طريقة أخرى الخرشوف بالزيت سهلة جدا

نقطع الخرشوف مكعبات و نقليه بزيت الزيتون حتى ينضج ثم نضع له الكزبرة الخضراء المفرومة و الثوم المدقوق و نتركها قليلا و بس
ما في أسهل من هيك

و تؤكل بالخبز

الله الله عليج كل وصفه اسهل من الثانيه
تسلمين حبيبتي وتسلم ايدج

ومشكووووووووووووووره

ريد طريقة عمل اكلات سورية زى الانجينار والملوخية الناشفة وغيره كل اللى يعرف يطبخ سورى يبعتلى الطريقة من فضلكم .
فى انتظااااااااااااااااااااركم:11: :11: :11: :06:

مرحبا يويوبيبي
سأبدأ لك اليوم بالملوخيه وبكره إن الله راد بكمل بالأنكنار
نقي الملوخيه من الشوائب اللي ممكن تكون فيها والشعر والعود اللي ممكن تكون عالقه بطرف ورقة الملوخيه الخ وهي موجوده في الملوخيه الناشفه اللي من بره اما اذا كانت شغل بيت بتكون انظف .
ضعي الملوخيه في زبديه او وعاء كبير وصبي عليها ماء ساخن مو ضروري عم يغلي بس يكون ساخن ما بتقدري تحطي ايدك فيه .لما تصبي عليها المي السخنه بسرعه بتصير طريه ارمي الماء الساخن واغسليها بسرعه بماء بارد عدة مرات وبعدين اعصريها بين ايديكي جيد جدا وقوي قلبك لا تخافي لأنها طريه ما بيصرلها شي اعصري بحيث تزيلي المي للي فيها.
بعدين حطي السمنه بالطنجره واحميها وفرفطي الملوخيه وسقطيها فيها والسمنه لازم تسخي فيها شوي لأنو الملوخيه تعتبر اكله دسمه وخليك عم تقلبي فيها حتى تتقلى بشكل جيد وتصير غامقه ومكرمشه شوي والعرق اللي فيها يصير لونه زهر .
بعدين زيديلها مرقة اللحم او الدجاج الساخنه للي سلقتيه مسبقا(بدون اللحم) والملح حسب الرغبه وبس تغلي خففي عليها وغطيها حتى تستوي .. المرقه المضافه لا تغمر الملوخيه تماما ولكن تقريبا. في ناس بيحبوا الملوخيه ناشفه وناس تانيين متل صاحبتي من حلب تساويها بمرقه العاده بتسبح سباحه الملوخيه فيها .عن نفسي انا بعملها بشوية صوص فيها يعني لا ناشفه ولا عم تسبح وكل واحد حسب مابيرغب.على كل حال الملوخيه رح تتشرب من المرقه وجزء رح يتبخر وانت شوفي كيف بتحبيها تكون ناشفه او بصوص. طبعا طلي عليها كل فتره وفتره وقلبيها حتى ما تلتطق واذا نشفت مرقتها ولسه ما استوت زيديها. انا بلاقي انها بتاخد وقت طويل اكتر من ساعه لذلك بضغطها بطنجرة الضغط حوالي 25 دقيقه يمكن اكتر او اقل حسب نوع الملوخيه والطنجره انت افتحي عليها وعاينيها لازم تكون صارت مستويه وما بتعلك.آخر شي بس تستوي ضيفيلها كزبره خضرا مفرومه وتوم مدقوق الكميه طبعا حسب كمية الملوخيه اللي عاملتيها. وخليها شي 5 او 10 دقائق اضافيه على النار ليستوي التوم.والريحه الحلوه رح توصل لآخر الشارع.
التقديم حطي الملوخيه بطبق تقديم وغطيها بقطع اللحم او الدجاج مسبق السلق ورشي علي الوجه لوز مفصفص ومقلي وقدمي معها قطع الليمون للي بيحبها مع الليمون . يؤكل الى جانبها رز مفلفل .وبالهناء والشفاء. طبق سهل ولذيذ جداجدا وبياخد سوية وقت.
سامحيني يويوبيبي وقتي شوي ضيق اليوم بس بكره بكملك ان شاء الله.

آسفه يويوبيبي تاخرت بس والله مانسيتك.. الأنكينار الآن
وهو طبق سهل جدا ولذيذ وله عده استخدامات كالآتي
انكينار محشي:
يجهز الحشو وهو عباره عن بصله مفرومه تقلى ويضاف اليها اللحمه المفرومه تملح وتبهر حسب الرغبه وآخر شيئ يضاف الصنوبر المقلي .
ترص قطع الأنكينارفي صينيه بعد غسلها جيدا ان كانت معلبه او مثلجه ويغطى وجهها بالحشو يضاف في الصينيه ماء وملح وقليل من عصير الليمون وتوضع في الفرن حتى ينضج الأنكينار انتبهي ما تنشف المي وممكن تغطيها بورق قصدير اذا خفت اللحمه تنشف واكشفيها بالآخر.تؤكل مع رز مفلفل.
الطريقه الثانيه:
يقطع الأنكينار اربع ارباع وتقلى بالسمن ثم يضاف الى اللحم الموزات السابق السلق . اضيفي له الثوم المدقوق وقليل من عصير الليمون حسب الرغبه ويؤكل ايضا مع رز مفلفل.
ممكن ايضا وضع قطع الأنكينار كفرشه تحت ورق العنب وهي لذيذه جدا معه.
او ببساطه اضافة قطع الأنكينار المقطعه الناضجه الى السلطه وهي ايضا لذيذه جدا.
هذا ما حضرني واذا احتجتي شيئ آخر قوليلي وان شاء الله احاول المساعده ان استطعت وبالهنا والشفا.