أنا ازور اهلي مرة في الأسبوع و ماعندي احد يوصلني باقي الايام واهلي يقولولي ليش ماتجين كل يوم تعبت معاهم افهمهم اني مو فاضية كل يوم اجي ازورهم عندي بيت ومسؤولية ولاعندي شغالة أرميه عليها شغل بتنظف وتطبخ بدالي والشيء ثاني اسهر واتعب بنتي صغيرة ماتنام الا متأخر وبعد تعبانه هالفترة وأنا حامل وتعبانة يالله أقوم بمسؤوليتي ..اهلي مايفهمو كل هذا وينتظرو مني دائم المبادرة والسؤال عنهم ولو سالو عني تكون هوشة وش فيك مختفية لاتتصلي ولاتزوري مايكلفوا نفسهم يطمنوا عن اخباري واختي احيانا تجيلي واتساب تهاوشني ع الاقل كلمي امي يوم ماجيتي اليوم.
وأنا مو هاجرتنهم ياااعالم ازورهم واتصل بس مالحق يومين ماااتصل او ازورهم الا سوو لي مشكلة حتى بالي صار دوم مشغول بهم حتى واحيانا ماركز وأنا مع بنتي ومرة حطت في فمها ريالين حديد شوي وتموت وهم كل همهم ليش ماتجين ليش ماتتصلي! والاتصال بببلاش والله فيه برامج مجانية وهم يعرفوها بس ينتظرو مني المبادرة دائما حتى احيانا أكون تعبانة في المستشفى وهم مادرو عني وبعد كل هذا تجي امي تكتب لي واتساب لاتتصلي ولاتدقي او تحط لي بس فيس ماتكلف ع نفسها تتصل وتسال مع اني اشوفها قبل أتزوج تتصل لخواتي طول الوقت وتسال عنهم وحتى احيانا يكونوا مقفلين جولاتهم ولايردو عليها وتحاول مرة ثانية اما أنا غير محد يسال عن ظروفي ولايطمن علي لاني ممكن تعودت اهتم بالاخرين وصار محد يهتم بي .
يعني احيانا اسمعهم يقولوا فاتني اليوم هالمسلسل يعني عندهم وقت يشوفوا مسلسلات ويطلعوا اما أنا طول اليوم مكروفة طبخ وتنظيف واحيانا عندي موعد مستشفى واحيانا أكون زايرة أهل زوجي واحيانا أكون ازورهم يعني ماني هاجرتنهم ولكن ماعندي قدرة ع الزيارة او الاتصال كل يوم وحتى لاتصلت ماعرف اسولف لاني من النوع اللي مايعرف يتكلم في الجوال وتظل امي ساكته هي بعد مانسولف غير قليل واذا في أطفال اختي عندها تعطيهم الجوال وأنا ماجلة اشغالي عشان اتصل لها اكلمها هي مو اكلم أطفال.
مدري شسوي مع امي يعني أنا مو هاجرتنها ازورهم يوم في الأسبوع واحيانا اتصل وحتى هاليوم اللي ازورهم فيه أكون خلاص تعبانه مرة بيت اهلي ضيق وبنتي صغيرة وكله تحوس واتعب وأنا اجري وراها وأنا حامل مدري كيف افمهما حتى احيانا أكون في مستشفى محد يسال عني انا اللي اتصل اقولهم تعبانه في المستشفى هم لو سالو عني كانت هوشة وينك مختفية لاتتصلي لانكلمي وتدخل اختي الكبيرة في الموضوع ترى امي تحاتي ؟ اقوله ترى أنا مو هاجرتنها ازورهم واتصل مدري كيف افهمهم انفقعت مراراتي من المشاكل معهم أنا مضغوطة في البيت وزوجي من النوع الدقيق اللي يبغى كل شيء مرتب والا يزن ويعور رأسي حتى مرة طردني من المشاكل معاه يقولي انت تبغي تروحي بيت اهلك روحي صار مزاجي جدا سيء من سوء التفاهم مع امي صرت طول الوقت افكر فيها حتى احيانا اطنش زوجي واتكلم معاها في الجوال وزوجي صار يزن لان اهملت البيت واهملت بنتي ونفسي وبس اتحرى الجوال شالحل معها ماعرفت لها،، اختي تسافر تدرس تشتغل ماعمرها نشبت لها زيي بالعكس تقدرها وتخاف منها وتاخذ عيالها حضانة ٢٤ ساعة ولو ماتصلت هي تتصل لها بنفسها؟! الا أنا البطة السودة 😢
( زي ماقلت مو هاجرتنهم ازورهم مرة في الأسبوع واذا ماقدرت اتصل ولكن امي تبغى كل يوم ازورهم ومقدر وهذا سبب مشاكلي معها ...كلمتها وفهمتها ولكن مازالت الفكرة في رأسها حتى قبل أتزوج كانت قالت لي لازم تجي كل يوم أنا بيتي مهو بعيد مرة عنهم لكن مقدر اطلع كل يوم وعندي حساسية بس امشي تشعلل فيني وابتلش ومالها علاج أثناء الحمل) احس اني اختنقت من المشاكل امي متسلطة علي من جهة وزوجي من جهة..وكل واحد يبغى اسوي اللي يبغاه امي تقول ماتصلتي ماجيتي وهداك يزن مانظفتي مارتبتي مازرتي اهلي.. الة مو انسان صرت استغفر الله كيف اتفاهم معهم مدري كرهت الحياة من كثر الضغط ماني مرتاحة فبيتي من زنة اهلي والله مقدر كل يوم ازورهم واكلمهم والأهم اني مو هاجرتنهم صرت مهملة نفسي ومكتئبة وعصبية وأحاول بس ارضيهم رغم الضغوطات عندي أنا حتى وجهي مايمدي اغسله كل يوم 😭
وأنا عندي اكتئاب مع الحمل وماحب اطلع واجد احس بتعب وضيق ومتوحمة ع الناس احس اكرههم وأحاول أقلل زياراتي معهم لكني ماهجرتهم ...وجع يوجع اللي مايفهموا.