شخصية زوجي الغريبة

السلام عليكم ورحمة الله تعالى وبركاته
كيف حالكم حبيباتي؟
وعيدكم مبارك يا رب يا كريم

قصتي غريبة وعجيبة واتمنى منكم مشكورين الصبر على كثر هرجي، لكن والله يا بقلبي كلام ما عرفت والله اقوله لمين ولعلي اجد جوابي عندكم

قصتي كالتالي:
انا بنت توي تزوجت بعيد الفطر السنه ذي

زوجي اللي تقدم لي كان طبيب اكبر مني ومشرف علي بفترة معينة بسنة الامتياز وراح أكون زميلته في العمل في أكتوبر السنة ذي ان شاء الله

زوجي رجل كامل بكل ما تعنيه الكلمة من معنى،
وأنا حبيت رقيه وشخصيته وأسلوبه ووعيه من تعامله معي ومع زملاءه ودكاترته ومرضاه
اسلوبه مؤدب ومحترم وخلوق مرا واحس انه مهو مثل بعض الشباب اللي ينظرون للبنات نظرات مريبة وغير مريحة، فما كنت احس بتوتر وانا معه في التيم
كنت ماخذة راحتي وانا اسأل واجاوب على اسئلته وهو يقول مستواك مرا ممتاز دكتورة ومن المدح والكلام الزين …

تقدم لنا وسأل بابا عنه
يالله ايش ذا هو بشر ولا ملاك ان كان من دين وخلق وسمعة طيبة ومال وجاه ..
حافظ لكتاب الله وهذا لوحده يكفي 🤍🤍
وطبيب شاطر في مجاله والكل يحبه: ابوه وامه واخواته والجيران واقاربه وزملاءه ودكاترته ومرضاه، يا شيخة حتى زميلاتي اللي معنا الغير محتشمات وجريئات على الرجال انهم يستحون مرررا منه ولا يقدرون يمزحون معه

بابا قال لي يا بنتي والله ما تحصلين مثل ذا لو تلفين الدنيا، طيعي شوري واقبلي ولا تترددين بعدما يشوفك وتشوفينه
وقت الشوفة الشرعية يالله يا حلاة ابتسامته وهو يناظر لي وانا مرررا ذايبة في المشاعر ومستحية ❤️❤️❤️❤️❤️

وقت الملكة كنا قدر وغطاه 💞
وبداية الزواج بشهر العسل كانت جنان وأيام ما تتكرررر 💕💕💕

لما رجعنا هو كان بعمله وأنا خلصت الامتياز اصلًا قبل زواجي مباشرة، وانتظر بداية العمل بأكتوبر

انا كنت اللي اطبخ واغسل واهتم في البيت، وهو كان يداوم وما يطلع من البيت من السبت للأربعاء،
يا بنات حتى يوم السبت له جدول خاص وهو اجازة ما شاء الله عليه !!
طول الوقت يقرا ويذاكر، وقت الصلاة يروح للمسجد مباشرة ولا يلتفت، دقيق في مواعيده ووقته، افطره قبل يروح لشغله وأسوي له لنش بوكس ياكله في العمل، وطبعًا اجهز له قهوته كل صباح يرجع البيت يلقاني متزينة له ومبخرة البيت ومجهزة قهوته ومكتبه عشان يذاكر
الخميس والجمعة كنا نتمشى يا نروح كافيه او بوليفارد او نتابع فيلم بالسينما او بر او نروح للخبر ع الكورنيش نتمشى او على البحر نسبح ونتعشى برى لازم

احسه يفهمني ويفهم اللي بخاطري ويدلعني ويونسني وكان يحب يتناقش معي وانا صدق احب اتفاعل معه واحاول اجاريه في ثقافته وأسلوبه

ولكن فيه جزء بشخصيته خوفني جدًااانظامه يعاملك بالزبط زيما تعامله، واذا ما مشيت زيما يبغى، يسحب نفسه منك وكأن شيئًا لم يكن !!
يعني هو يبادر بالحب والرومنسية والكلام الحلو، ويحسسني اني بنت فعلًا، ويبادر في العطاء بس بشكل معقول وانا ارد له بالمثل واكثر
وما كنت اهتم لو كنت احبه اكثر مما يحبني وقتها لأني كنت أحس انه كثير علي من كثر ماهو مثالي 💔💔💔

مرة يوم كنا طالعين فندق، ووقتها كنت احس اني مخنوقة من نفسي (دورتي كانت زفت ذاك الوقت وحسيت حالتي النفسية مهي مزبوطة) ، وشافني ما كنت متفاعلة معه بالشكل المطلوب، وعادي كمل وسألني وقال عنده مشروع بعمله يبيني أساعده فيه واعتذرت منه لأني ما كنت احس اني بخير

فصار يسحب نفسه ويعيش حياته وكأن شيئًا لم يكن وعلى مشروعه، ويعاملني بشكل طبيعي وهو مرتاح بس ما يدلعني ولا يتعامل معي بلطفه المعتاد ويعاملني رسمي مرررا كأني مو زوجته !!

جيته قلت له يا روحي فيك شيء؟
حاسة انك مو بخير، تبي تتكلم او تفضفض؟
ضحك وقال وشبك؟
وربي يا وجهي انه صار كذا 😳
قلت له اذا احتجتني انا موجودة بأي وقت

تركته ممكن يبي يقعد لحاله
بس طول ومعد تحملت تطنيشه لي خصوصًا العلاقة الحميمة كنت متعودة عليها كل يوم ،،
لدرجة صرت اجيه اتودد له واوريه ان مشاعره مقدرة ومعتبرة عندي ولك معزة خاصة في قلبي واقول له كلام حلو ورومنسي بكل اشكاله .. وحتى اللبس صرت اتفنن فيه وجربت كل شيء حرفيًا لعلي اجذب انتباهه بشكل ما أو بآخر ..

قلت له وانا اعاتبه بلطف ما يصير كذا يا روحي، لا انت اللي تبي تتكلم ولا انت اللي تبيني ابادر واساعدك ..

ناظر فيني شرب الشاهي بكل روقااان وقال، تريني اعرف انك من النوع اللي يحب ياخذ اكثر بكثير مما يعطي، وانك تعودتي على حياة العز والترف، الدلع ذا مو عندي .. صدقيني اني اقدر اكون كذا وأسوء بعد فلا تضيعين وقتي مرة ثانية اني اطلعك وما احصل منك نتيجة .. (ببرود عجيب وابتسامة مخيفة، والله ما اهتز منه شعرة!!)

قلت له بصوت منصدم وششش سويييت ؟؟!!!

قال تذكرين وقت الفندق يوم رفضتي مساعدتي في المشروع وأسهب ..

تعرفين ليش تقدمت لك؟
عشانك شاطرة ومتفوقة دراسيًا، وأنا ابي زوجة معدل ذكاءها عالي
لان عندي مشكلة في التعامل مع الناس الاغبياء من زمان
عشان كذا اخترتك مع انك خفيفة وعاطفية بزيادة لسوء حظي ..

صدمني بكلامه لدرجة اني بكيت قدامه، وربي كنت ابيه يضمني ويحتويني ويقول انها زله لسان في لحظة غضب ويمشي الموضوع ..
لكنه تنرفز، قال روحي الغرفة ولا ترجعين الا بعدما تنشف دموعك .. ناقص دلع انا 💔💔💔

وربي يا دموعي انها غرقت المخدة وعيوني وحلقي يحرقوني وهو ما عنى نفسه يجيب لي علبة مويا ع الاقل !!!

