تأخرت عليكم...
رحت اليوم للمستشفى عند الطبيبه بسبب ألام البطن و زوجي كان قلقان و اخذني غصب :(
المهم سوت لي تحليل بالدم للحمل و طلع سلبي و عطتني حبوب عشان تنزّل الدوره و عطتني حبوب ثانيه عشان تنظيم الدوره وتقول بما ان الدوره تأخرت هالشهر و الاختبار طلع سلبي معناته ان الدوره تلخبطت و تحتاج تنظيم...

بصراحه خايفه استخدم الحبوب اللي تنزّل الدوره... لأني أخاف يكون فيه حمل و ما بان الحين و استخدم الحبوب و تسبب لي اجهاض مثل وحده من البنات قريت لها موضوع هنا في المنتدى.... شرايكم آخذ الحبوب و الا انتظر؟!!! واذا رايكم انتظر, كم يوم زياده لازم انتظر عشان اعيد التحليل مره ثانيه؟!!...

عزيزتي *أم ميعاد*
كلام الطبيبة صحيح واصلا لو في حمل راح يظهر في نتيجة الدم من حصوله بعد 7-10ايام وهو دقيق 100%ومعنى انه كان سلبي بعد تاخر الدورة عنك كل هذه المدة انه لايوجد حمل وانصحك بالاخذ بنصحيتك طبيبتك اكثر لانها المتابعة للحالتك وانشالله خير خذي الحبوب لتنزيل الدورة واتنظمي على المنظم والكلوميد وانشالله خير يالغالية ......:26: :27:

مشكوره يا عمري يا سلسبيل الله يرزقج بالذريه الصالحه يا رب...
حبيبتي في وحده من البنات سوت تحليل بعد 10 ايام و طلع سلبي و بعدين طلعت حامل ومادرت الا لما سقطت...
واختي نفس الشي تقول ان الدوره لما تأخرت عليها اسبوع سوت تحليل حمل و طلع سلبي و انتظرتها كم يوم و سوت طلع ايجابي...
بالنسبه لي انا عارفه ان ما كو حمل مافي شي يأشر لحدوث الحمل الا بقدرة الله سبحانه و تعالى يعني المشاكل اللي صارت لي في فترة الاخصاب و التبويض تؤشر على عدم حدوث الحمل و ابشرك نزلت علي اليوم الدوره :D
هههههههه كأنها بس تنتظرني اسوي التحليل... هذي ثاني مره تسويها فيني اول مره سوتها اول ما فكرت احمل و الحين هذي ثاني مره بعد 5 شهور يعني بس ناويه تفشلني هههههههههههههههههههههه

المهم ما اخذت الحبوب كنت انتظر ردكم بس الحمد لله نزلت من نفسها... الحين ابي اعرف شلون استخدم المنظم؟!!
هي قالت لي 1 حبه يومياً لمدة 21 يوم... بس هل هو من أول يوم للدوره؟!! و الا من متى بالضبط !!!

يا اختي ما عليه..إن شاء الله تكون آخر دورة وما تشوفينها إلا بعد تسع شهور بحمل يارب..
ترى إلي يصير لك نفس إلي يصير لي مرااات..تتاخر عندي الدورة أسبوع - 10 أيام..
ولما احلل دم تطلع النتيجة سلبية وبعدين تنزل لي بنفس اليوم...تفشلني جدام ريلي والدكتورة...
وسبحان الله لما أقتنع إني مب حامل تنزل الدورة...
الله يعوض صبرنا خير ويرزقك ويرزقنا جميعاً بالذرية الصالحة...
أهم شيء تكون نفسيتك زينة...
تحيتي لك :26:

تسلمين لي يا عيوني الأريج...
الله يسمع منج و يرزقنا جميع يا رب العالمين...

حبيبتي لا ابشرج النفسيه اوكي لأني كنت حاطه في بالي من الأول مافي حمل بس كنت اتأمل ان اعتقادي خطأ بس ما زعلت و الحمد لله على كل حال... انا الحين متحمسه للعلاج حق تنظيم الدوره مع اني اعرف ان الوحده اذا استخدمت منظم الدوره ما تحمل مثل ما قالت لي الدكتوره... صحيح يا بنات :D

الله يعينا مع هالدورات لازم يفشلونا قدام ازواجنا حسبي على شرها من دوره ههههههههههههه