اختكم هبه
والله انا سعيده جدا
لانك بنت بلادي
ربنا يحفظلك بنتك يارب و يرزقك بالذريه الصالحه
و يحفظ لك كل غالي عليكي

حبيباتى



واحة القرآن


هديل الحياه


ودعت جرحى للابد


ام نسيبه


فراشه


دارى بوظبى






اشكركم على حرصكم ومتابعتكم لموضوعى



والذى ادعو الله به ان يجعله فى ميزان حسناتى



وان ينفع به كل من قرأته او ردت عليه



وادعو الله الكريم العلى الكبير



ان يرفع كل من رفعت موضوعى الى اعلى الجنان



وان يرفعها فى الدنيا والآخرة



وبارك الله لكم جميعا وبارك فى اولادكم



وادعو الله ان يرزقنى الاخلاص وان يعينى



على الاكمال ...



واشكركم على دعواتكم الخالصه



التى اثرت فى ..





احببت ان اوضح نقطه .. هى انه ليست كل الحوارات



حقيقيه ..بل ان منها ما أثيره امام ابنائى



ليعملوا عقلهم ولتثبت عقيدتهم ... وجزاكم الله خيرا كثيرا


كثيرا كثيرا

المرة دى الحوار بشكل مختلف ...

الام هى اللى هابدأ اسأل ..::

ازيكم يا حلوين ..!!

النهارده

عاوزة اعرفكم مين ربنا يا اولاد

الام : مين يعرف ربنا ؟؟



الاولاد : مين ربنا يا ماما ..؟

الام : ربنا هو اللى خلقنا ..

الاولاد : خلقنا ازاى .. يعنى ايه كلمة خلقنا ؟؟

الام : خلقنا يعنى صنعنا .. يعنى خلان نكون موجودين


هاعطيكم مثال :

شفت اللعبه اللى عندك ... مين عملها وصنعها ..؟؟





الولد-1 : ما عرفش .. مين يا ماما ..؟؟


الام : فيه شخص (راجل ) عنده مكان يعمل فيه اللعب دى

ويصنعها ويركب القطع بتاعتها ...

ربنا ياحبيبى هو اللى صنعنا .. لكن نقول خلقنا

لان ما فيش حد بيخلق .. ربنا هو بس اللى بيخلق..



الولد -2: يعنى هو خلقنا ازاى ؟؟

الام : خلقنا من طين ..؟



الولد -1: ازاى يعنى ؟؟



الام : اول ما ربنا خلق الكون ..وخلق السموات

والارض والماء والملائكه والجان والشيطان

اراد سبحانه وتعالى انه يخلق الانسان ...

قال الله تعالى : (ولقد خلقنكم ثم صورنكم ثم قلنا للملائكة اسجدوا لآدم 11)
سورة الاغراف


( واذ قال ربك للملائكة انى جاعل فى الارض خليفه 30)
سورة البقره

يعنى هو بلغ الكل انه عاوز يخلى فى الارض


خليفه يعنى واحد يكون فيها يعبده فيها ..

وبعدين خلقه من طين .. وبعدين نفخ فيه من روحه

سبحانه وتعالى ...


الولد -1: ازاى خلقه من طين .؟؟


الام : لما بتروح البحر ممكن انك تعمل اشكال

من الرمل هناك صح ؟؟



الاولاد : ايوه ..صح ..


الام : اهوه ربنا بأه خلق سيدنا آدم من طين

وبعدين دفع فيه الروح .. فتحرك وصار بشر ..


الولد -2: مين اين جت الروح .. ازاى يعنى ؟؟


الام : ربنا قلنا انه حط فيه الروج وامرنا اننا مانسألش عنها


قال الله تعالى :
( ويسألونك عن الروح قل الروح من امر ربى وما اوتيتم

من العلم الا قليلا 85)
سورة الاسراء


الولد-1 : ليه ما ينفعش نسأل عنها ؟؟



الام : عشان ربنا امرنا بكده .. وامرنا اننا نتوقف عن السؤال عن الاشياء

اللى عقلنا لا يستطيع ادراكها .. زى الروح كده
و

ان مهما اتعلمنا ، مش هانقدر نوصل لحقيقة الروح

لانها امر بإيد ربنا بس ..




