...زين الخلاخل والبلاء من داخل ..( ازين ولا ).. الماسة تلبس الماسة ...

بسم الله الرحمن الرحيم


اخواتي بنات منتدى حواء الغاليات .... كيفكم .. ان شاء الله تكونون بصحة وعافية .

عندي كلمتين توزن بالذهب ابهديكم اياها ... الصحة تاج على رؤوس الأصحاء لا يراها الا المرضى .

كلام دايما نسمعه .. بس ما حنا مثمنين قيمته ..


وقيمت هالكلام ما تبان او ما نحس فيها الا بعد ما نخلص من عمل اي رجيم كان وبأي مدة كانت .. يعني بعد ما يطيح الفاس في الراس .. ويتساقط شعر الراس .. ويشهب الوجه .. ويترهل الجسم ويسمر ..وتنعدم الأظافر ... ويصير الارهاق والخمول والدوخة من اهم نشاطاتك اليومية .. هذا زين اذا ما جاء الوحدة فينا مرض لا قدر الله .. يعني تحمد ربها وتشكر فضله اللي ما طلعت الا ببعض المشاكل ..

والنتيجة .. كل من شافك قالك .. يؤ يؤ يؤ يؤ يؤ يؤ يؤ انت وش مسوية بروحك .. صحيح جسمك زان بس ليش كذا صار شكلك ..

الخلاصـــــــــــــة :-

من على هذا المنبر الرائع ... من احلى واغلى منتدى في النت .. اناشد اخواتي في الله الكريمات.... باهمية استخدامهن للفيتامينات والمقويات التي تساعد الجسم على الحفاظ على الخلايا سليمة بدون خلل والحفاظ على جهاز المناعه في الجسم بدون ضعف وذلك في اثناء الرجيم و التخفيف او بدون ذلك ..

يعني المفروض الوحدة فينا يكون استخدامها للفيتامينات بإستمرار وتكون عاده يومية لا تتركها ابدا .. حتى يوم يتقدم فينا العمر تكون الوحدة قادرة على الأقل انها تتحرك .. طبعا كل شيء بيد الله تعالى .. بس ربنا سبحانه قال (( إن الانسان على نفسه بصيرا ).

يا بنات خلو الوحدة فينا تنقص من الشحوم اللي فيها بس ما تنقص من صحتها تكفون ترى الموضوع مو سهل .. وخلونا نلحق على انفسنا قبل ما يفوت الأوان .