صحيح اني تعودت اني اكون دلوعة أبوي وآخذ وما احد يطلب مني أقدم أو أعطي مهو عشاني ما ابغى ومع ذلك أعطي بطيب نفس وحب،
وأمي ما كانت تجبرني اساعدها في شغل البيت ومع ذلك كنت اساعدها .
وحتى اخواني الكبار كانوا يقولون لي دائمًا دكتورة
لكن انا مؤمنة ان الزواج فطرة ولابد البنت تتزوج، ويكون عندها زوج تهتم فيه وترعاه وتحاول بكل وسعها ترضيه بما يرضي الله ..

يا بنات وربي انه كسر خاطري، ما تخيلت انه ممكن يكون فيه انسان قلبه قاسي زي الحجر كذا 💔
وربي انا احبه واحب التراب اللي يمشي تحته ولو يقول لي سوي كذا اقول له حاضر ولا اناقش .. وهو كمان يقول اني زوجة كويسة ومطيعة، ويكون لي زيما اتمناه بالزبط

عشان لا يروح بالكم بعيد، مهو قصة انه تعود علي او عشاني ادلعه بزيادة
احسه سايكوباث تتوهمين انه يحبك بس في الحقيقة قاعد يمثل عشان طبيعة شخصيته كذا 💔💔💔

حتى لو حاولت اسوي زيه واسحب عليه ما راح يتأثر .. ما تدرين هو انس ولا جن 💔💔💔

وربي يا شخصيتي انها قوية وعنيدة وعندي كبرياء عالي وما تعودت اني اتنازل .. وربي بموقف واحد انه دمر كبريائي وحسيت اني ولا شيء قدامه 💔💔💔
بعدها اعتذرت منه وقلت له ابشر ما يصير بخاطرك الا طيب وحبيت راسه، حاولت بالفعل اكون على ما كنت عليه وان كانت حازة بخاطري .. رجع يتعامل معي بشكل حلو زي اول، بس ما صرت احس لها طعم

وربي يا بنات بعدها انه حتى في السرير
في البدايات كانت اعصابي دائمًا مشدودة استناه يخلص واحاول اصرفه عشان لا يطول،،
بعدها صرت احس ببرود عجيب وما عندي مشاعر نحوهوربي ويشهد علي ربي اني ما ادري متى يبدا ومتى ينتهي لين اشوفه يروح
تخيلوا اني وصلت للمرحلة ذي بعدما كان هالشعور اجمل وأحلى شعور في الكون 💔💔💔

انا بحيرة والله، ماني احبه ولا اكرهه، ابيه بس بنفس الوقت ابي زوج يحبني من اعمق نقطة بقلبه وانا احبه مثل وأزود، وباقي انا صغيرة وجميلة ودكتورة ومن عائلة معروفة وبابا عنده منصب واخواني اللي مهندس واللي ضابط واللي محامي وانا آخر العنقود والبنت الوحيدة،،
وقد تقدموا لي خطاب بوظايف مرموقة وقت دراستي وكان ابوي يردهم عشان اكمل دراستي

وفعلًا ماني قادرة استغني عن زوجي الحالي لانه يفهمني ويسمع لفضفضتي، ويحل مشاكلي وحاسة انه كل شيء بالنسبة لي الا اني ماني بقلبه ولازم امشي على كيفه بالزبط 💔

المشكلة حتى ما اقدر افضفض لماما، والله غير تقول اني كذابة بوجهي لان زوجي مرا طيب مع اهلي وهم معجبين فيه مرة وبابا ما يقول الا جانا الدكتور وراح الدكتور واخواني كمان يشوفون اني مرا توفقت في زواجي منه ويرحبون فيه ويقولون يا هلا بالنسيب الكفو ويجلسونه بصدر المجلس 💔

وربي اني ماسكة دمعتي يوم بابا يقول انا بحياتي كلها ما شفت زوج مثلك يا دكتور فلان، يا حظ بنتي فيك وماما تعزز له 😢💔💔

اعتذر منكم ع الاطالة ..