الام :بعد كده ربنا خلق امنا حواء من ضلع سيدنا آدم



الولد-2 : ازاى .. من فين اتخلقت يعنى ؟؟


الام : من ضلع كتفه


الولد-1 : شكله ايه ؟؟

الام : ده شكله ..



الام : يعنى فى ضلع اعوج عند سيدنا آدم

ربنا خلق منه أمنا حواء عشان يجيبوا اولاد

ويكون فى ناس كثير اوى

ولولا سيدنا آدم وامنا حواء

ما كنش بقى فى ناس ولا انت ولا انا كنا جينا اصلا ...



الولد -2: يعنى سيدنا آدم وامنا حواء هما اللى جابو الناس دى كلها


الام ( مبتسمه ) :

طبعا لاء .. ربنا زوجهم ووضع فى بطن أمنا حواء نطفه من سيدنا آدم


وبقى ليهم اولاد

والاولاد تزوجوا وانجبوا اولاد

وهكذا ...



الولد-1 : ازاى ربنا وضع النطفه فى بطن أمنا حواء



الام : قال الله تعالى فى سورة المؤمنون :

{{ ولقد خلقنا الانسان من سلالة من طين }}

يعنى ربنا خلقنا من خلاصة الطين .. يعنى نوع معين من انواع الطين

{{ ثم جعلنه نطفة فى قرار مكين }}

النطفه اللى ربنا خلقها زى كده



الولد -1 : ازاى النطفه دخلت جو بطن الام ؟؟

الام : ربنا اراد انها تتوجد لما تتزوج ..

الولد-2 : يعنى ازاى بتدخل ؟؟

الام : زى ما قلت لك الروح ما ينفعش تسأل عنها

كمان فى اسئله ما ينفعش تسأل عنها دلوقتى

لانك مش هاتستوعب اجابتها

اعرف ان ربنا بيدخلها بطريقه احنا نفسنا ما نقدرش نعرف

ازاى بتوصل ..

والقرار المكين اللى هو بطن الام ربنا جعلها مكان آمن للطفل

الولد -1: طب وبعدين ازاى بيكبر ؟؟

الام : ربنا قال

{{ ثم خلقنا النطفة علقه }}

زى كده



ربنا بيخليه يكبر جو بطن الام

الولد -2 :يعنى لازم تاكل كويس عشان يكبر .. صح ؟؟

الام مبتسمه : طبعا لازم الام تاكل كويس عشان يكبر ..

نكمل ..!!؟؟

الاولاد : كملى يا ماما ..

الام :

قال الله

{{ثم خلقنا النطفة مضغه}}

مضغه زى كده



الاولاد فى صمت وتركيز

{{فخلقنا المضغة عظاما }}

يعنى بداية تكوين العظام هاتكون زى كده



الاولاد : طب مش شايفين عظام يا ماما

الام : ممكن تكون الصورة مش واضحه لكنها موجوده ..

الاولاد : كملى كملى .. ياماما ..!!

الام : اكمل الله قوله قائلا

{{ فكسونا العظام لحما }}

وبعدين بتكون صورته كده

لما ربنا يكسو عظامه لحم



قال الله تعالى :

{{ ثم انشأنه خلقا آخر فتبارك الله احسن الخالقين }}

14 سورة النور

وفى النهايه بتكون صورته زى كده




الاولاد متلهفين للحوار:

ماما .. ماما ..

الام : واحد واحد ... بالدور ..

اتكلم انت يالاا..

الولد-1 :
ماما ده شكله غريب اوى

هو ايه اللى بطنه ده ..؟؟



ده الحبل السرى اللى بيوصله الاكل من مامته اليه

شفت ازاى ربنا دبر حياته ورزقه جو بطن امه ..

الولد -2 : يعنى ايه حبل سرى ؟؟

الام : شفت السرة بتاعتك ..!!

الولد2: ايوه

الام : دى كانت حبل طويل ممتد بينك وبين بطنى

انا من الداخل .. ولما نزلت قصوا الحبل

والدكتور ربط سرتك ...



الاولاد : ليه قصها :

الام : عشان ليك فم تستخدمه

عشان تبدأ ترضع من ماما

وبعدين تاكل وتشرب

لان مرحلة الطفل جو بطن الام

صعب انه يرضع او ياكل جوه

عشان كده ربنا خلق له حبل سرى

داخل الرحم

وخلق له فم يستخدمه لما يخرج من بطن امه


اكمل لكم بعدين ... شكلكم تعبتوا

سلاااااااااام