نصيحه اكسبيها لا تخسرينها
في بعضهم من اول نظره ترتاحين لهم ويبين معدنهم
و بعضهم سبحان الله تكشين منهم ..
دامك ارتحتي معاها و شفتي معاملتها ويا بناتك زينه
لا تخسرينها جد من كل قلبي اقولك
وربي وربي اعرف ثنتين من صديقاتي خوات من ابو
علاقتهم تبارك الله قويه و السبب امهاتهم
يقولون عادي ولا تفرقه بينا ولا شيء
و اذا الحرمه الاولى مرضت او تنومت بالمستشفى ولاده او عمليه
قامت الحرمه الثانيه في بيت الاولى وعيال المره الاولى
كأنهم عيالها
رغم انه كل وحده منهم في بيت
والبنات يقولون مرات ننام عند بعض احنا و اخوانا
و بيسكنون بيت مع بعض بشهر شعبان هذا . .
والله ماتقولين خوات من الابـو
اسم الله عليهم الله لا يضرهم
حتى كنت اقولهم ماشاءالله عليكم نفسي يكون ابوي الله يرحمه متزوج مره ثانيه
عشان اعيش الجو اللي انتو فيه ههههه
فـ عشان كذا لا تخسرينها و اكسبيها
والدنيـا وشهي ؟؟ كلها صله في الدنيا و بالاخير كل واحد بقبره ويطرد عمله ..
الله يوفقك ويسعدك ويهدي سركم يارب ..

الله رحم بحالك يا ام المصرقعين ضرتك جمالها بسيط وحنونة وكبيرة بالعمر تبي ستر تخيلي لو أخذ صغيرة وملكة جمال وغيرته عليكم

يستحق تشفقين على ضرتك للأنها والله أعلم جالسة تحرق بنفسها حتى ترضيك تهتم بعيالك وتتكلم معك تبي تطمئنك أنا ما بغير عليك زوجك

أتمنى تعذريني يخيتي أنا ما اتمنى تختلطون كثير انتوا الثنتين بنات أصل وطيبات للأن انتي الأولى وأكيد تغاري وأكيد للآن منتي متقبلة زواج زوجك وهي الثانية جالسة نوعا ما تضعف بشخصيتها وتذلها من خلال خدمتها للعيال حتى تتقرب منك

وزوجك مبسوط الله يهديه ويصلحه

ام المصرقعين يالغالية اتمنى تكوني صريحة مع نفسك اذا منتي متقبلة وجودها ببيتك وجالسة تضغطي على أعصابك حتى تستقبليها وتتكلمي معها هذا مش كويس لصحتك ولا لزوجته الثانية اذا متضايقة منها خبري زوجك ما تتقبلي وجودها مش كرها فيها للأن الغيره بقلبك لسى ما طابت

اوك خلوكم حبايب من بعيد لبعيد زوجك لايفررض عليكم انكم تزورون بعض حتى لو هي طيبه وبشوشه البعد عنها راحه

سبحان الله بهالمواقف ربي يربط على قلبك ويجيك هدوء وسكينة ماكنتي تتخيلينها ابداً
سبحانك ربي ما اكرمك