوم ياريم واخذت مخدتي ورحت الصاله انام ماابغا اشوف وجهه لانه حأسطره
مرت الايام وصارلنا سنه وتراضينا ورحت لمدينه اهلي وفجاة اهلي قالوا يلا نروح حديقه اخذنا المفرشة واغراضنا واتصلت تلى زوجي اقوله اني رايحه مع اهلي طبعًا مارد علي اتصال رسلت له سناب لما رحنا وجلسنا مبسوطه مع اهلي دق علي وقمت ارد على طول بدون سلام وكيفك ينافخ علي ليه تخرجي وماتقوليلي وكيف وهواش طبعًا انا سكت عشان لايرتفع صوتي ويحسوا اهلي قفلت وجلست وعدت الايام وتناقشنا وتراضينا وجريت الايام ، < بعد السالفه بسنتين > تقولي اللي صدمني ياريم توي استوعب ان اغلب مشاكلنا نفس الهوجة واقوب هوجة كان بروح لمدينة اهلي وكنت وقتها خمس شهور مااشوفهم وقلت له بخرج مع صحباتي وفرح لي واعطاني فلوس وقلت له اني بروح ياذا المكان ياذا قال طيب انبسطي وانتبهي لنفسك واذا محتاجه شي كلميني انا فرحت وقلت اخيرا صار يرضالي المهم بيوم خرجة صحباتي رسلت لزوجي وكان نايم
رحت انا ورجعت ومرره كنت مستانسه ووريته هديه صحبتي اعطتني هيا والا فجاة يدق ينافخ كيف تخرجي وماتقوليلي قلت له يافلان انت تدري وقلت لك يقول لي لا ماقلتيلي انك بتروح ذا المكان ولا اتصلتي عليا لما خرجتي طيب انت نايم يقولي ولو لازم تتصلي قلت له بس انا ببيت اهلي الاولى اني استاذن من ابويه وعيب اني ابديك على ابويه طبعًا ماعجبه وزعلان ووقتها طلعت كل اللي بقلبي من اول ماتزوجنا انت فيك ويخطيك وتنكد علي فرحتي وحماسي صار يعطي اعذار واسباب انه المفروض المكان ذا فقط مع اهلك واخواتك مو صحباتك وبدا يسبسب المكان انه سربته وزناوه <. علمًا ان المكان هو مول راحوا جلسوا في كوفي ساعه فقط واشتروا من محل نسائي وكل من وراح بيته .

((حاولت اخلي القصة كان صديقتي تحكيها لاني ماعرفت اقولها بطريقتي ))

المهم يابنات شي غريب انه ليه فجاة يعطيها حبل الامان وبعدها يسحبه منها !!!

وكأن واحد مغسول دماغه مو صاحي وهو موظف محاسب يعني المخ شغال بس ذا ماني فاهمه ايش يبغا منها يحسسها انها غلط وانه خايف عليها وانما هو مانه يشك وغير واثق فيها
صحبتي تقولي انا بامكاني اتركه واطلق منه بس حاادخل مشاكل ثانيه انا بغنى عنها وان زوجها كويس معها ومومقصر عليها