زيـــــــنه على خده وطيبه لجده << مجموعه هروج عن الخطاطيب

السلام عليكم ياخواتي في الله العزيزات

كيفكم من لونكم

يعني شلونكم لا شان لونكم << مع ان هالايام الالوان لك عليهاا

اي ذكرتوني وخيتكم اللي هي انا حفظني الله ورعاني وكثر مني وجعلني ذخرا لكل

أمرأه مسلمه محافظه على بيتها وزوجها ووغدانها << كل هذا بس عشان اثبت لكم اني مرت بيت

المهم ماطولها

انا وش كنت ابي اقول ايه صح اقول تقلقلت

على طاري الالوان والسناعه طايحتن لكم هالايام بالخلطات وصرت مغير بقسم الاناقه


ياعيشتن قشرى ودي بالزين والزين مايبانا .. واحاول ارقع نفسي بس الشكو لله

ذكرني قول الشاعره الله يبيحها

اللي تقول

اللي يبنا عيت النفس تبغيه ... واللي نبيه عيا البخت لا يجيبنه

مع اني ادري ماله شغل بالسالفه لان وجهي وانا امك وجهه بن فهره لا ابيني ولا احدن يباني

وهـ بس ماكسر الخاطر يالله تقاطوا وهاتو لي برجال


المهم نجي للماضوع المهم اللي هو جعلي مافيد فيكم

وهو موضوع (( العــــــــــــــرس ))

وانا وجهي مالي طاري غير العرس .. ا

لله يقلع بليس مغير يوزني كبرتي وامعرستي اللي مثلك عندهم ورعان

ايتها العصله المعصوله مايفكني من شره انام يجيني اقوم يجيني اتغدى القااه بالصحن وين ماغدي هو قدامي يذكرني بالعرس

وصرت ابدن ماخلا من العرس والمعاريس

ابدن مواضيعي ياعن خواتي ولا معاريس ولا خلطات ماطلع منهم

مطولها

اليوم بصير لكم عجوز رقيط وبهرج لكم من هالعلوم اللي تسر الخاطر :42:

وتوسع صدوركم وسالفتن تجر سالفه وهالله هالله ياعبيد الله

ودنا نفلها شوي على قوله اللي يقول (( عجاع وفله جحاج ))

نجي للسالفه الاولى الل تقول

هذا الله يسلمكم واحد قال لمه روحي اخطبي لي ..

قالت : لا ابدن انا ماخطب لك انت مغير تفشلني عند العرب تشوف البنت وماتعجبك وتسود وجهي عندهم

قام الولد ياعزتي له << لو اني داريتن عنه كان قمت وخطبت له نفسي بس ياحسافه ماعرفه خخخخخ

راح الماخوذ لخالته اخت امه وقال ياخاله انا داخل بوجهش انش لا تخطبين لي البنت اللي اباها

قالت ابدن وانا خالتك ولله مايزوجك الا انا

وهذاك اليوم تروح خاله الرجال لعرس وتشوف لكم هاك الغزال الشارد اللي مواصفات الولد فيها بيضه وطويله يعني عنقا والشعر للركب بس عيبها خشمها

المراد وهي تشوف البنت اللي قامت ترقص وطبعا هم طقوا بسمها كامل فلانه بنت فلان الفلاني

وعرفتها الخاله << من من سمعت هالسالفه وانا كل عرس اغني باسمي ودي بحظي

وتقوم الخاله وتسال عنها ومني مناك لين جابت العنوان

المراد ويرحون هي وام الرجال ويخطبونها ويطلبون الشوفه

ويدخل الرجال مع البنت وهو يسولف ويهرج وعلومن تسر

وتقوم امه تقول يالله مشينا

والولد طول الجلسه وهو متصفق وجهه ومعصب

ركب السياره وجلس ينطرهم

وتقول الخاله انا من شفته عصب جتني فيه وجهه تقالب وقام يعطي الوان وانا اللي تفرك كبدي وتولول : لايكون ماعجبته

تقول وهي تفرك كبدها وتدعي الله يقلعني انا وين خطبت له وتحلطم وتبكي ولله ان المواصفات اللي يباها

يوم ركبت السياره وامه تنشده متروعه : علامك

الولد : ابي اعرف انتم وش معجلكم ماتشوفونا جالسين لاوديتكم مشوار مني ولا مناك اخذتم لكم سنه ويوم زانت لي الجلسه قمتي قامت عليكم وشبيتوا علي

هي الخاله سمعت مني انه يبي يقعد وعجبته

تقول وهي تقوم تحب راسه من الفرحه < ماتنلام بغى يفضحهم عند الاجنااب



ذكرني بسالفة هالورع على طاري الشوفه وغيرها هذا الله يسلمكم

في واحد خطب له وحده << سبحان الله

المهم لا تعلقون وهو يوم خطبها راحت البنت تنشد اخوها عن الرجال هاه وش لونه زين مازين

قال : رجال اللي جانا رجال

ونشدت الثاني : قال ونعم

سبحان الله وافقت البنت ودخلت على راجلها وهي يوم تشوف الرجال الا جيكر ماينبلع واقشر شكله << وتقول

وهم خواته يتبكبكون وحالتهم حال

شلون راح تستحمل وخيتهم شكله

سمت بسم الله البنت وقالت دعاء : اللهم اني اعوذ بك من الخبث والخبائث

وتدخل على رجالها

راحت الكبيره معصبه تقول جتني فيك شرجال اللي زوجته اختك

واخواها يقول ولله الرجال اللي جاه خطب : رجال وانا اشهد انه رجال وجانا يمشي على رجلين ماهو عرج وله خشم وعينين نفس الاوادم ماشفت فيه شين اقشر وايدينه صاحيه وله راس وشوارب وش عاد تبون

