زو جى مع زوجته يستعبطونى

:(
اللللله يكون بعووونك من جد شي يحزن
الللله يعينك

لا حول ولا قوة الا بالله
وربي حاسة فيك يا الغالية
وعليك بالدعاء ما فيه أحسن منه
والله يعينك ويوفقك ويرجع لك زوجك يا قادر يا كريم

شوفي حبيتي الله يكون في عونك ,,

اولاً / قومي صلي ركعتين ودعي من الله الواحد الاحد الي لا يرد عبده ابداً انه يثبتك ويهدي سرك

ويرجع لك زوجك ,,

ثانياً / وش عليك من الناس خلهم يتكلمون انا ماشوف الي سويتيه شي غلط لانه


ردة فعل طبيعيه من اي وحده ممكن تكون في مكانك وكل واحد وله طرقه الي يعبر فيها ,,

بس الحين الي صار صار كل الي ابيه منك انك ابدي صفحه جديده ولا تخلي الثانيه تربح عليك انت ماشاء الله

عليك انسانه فيك خير والدليل صبرك على هذا كله ,,

خليه يحس انه محتاجك و انتي محتاجته صديقيني هو يحس بالفرق بينك وبين زوجته الثانيه بس يكابر

لانه رجال وانتي عاندتيه وقلتي له هذا من فلوسي الرجال مهما كان مايصير تمني عليه ,,

بس الحين نبي الشطاره منك ,,

اهتمي بنفسك اكثر وبعيالك وبه ,,

كلميه وطلبيه انه يجلس معك وتفاهمي معاه وذكريه ان الله حق وهذا الي سواه معك ليس بحق ولكن بأسلوب حلو

وذكريه بأيامكم الحلوه وان كل انسان يغلط ,,

والغلط يتصلح وكونوا صرييييييييييحييييييييين مع بعض وكل واحد يقول الي في خاطره للثاني لكن بهدوء

وتفاهم ومن غير انانيه من الطرفين حتى توصولوا لحل يرضي الطرفين

اتمنى لك التوفيق من كل قلبي حبيبتي والله يهدي سركم يارب ,,

ياااااااااااااااااربي انا ما اصدق

يعني تقولين تزوجتي عن حب وعلى حبه لك وللعدل بيستر على بنت الناس وتزوجها؟؟ونتي يعني شايفه المسأله صح؟؟

اي حب ذا..معليش اسفه بس من جميع النواحي ما تخش المخ

اكيد مو معنى اي واحد يتزوج على زوجته انه يكرهها ..بس في وضعك احس انه عذر اقبح من ذنب

معليش اوكي التعدد حلال بس ان كان فيه قصور منك يتزوج الي يبي بس يقول احبك ويتزوج غيرك!!!!!!!!!!

عشان استر على بنت الناس..اذن..كل عادل وكل ملتزم يروح يدور الي يبون ينسترون وياخذون اربعه...

والله هذولا الرجال كائنات غريبه بصراحه مادري يستعبطون والا يستعبطون

بعدين اصلا ماله حق يعدل بهالطريقه..قوليه ليه؟؟

لأن انتو شوفي كم نفر انتي وعيالك يعني شايفتها صح يعاملها هي شخص واحد ويعطيها قد الي يعطيك اياه(هذا ان كان يعطيك) انتي وعيالك ويقول اعدل؟؟؟

مره سمعت فتوى واحد جنسيته سودانيه وماخذ وحده سوريه المهم يقول للشيخ انا زوجتي في السودان واشتغل بسوريا وارسل لزوجتي فلوس تكفيها هي وعيالها..يعني بالسودان ماهنا غلا...واصرف على زوجتي السوريه بشكل عادي يعني الي تحتاجه..بس اكثر لأزم المصاريف هنا اغلا..هل لازم ارسل نفس المبلغ لكلهم؟؟على اساس اني اكون عادل..مع العلم الي في السودان مبلغ بسيط يكفي مصاريفها كلها وما تطلبني شي..

قاله تصرف عليها الي تحتاجه وما تبذخ على وحده واالثانيه لا..وهذا العدل..غير المبيت اقصد

وزوجك مسكنها بنفس البيت!!!!!!!!!!!!!!!!!!!! جد انا مو قادره استوعب..المهم

مسكنها بنفس البيت ويامالك منا لاثاث تتوقعين ذا عدل؟؟انتو ساكنين بنفس البيت طيب..يا اثثه كله زين لي ولها والا خله على حاله وعوظني عن الي انا دفعته فيه


وبعدين انتي تقولين حرمك من ليلتك وذا ابد موب حقه الا اذا طلعتي ناشز وهالنشوز عشانك بعتي الاثاث او صرفتيه؟؟


هذي فلوسك وذا اثاثك تكسرينه تبيعينه ترمينه بالبحر المفروض محد يعاقبك

تصرفك مو من جنون عادي..انتي قعدتي مع نفسك..فكرتي ..انفجرتي وطلعتي كل حرتك..وكان تصرفك في هذاك الوقت مش صحيح بس ما يتفسر بجنونك..البركان الي فيك انفجر..شي طبيعي..انا استغرب انه ما انفجر من زمان..لا تسمعين الاصوات النشاز هذي الي قالتلك عن جنونك

