كوب دقيق منخول
ملعقةكبيره نشامملؤه
ملعقة كبيره حليب نيدومملؤه
ملعقةكبيره سكرمملؤه
ملعقه كبيره خميره فوريه ممسوحه
ملعقه كبيره زيت عافيه
نص ملعقه صغيره ملح
أقل من الكوب ماء

الطريقه:
تخلطين المقادير ما عدا(الخميره والسكر والماء) وتاخذين من الماء ربع كوب (ويكون دافي مو حار وتذوبين فيه الخميره والسكر مع بعض لانه والله اعلم ان السكر يخلي الخميره تذوب بسرعه وهذ اللي لاحظته)وبعدين تصبين الماء هذا على الدقيق وتخلطين بخفاق يدوي،وتضيفين بقية الماء شوي شوي مع الخفق الين تجيك عجينه سايله وثقيله مره وتخمرينها ساعه بعدين تحمين الزيت شوي وتحطين مويه في وعاء عندك علشان تغسلين يدك كل شوي ولا تلزق العجينه بيدك(وكل شوي اعجني العجينه بيدك)والنارعاليه ولا خلصتي المقدار في المقلاة قصري النار وحركي على طول ولا توقفين لين تشقر اللقيمات،ونصيحه لا تغطين اللقيمات بعد كذا عشان تحافظ على شكلها ولا تنكمش .................وانشاالله فهمتي علي لاني عمري ما ضبطت اللقيمات معي الا بهالطريقه (ماخذتها من المنتدى من زمان)وبالعافيه مقدما وكل عام وانت وبخير:26: :26:

مشكورات حبايبي

ويعطيكم العافيه

وراح اجرب الطريقتين واشوف :)


مشكلتي ان شكلها ما يطلع حلو يعني مكوره ومتساويه وكبر بعض وحده صغيره ووحده كبيره


وطيب لقمة القاضي الجاهزه ما تنصحوني فيها؟؟

هذي اللقيمات سويتها ولكل كان يسالني عنها فظيعه وتبيض الوجه ونصيحه الي ماتعرف اللقيمات تسوي هذي الطريقه

maram124

ننطر منج الطريقه عزيزتي

وياليت تقولين لي اشلون اصبها وتصير مكوره وكبر بعض

:)

اولا الله يلحقنا خير
ثانيا جربي عرق الحلاوه في عجينتك انا اخذته من وحده من الاخوات في المنتدى ومن بديت استخدمه ولقيماتي صايره رهيبه الكل يسال عنهااا مقرمشه وطعمه وانا ماعندي مقدار معين بس المهم انهاا ماتخلومنه وتلاقينه عند العطاااار
بس اذا نفع تدعين لي ولوالدي ولصاحبة الخلطة والمسلمين اجمعين