بس نصيحه مني لكم لا تثقون بخوانكم انتي روحي للسطح وطلي عليه وشوفيه ولا دعميه بسياره كنك ماتدرين ان تهاوش معك تراه طيب وان قال سهالات انحشي عنه أسألو شقيح لي خبره بهسوالف خخ <<اخص يام خبره

الله يستر عليهم يقول المثل زينه على خده وطيبه لجده < وش تبي بزينه جتني فيها

بس على طاري الزين ومازين

ذكروني بسالفه رجال ماشالله صاحب منصب ومال وظيفته حلوه طياار

المراد يوم قال : يمه اخطبي لي قال ابيها كذا وكذا يعني يبي له وحده ماصارت ولا استوت

المراد وتقوم امه عجيز راحت خطبت له وحده مو نفس مواصفاتها

تعرفون العجايز لاشافوا البنت شعرها طويل وبيضه خلاص صارت مزيونه

وتجي عند الولد وقامت ترفع بالبينت فيها ومافيها

والولد يطير قال خلاص تم

راح خطب وعطووه

ويوم العرس يوم دخل عى المراه ولا يشوف له غير اللي تخيله قصيره وبطيطه شوي اللهم صدقت امه بشغلتين شعرها طويل وبيضه

وهو ينصفق وجهه

ابن الحلال طيار يسافر ويطير ويجي مع الشقر والحمر مايبي وحده مش حالك يبي اللي تشلع قلبه

المهم

ويقوم يروح لخواته حتى ماقط بشته


وخواته مستقبلاته يضحكن :: قام حكرهم بزاويه

ويقوم يلسبهم بالعقال من الحره

المهم

ويرجع للبنت فوق اللي تنطره ماتدري وش جاء الرجال

يوم جاء قا لها اللي صار وقال عقب شهر بطلق مابي اضلمك معي وانا مابيك

قالت خلاص

وتجلس شهر وهي ماشالله اخلاق وظفاره وطيب وجيد

ويوم جاء الشهر وتجي تصفط ملابسها وتحطها بالجنطه ويوم دخل وينشدها : وش عندك

قالت : صار لنا شهر

قال لا خلاص اقعدي لين الشهر الثاني

قالت طيب

ويجي الشهر الثاني وتسوي سواتها الشهر الاول

وينشدها وش عندك قالت خلصا

قال يابنت الحلال ماعاد نبي نطلق افهميها

وماشالله كسبت رجالها بطيبها وجيادتها وهلحين جايبه منه 3 ولاد وبنتين << كني اشوف ورعانهم

خخخخ

>> تراها كذوووب بس وللله انها جيده ما قالت لا خلاص مابيك لا اصرت وكسبت الرجال وحلالاه بس لو يرزقني ربي رجال نفس رجالها < وهـ انتي حدك راعي غنم < لا وان جاني ياحظي

المهم

بجيكم عند اخر سالفه

هذا واحد الله يهدااه خطب له بنت عمه ويملك عليها ومابقى على عرسه غير شهر ولا البنت تجيها حاله مابيه طلقوني منه ان زوجتوني ولله لدخل عليه بكفن

واهلها يابنت تعوذي من ابليس

البنت ركبت راسها كرهت الرجال معاد تطيقه

قام الولد وقال نادوها لي وهي تروح له : قال وش جاك
قالت: ولله اني ابيك بس اللحين مدري وش جاني معاد ابك طلقني يارجال اكررهك
الولد: يقلبها مني مناك البنت خلاص جتها حاله

قال خلاص بطلقك بس لا تعلمين احد انك ماتبيني انا بقول اني انا مابيك عشان محدن يقول كرهت ولد عمها فيها بلا ومعاد تنخطبين

قالت خلاص

ويروح الولد لجده قال بنت ولدك معاد ابيها جيكره وبدويه وبوشيتها للركب معاد ابيها << يكذب الا ميت عليها

قال جده وش

قال بنت ولد طالق

ويقومون الناس كلهم عليه اللي مافيه خير الخسيس وكل من جاه وشافه هبااه وتفل في وجهه كرهوه كرهه معاد يحبه احد وكل من شافه قالوا هذا اللي مافيه خير طلق بنت عمه

والمسكين مظلوم

راح ابن الحلال وخطب له وحده وثاني يوم داوم ولا يشوف له رجال جالس معاهم بدوامه عند مكتبه لا يتحرك ولايتكلم
وان قالوا له وش عندك قال : بسيطه بسيطه

راح المسجد الرجال والادمي معااه

دخل الدوانيه الرجال وراه

راح يغسل سيارته وهو يلحقه

وهذا حالته لمده يومين وين ماطس لقااه بوجهه

وش هالبلشه لزقت العنزروت اللي ورااه محقق كونان مو رجال


بعد كم يوم

جاه خبر ان اهل البنت وافقوا

يقول وهو يفرح وياخذ المملك ويروح لبيت البنت ويوم يدخل مع الباب الا جالس هالدامي بالدوانيه

اكتشف بالاخير انه اخو زوجته ومعينيه عليه محقق كونان يراقب حركاته

يشوف الرجال طيب ولا لاع


الله يعينه مقرود لا من زوجته الاولى ولا من المحقق كوناان


فانصيحتي لكن لابغيتم تعرسون دروا هالمحقق يرصد لكم حركات زوج المستقبل


ويالله بس تعبت وانا اكتب ان شفت بوه تفاعل وعلومن طيبه كملت لكم سوالف بمواضيعن ثانيه

بس ياحبذا لو كانت عن العرس خخخخ

وجاااو جااو