السلام عليكم ورحمة الله
اهلييين بأخواتي.. اول مره أقرأ الموضوع وتفاعلت معه فقلت..
ابستعرض لكم تجربتي .. فأنا متخرجه من خمس سنوات .. جلست بالبيت ثمان شهور ..كانت عاديه بدايتها بس قدمت على المدارس الاهليه اللي حولنا لإن شفت اغلب البنات قدموا... اغلب زميلاتي توظفوا وانا صديقتي ماتوظفنا فصار الوضع عندي عادي.. لكن بعد رمضان .. بديت اطفش وتتعب نفسيتي... لكن مايأست كنت ادعي ربي بشكل مستمررر وربي مايخيب رجاء عبيده
بعد الحج وظفوني مدرسه اهليه صغيره اداريه براتب 1500.. جلست فيها اسبوعين وكلموني مدرسه اهليه ثانيه من اكبر المدارس الاهليه بالرياض ورحت لهم واشتغلت عندهم مدرسه براتب 2500 وجلست عندهم ثلاث سنوات... وابقولكم شي .... شفقتكم على المدارس الاهليه بتخليكم تكرهونها ولاتعتبون عليها... تدرون ليه؟؟
انا مدرستي راقيه وهذا اللي صبرني عليها كل هالوقت لإن تعامل الاداره حلوووو.. لكن البنات متعبات بشكل ... كل يوم لك قصه معهم .. واحيانا احلم فيهم وفي حركاتهم بالفصل،، الاحترام منزوع الله المستعان... احس انها اهتزت ثقتي بسببهم الله يصلحهم يحسسوون الوحده مالها شخصيه .. مع اني بالتطبيق العملي اخذت ممتاز والدكتوره تثني دائما امام زميلاتي لجودة ادارتي للفصل بس طبعا كانت مدرسه حكوميه...
استقلت من مدرستي بعد ماحسيت اني تآكلت من التعب كل سنه النصاب 22 حصه ولاعلاوات ولايحزنون زيي زي الموظفه المستجده
قررت هالسنه ادخل دار تحفيظ ... احفظ كتاب الله اللي كانت امنيتي من زمان << وانصح الجميع يبادر بهالخطوه،، من فضل الله ان دار التحفيظ طلبوني اشتغل معهم مشرفه (ويرزقهم من حيث لايحتسب) .. لكن تدرون على اني موظفه الآن الا اني بكل يوم اتغبط الحافظات وهن يدخلن الحلقات ويسمعون آيات الله ..هو الربح والسعادة حقا
وانا سألت كم وحده من البنات بعضهم متخرجين من الجامعه وبعضهم ثانوي.... يقولون وناسه مررره طبعا الدار صباحيه الدوام ساعتين ونص يجون يقرون ويحفظون ووقت الفسحه قهوه وحلى<< اهم شي خخخخخخخخخخخخ
زين طولت عليكم .. الله يحفظ الجميع ويرزق الجميع ماتنوله انفسهم

الله يرزق كل وحدة على قد نيته

بدى تقديم عندنا في مكتب الاشراف التربوي من يوم السبت بس يقولون كل المناطق طالبين الاقسام الادبيه والعلميه ماعدى مدينتنا طالبين علمي وطالبين حاسب الي اداريات رسميات ومعلمات حاسب

وانتم وش اخبار المناطق الي انتم فيها صار عندكم تقديم والا لا
بس ادعو ربي يوفقني بالوظيفه الي طلبتها انا قاعده اللح على الرجال الي وعدني ويقول ابشري الله يسترر منه شكله يلعب علي له 3 شهور يماطل يقول لين تنزل الميزانيه

http://www.moe.gov.sa/openshare/moe/index.htm?MfcISAPICommand=Search&IGO_LANGUAGE=Arabic&IGO_QUERY=&IGO_SORTINGFIELD=&IGO_GROPINGFIELD=&IGO_SORTINGORDER=&IGO_RESULT=moe+Default+Result+Template&IGO_+ERROR=moe.htm&searchbox=%C7%E1%E6%DE%CA