سأستقدم خادمه لأول مره فهل تنصحونني بالفلبينيه او السيرلانكيه خصوصا من لديها إحداهما

عندنا فلبينيه وهي ثانيه فلبينيه تشتغل عندنا الاولى كانت ممتازه بشكل ماشاء الله
نشيطه كل شي تسويه بدون مانقول تقوم الوالده الصباح تلاقيها تمسح الجدران وشبابيك لانها مالقت شي تسويه بس عيبها انها بطيئه وتحب انك تقولين لها الاوامر مره وحده ولا تكررينها خاصة قدام الناس عندهم كرامه وينحرجون لو قلتي لها شي قدام ضيوف مثلا ً الاولى هذي جلست عندنا ثلاث سنوات برغبتها ووعدتني اذ ماتزوجت ترجع لنا بس تزوجت هي وخشتها :11: يالله الله يوفقها :)

الثانيه اصغر من الاولى طبعا كلهم غير متزوجات نطلبهم لاننا نبيهم للبيت مو لاطفال
الثانيه اقولك تسمع الكلام ونظيفه ولاول مره تشتغل اول شهرين تعبنا معها شوي علشان الغه خاصة ان الانجليزي معها مو اوكي مره بس ماشاء الله بسرعه عرفت كلامنا السعودي البحت :o

عيبها برضو بارده شوي وبطيئه بس بتقوم من الشغله ضابطتها يعني مو عجلات ولا سريعات بس يضبطون لك الشغل ماشاء الله وهالثانيه ضعيفه وجناحها مكسور مو مثل الاولى

ونرتاح اكثر للفلبينيات لانهم ماعندهم حركات السحر وهالخرابيط الله يكفينا شره
ونظيفات مره ويحبون النظافه ويحبون المدام والبيت النظيف

الافضل عامه تكونين معهم رسميه وجاده مع اي جنسيه كانت وتعودينهم ياخذون الاوامر منك وبس يعني تحس الوحده انك انتي المسئوله عنها وتعطينهم راتبهم بنفسك مو زوجك

بخصوص انهم يرفضون يشتغلون ببيت ثاني لا والله عادي ناخذهم اذ رحنا لبيت اخواني عشا او مناسبه ويروحون للمطبخ يساعدون مع الشغالات الثانيات عادي ونقولهم شيلو وحطو وعادي جدا ً مايرفضون ولا يخطر على بالهم اصلا ً دام الي طلبت منهم هي المدام حقتهم :D

واخيرا الشغالات حظوظ ربي يرزقك شغاله تخاف ربها ونظيفه ومطيعه يارب ,, وبالتوفيق :26:

..

.

بخصوص حبهم للاطفال بالعكس خاصة الثانيه تموت بشي اسمه اطفال بس ماهي محصله انا اصغر وحده بالبيت :D

بس شوفيها إذ جاو اخواني وزوجاتهم واطفالهم تنسى المطبخ والبيت كله تشيل هذا وتاكل هذاك وتضم هذا هذا وهي لسا مو متزوجه ولا عندها اطفال :)

..

.

انا ارشحلك فلبينيه
عندنا ثنتين ولا اروع
يعنى ان جيتى نظافه ... فهم نظاف فى شغلهم وقبل كذا فى نفسهم
ماعمرى شميت منهم الريحه الشينه
ويحبون التروش ...
ومن ناحيه البيت الى ترغال الستاير يفكونه ويغسلونه وبيت الخداديات
ويلبسون المخاد قطع عشان ماتخيس .. يعنى تحسين بهم سنع ...
وبعدين حركات وذربات ولا يتخلقنون ...
والحلو فيهم انهم يتعلمون بسرعه ...
وبالعكس خالتى تكرفهم ببيتها وبيت بناتها ولاتقول الوحده منهم بم !!
ومن يقولك انهم يمشون اللى براسهم !!! او انهن شايفات حالهن؟؟
وانا من رايي زى ماقالت المتغليه
انه لازم تعاملينهم برسميه ... يعنى عطيهم حقهم وخذي حقك بالكامل ..
وعوديها تشغل فراغها بشي مفيد .. ياتسوى معجنات وتفرزنها
ياتنكش المخاد وتغسل القطن ...
ياتطلع اللى بالدواليب وتبدا ترتب
ونصيحه خلك حولها وهى تشتغل ... عشان مايجي يوم وتلاقينها تخبى الكنيس تحت
السجاده !!!
ولاتعطينها مجال تطق حنك معاك ...
او تسالينها عن وش سوو ال فلان ولا وش تقول شغاله ال علان (اسفه على الكلام هذا)
لانك بكذا تفتحين لها باب تدخيل العص فى الشي الذى لايخص

وسلاااااام ياقموره

هلا وغلا والله انا اليوم امي داعية لي مرتين دخلتي لي يالمتغليه
والله يالغاليه اكره الأندونيسيات مرررررررررره عشان السحر والقرف الجنسي
اللي بهم الله يعطينا خيرهم ويكفينا شرهم
والف الف شكر على التشريف

شهاليل
الف الف الف شكر يالغاليه
كلام من ذهب وبديت اقتنع
بس ودي البنات بعد يفيدوني اكثر
وياليت تقولين لي من اي مكتب تستقدمون