لولاتو2002 :

معليش خبلتكم أخرج من موضوع وأدخل في موضوع بس أستحملوني على قولهم أنا دقه قديمه وحبيت أفضفضلكم وأخرج ألي في قلبي وأفيدكم بألي أعرفه وأتعلمت وأستفدت منه لوجه الله تعالى ويشهد الله بألي في قلبي لكم من محبه وخير ويديني على قد نيتي ويديكم على قد نيتكم على قول ستي أم بابا الله يديها الصحه والعافيه ويطول في عمرها أستفدت منها كتيروأعتبرو كلامي فاصل إعلاني .. مو مشكله التظفير في المنتو أنا أعرف أنو مو الكل يقدر يضبط الظفيره بس مع التكرار حتتقنوها أن شاء الله .. وأفتكرت وأنا بأكتب الموضوع كنا كل يوم خميس لازم نتغدى في بيت ستي أم ماما رزبخاري ومنتو أحياناً شوشبره بس كانت ستي الله يرحمها تصحي البنات كلهم ألي بايتين عندها وتخليهم يغسلو يدينهم ويقصقصوا أظافيرهم لانها ماتحب اللغوصه وكانت الله يرحمها تعلمنا التظفير أنا وأختي وبنات خالاتي وخيلاني وياويلها ألي تغش ولا ألي تزمزمها ولا ألي تعوج الظفيره ويا ويلاها ألي تقول ما أعرف ولا ما أبغ أتعلم و كانت تقول الله يرحمها بكره أن شاء الله لما تتجوزو مافي يماما أرساليلي طبخ تطبخو بنفسكم وأتعلمو دحين أحسن ماتندمو بعدين وتقولو ياريت لو تعلمنا.. بليز لوسمحتو من الكل يترحم عليها ويدعيلها وأحنا في هذا الشهر الفضيل روحها أشتهت الرحمه ماتت ليله رمضان وأنا ماشفتها كنت هنا في أمريكا كنت مره أحبها ولما ماتت وأنا في الغربه زاد حبي ليها من كل ألي قالته وتعلمته منها وفادني في حياتي .. بس عن جد فيها البركه مشاء الله بس الأربعه كاسات دقيق ساوت الأربعه طبقات من قدر المنتو وزاد منتو ففرزنته يفك أزمه وقت الحاجه تابعوني وشوفو كيف طريقتي الخاصه في فرزنه حبات المنتو وأحتفظت بيه حبه بحبتها وبظفيرتها. خلص الفاصل الإعلاني نواصل موضوعنا.. يتبع

معليش خبلتكم أخرج من موضوع وأدخل في موضوع بس أستحملوني على قولهم أنا دقه قديمه وحبيت أفضفضلكم...