زوج ما يخاف الله فيها

بنات انا باحكيلكم قصة صديقتي لانها مسكينه كاسره خاطري موت وماني قادره انفعها بشي ببدا معاكم على طول
صديقتي هذي يابنات وبدون ما امدحها اول شي انسانه متعلمه انسانه نظيفه جدا انسانه نشيطه وفوق هذا كله ما شالله منفتحه ومواكبه العصر ومهتمه بنفسها تمام وفوق هذا كله تموووووت بزوجها بس المشكله>>في هذا الزوج من اول ماتزوجت يابنات تحلف وتقول انه ماكان يجيها الا مره بالاسبوع وكان يهاوشها اذا لبست قميص نوم او تصلحت ويقولها وش قلت الادب هذي ولما حملت ما فرح بحملها وقال عادي حتى الكلاب والبساس تحمل بالشارع المهم هي الان متزوجه لها 11 سنه وعندها 4 أطفال وصديقتي هذي يابنات تعاني من زوجها بالذات من الناحيه الجنسيه تقول البس له واتشيك والمح واصرح ومافي فايده يقول مالي مزاج مالي نفس اف منك وتقول حتى بعد الدوره ما يشتاق لها او يحاول يدور عليها يعني احيانا يمر الشهر وهو ما نام معاها الا مره وحده وهي مهتمه جدا وتحاول ترضيه باي شكل احيانا تقول له يالله نروح فندق واحط عيالي عند امي وانا الي ادفع الحساب ونرجع عرسان انا وانت وننبسط لو ليله وحده يقوم يقول ها لا مايمدي والعيال وانتي من جدك<<<<<:08:
معقول في رجل يرفض عرض زي كذا والله انها دايما تبكي ومتضايقه منه
طيب انا كنت احسب انه مريض او عنده ضعف او شي بس هي تقول والله والله اني احيان اكون نايمه جنبه ويكون باين انه تمام واقوله يالله شوف ذاك الشي ..........انتم عارفين قصدي يقوم يقول لا من قال لك اني ابغى انا بس كنت حسران وابغى الحمام (الله يكرمكم) حتى يوم تحاول تجدد وتسوي حركات جديده يقول اش هذي الحركات ويحطمها تماما حتى لما تجيب له هديه يزعل ويقول ليه ما خذتي رايي كان نفسي في كذا وكذا :024: شحاد ويتشرط خخخخ
المهم بالموضوع يابنات انا حاسه انه له علاقه غير علاقته مع زوجته لان هالحركات مو طبيعيه ابدا اي رجل ما يعاشر زوجته بالشهر مو طبيعي وشبعان من برا
الي يخلي هالفكره تخطر على بالي انا اقولكم ليش زميلتي هذي ما تجيب شغالات اندونيسيات تخاف منهم على هالزوج الفلته بس مره من المرات اضطرت وجابت وحده من هذولي الي بدون اقامه :: وفي يوم من الايام جات وقالت لي يا حلا: تصدقين انا قلبي قارصني من حاجه قلت: وشهي قالت: احنا جلستنا بالصاله مقابل المطبخ واحس ان زوجي عينه طول الوقت عالمطبخ والشغاله قدامنا تروح وتجي وش رايك قلت لها:غيروا جلستكم في مكان ثاني او قولي للشغاله اذا زوجك بالبيت لا تدخل المطبخ ابد
وبعد هالقصه بكم يوم دقت الشغاله على زميلتي الا زميلتي على طول طارت عالبيت حتى ما كلمتني يوم رجعت وكلمتها لقيتها تبكي ومنهاره وتقول ان الشغاله اتصلت عليها وتقول لها ان زوجها جا بالصباح وحاول يعتدي عليها وانها لازم ترجعها لاهلها ...وطبعا هو قام يحلف وجاب المصحف وقال انها هي الي كانت تتحرش فيه وانا كمان حاولت اقنع زميلتي ان الشغاله كذابه وووو وانا عندي احساس ان الشغاله صادقه خصوصا بعد ملاحظة زميلتي ذيك المره على نظرات زوجها وفي النهايه عدت القصه بسلام وصديقتي صدقت زوجها او حاولت من داخلها تكذب نفسها
وبرضه في قصه ثانيه مره صديقتي كانت مع زوجها بالسوق ودق جواله وسمعت طريقة كلام زوجها غريبه وشكت فيه واخذت الرقم واليوم الثاني دقت وطلعت >>>>>>حرمه
وطبعا صارت مشاكل والحرمه تقول انه جوال زوجها وهي اخذته لان جوالها مفصول وووو وزوجها طبعا سوا لها قصه وكيف تتصلين وكيف تاخذين الرقم وانلفت الهرجه وفي النهايه طلعت هي غلطانه وبرضه مشيت السالفه
المهم يابنات بعد كل هالمواقف هل انتم من رايي ان هالزوج له علاقات غير علاقته بزوجته او اش فيه بالضبط لانه انسان مو طبيعي بس والله يابنات انا عمري ماحاولت ازرع شكوكي هذي براس زميلتي خايفه لا ينخرب بيتها ويتشتتون عيالها واحاول دايم اهديها لما تدق علي تبكي المصيبه ان زميلتي من كثر الكبت والقهر وان زوجها مقصر بحقوقها بدت تكلم شباب بالجوال بس من القهر منه مع اني قلت لها هذا مو مبرر انك تسوين هالشي الحرام وفي داخلي اقول حسبي الله على زوجها لو هو مشبعها ومهنيها ماسوت كذا بالله وش الحل برايكم يابنات زوجها مو راضي يفهم او يتغير ابدا وصديقتي هذي هي توام روحي وما تشكي همها الا لي وانا ماباليد حيله مو عارفه شسوي ساعدوها ارجوكم بأرائكم السديده
معلومه مهمه زوج زميلتي متعلق فيها مره يعني احس علاقته فيها كانها صديقه ياخذ رايها ويحكيلها ويحب يسمع منها بس ؟؟؟هل هذا يكفي