سؤال عن مستشفى الاطباء المتحدون؟

للرفع

معليش اختي شكلك مستعجلة وتوي اشوف موضوعك فلما شفتك اون لاين قلت ارد عليك بسرعة قبل لا تطلعي

صراحة الاطباء المتحدون وارفعي يدك
مستشفى ممتازة بكل ما تحتويه الكلمة من معني طبعا في النساء والولادة غير كدا مااعرف
عندهم دكاترة ممتازين
انا اراجع عند بسنت جدا حبوبة
امال شبكشي حبوبة بس احس انها غريبة شوية
يعني انا رحتلها لما كانت بسنت في اجازة تخيلي ما قريت الملف
وبدأت تشوف بالسونار وتقولي الحمدلله البيبي كويس وخلاص تبغى تقفل قلتلها ترى في واحد تاني
تقولي متاكده؟؟
إش متاكده جايتك وانا اخر الرابع ومسوية اشعة رباعية وتقولي متاكده
وغير كدا انا قعدت اطلب منها تشوفلي نتايج التحليل اللي عملته وطلع عندي التهاب في البول والله لو ماقلتلها كان قعدت بالتهابي والله ستر ما جاني طلق مبكر بسببه

بس يمكن لأني مو مريضتها وهي عارفة اني جيتها عشان دكتورتي مسافرة ما اعرف بس انا دافعة 150 قاحوش كشفية وفي النهاية اضريت بعدها باسبوعين اروح لبسنت لما جات وادفع تاني

عموما هم عندهم برنامج للمتابعة والولادة جدا حلو
بكملك عن البرنامج في رد تاني عشان تلحقي تقري كلامي قبل لا تطلعي

شكلك طلعتي
المهم
انا انصحك ببسنت صحيح ما عمري ولدت عندها بس مدحتها صاحبتي في الولادة

وامال شبكشي ما ابغى احمل ذمتي لو ارتحتيلها روحيلها مرة حبووووبة انت جربي وشوفي


طيب البرنامج من رد سابق لي في موضوع آخر
ولو عندك اي استفسار انا حاضرة

جزاك الله كل الخير عزيزتي على تجاوبك السريع
فعلا انا لمن رحت لآمال مااعرف حسيت انها مااهتمت كتير بي مااعرف ليش امكن علشان جيتها متاخره أقصد في الشهر السادس انا نفسي احد يقولي ولد عندها وكيفها طيبه ولا لأ
انا مارحتلها غير وحده مره بس والله يستر شايله هم قالت تاعليلي بعد أسبوع وماني عارفه اروح لها ولا أغيرها هي صح حبوبه لكن هناك أشياء اهم من كونها حبوبه انا مااحسها قعدت على السونار غير دقيقتين ومره عصبيه وغير كده مااعرف نفسيا ماارتحت لها كتير لكن ما باليد حيله
ماني عارفه فين اروح
انا ولداتي السابقه كانت في أمريكا وصراحه المعامله مره فرق
الله يستر ويتتم لي على خير انا مره قلقانه ومضطربه ونفسي وحده تريحني مره وتقولي وحده شطاره ولدت معاها وكانت حنونه ؟
وبصراحه حسيت انه ف الاطباء اسعارهم غاليه

الاطباء المتحدون
رووووووووووووووعه وما عليه كلام
وافضل من فقيه بألف مرررررررررررررره

ممرضاتهم عسل وتعاملهم مره طيب

انا جربت عندهم كثير
وافضل شيء د/ صباح حداد ما شاء الله عليها حريصه مره ومخلصه جداً
وحتى د/ بسنت حنونه مررررررررررره
وصديقتي مدحتها بالولاده وحتى الخياطه

موفقه ان شاء الله يا عسل