الي ماعاش الي عشتيه لا يتكلم..يا يحاول يعدل الوضع ويساعد والا يسكت احسن

انا ماجيت اخرب بيتك بهالكلام...بس سالفتك غريبه..دوري لها حل جذري وشوفي وين الخلل..يمكن تنازلات انتي ما حسبتي حسابها..يمكن ما اثبتي شخصيتك ووجودك في حياته لدرجه انه قدر يمشي عليك هالكلمتين..اجل هذا عدل؟؟

يصرف عليك وعليها..مو انتي تشترين الشي من حر مالك ويروح يجيب نفس الشي لها وتقولي عدل

طب انت اصلا شريتلي شي عشان تجيب لها نفس الشي..؟؟؟

واذا بينسأل بيالقيامه بينسأل عن هجره لك ماله حق ابد...وين العدل هنا بالله؟؟

يعني هل عشانك ساكته ساكته ساكته ولما نطقتي بأفعالك صرتي من المغضوب عليهم؟؟ووحده خارجه عن المألوف وعقلها صغير وماتقدر تمشي امورها صح؟؟

يمكن عشانك فعلا ما حسستيه بوجوده..مو عشانك تحبينه صار هو مهم عندك لا..

هو رجال..يبي يصرف على حرمه..يبي يحس انه مسؤول..يبي يحس انك تضيعين بدونه..مو مدبره عمرك براتبك فراح يدور على وحده يحس معها انه قادر على انه يصرف عليها

الحرمه تحس انها واقفه مع زوجها لما تجيب كل شي من فلوسها وماتحسسه انهم محتاجين شي..ماتدري انه الزوج يحس بالنقص لو هي سوت كذا..ويدور على رجولته بطرق ثانيه.وهي ياعمري مسويتها خدمه..

هو شايف نفسه الحين على الثانيه..هي طلبته هو..يعني انك زوجي وانت الي تجيب لي..هو فرحان الحين انه يخدم..ونظرته للمسأله غير نظرتك..تراهم يشوفون المسأله من منظار اخر

اهم شي..المطلوب منك مو تتقوقعين مع نفسك وانتي بداخلك حاسه انه فيه شي غلط ولازم يتصلح

بالعكس..انسي الي سويتيه...خلي كل كلامك مع زوجك في هالموضوع من منطلق ديني..وصلي له ان العدل مو كذا

اطلبي منه يابنت الناس ولا تقعدين تقارنين..انتي زوجته ولك حق عليه زي ما هي لها حق عليه..

اقربي من عيالك اقعدي معهم...مالهم دخل يتذببون ضحيه لأنفعالاتك..

لا تبعدين ويصير دورك ملاحظه بس..فلانه سوت..ايه عيالي راحو معها..هو قالها كذا..ترا بتوجعين راسك.".تحــــــــــــــــــــــــــــــــــــــــــــــــركي "لا تحللين الموقف ونتي بعيده..

هي بتصير اذكى منك وتلعبها صح...وبتصيرين انتي زوجه غير مطيعه وام مهمله

بالعكس خلي هالضربه تقويك..اهتمي بنفسك وعاملي زوجك عادي ولاكنك مهتمه...وارجعي مع عيالك زي ماكنتي..خليه يصرف عليك..لا تشغلين بنفسك بأشياء لا تودي ولا تجيب..بعدين تعالي هنا

ما تقدرين تفصلين البيت دورين؟؟لك دور ولها دور..لو قدرتي احسن لك وش لك بوجع الراس ومراقبة الناس

ياشيخه كذا احسن لو جابلها الي جابلها ماتدرين عنهم احسن..يعني وان دريتي وش الفايده؟حرق اعصاب على الفاضي.لا النقاش بينفع والحوار بيصير سقيم ومامنه فايده..وبهالطريقه لا انتي تدرين وش حط وش فعل في دورها ولا هي تدري ..ولا حد يقارن نفسه بالثانيه..واذا هو مقصر ويجيبها اشياء اكثر منك..تذكري انه فيه رب..والانسان بيحاسب على عمله..

اقلبي الطاوله وخليك مرنه في التعامل مع الامور..ترا انفعالك لحالك وسكوتك دايم وكبتك لكل شي وتنازلك هذي اشياء تراكمتك وشوفي وش صار..صرتي انتي الخسرانه..وشوفي وش مببررات الناس لأفعالك..

تعوذي من بليس ياوخيتي ووحاولي ترممين الي انهدم..خليك انتي الصح..لا تسألين وتدورين ورا اشيا بتضيق صدرك على الفاضي..

اختك

الله يكون في عونك أختي ..

اصبري صبراً جميـل .. و مثل ما قالوا الأخوات .. حاولي تتناسين لو ما قدرتي تنسين ..

و اهتمي بنفسك و بعيالك .. و خلي ثقتك بنفسك هي الا تقودك الى انك تصلحين كل شي .. و هو عقابه على ربه ..

و لج تحيتي :26: