والله استغرب اذا شفت عروس تشي

الصراحة هل هي ثقة زايدة بالنفس

ولا لامبالاة

طبيعي تكون متسحية وخايفة شوية

الصراحة يوم اتخيل اني بكون في هالموقف بطني يعورني

تراني خوافة

احسن شي اتدش العروس وتمشي وتمشي اشوي اشوي واذا حبت اتوقف عقب كل خطوة بعد زين وتطل اشوي بكل جسمها اشوي يمين واشوي يسار وتكون مستحية بس مو مستحى مزيف لانه هذيج الساعة اتكون العروس موب حاسة بعمرها اتشوف الناس الكل عيونه عليها وتشوف الدرب جدامها طويل تستحي غصبن عنها احلى العرايس اللي فيهن مستحى ولكن انبهكم لما توصل للكوشة اتوصي كل خواتها طلعوني في الدري وارفعوا عني الفستان لانه هذاك المكان اصعب مكان الطلعة لانه الفستان ايكون ثقيل وما تقدر تطلع فيه بسهولة . مره في عرس كانت العروس لابسه فستان خفيف وزنه بس حلوو وارحت تتمشى بين الطاولات وهي مستحية وكان روعة بس فستانها ريحها بعد ساعدها على الفكرة وسلامتكم عسى اكون فدتكم

عروسنا بلا بطنج ايعورج هذي ليلة العمر طلع مواهبج فيها وانصحج لا تشربين يوميها ماي او خففي عقب ما تلبسين الفستان ترا ماشي حمام وما اتكوني عارفة السهرة لي متى بتوصل عقب العرس ويا الاهل والمعازيم فاخذي احتياطاتج

امممممممممم والله زفه اختي كانت رووعه واايد بقولكم كيف سوت
دشت الصااله جنها اميره فيه بعضهن يبالغوون واايد يسوون اعماهم جنهم تحفه ما تضحك ادري من الخوف يصير لدرجه انهم ينزلون روسهن واايد ما يقدرون الناس يشوفونها جيه ..
اختي دشت مثل السندريلا يبان من شكلها انها مستحيه وخايفه بس هي خلت الامر طبيعي جداااااااا
اممممم شفتو كيف حركه الاميرات اذا دشت مكان ؟! يعني دشت الصاله وهي تسلم على ربيعاتها مب يعني راحت عندهم وسلمت عليهن لااا وهي في طريقها للكوشه كل ما شافت وحده من ربيعاتها اشرت لها بيدها
جيه سوت اختي ترا كل هاي بلا شعوريه ههههههه ويوم وصلت عند الكوشه رمت طرحتها بطريقه نااااااعمه صراحه المنظر رووووعه لان هي فهمت العكس ربيعتها كانت تسال امي نشيل طرحتها ولا نخليها لما يدخل المعرس يشيلها امي قالت شليها واختي تحسب ان امي تكلمها بس الحركه رووعه لانها بلا شعوريه لو انها متعمده جان طلعت بايخه ( الطرحه طوويله نصه حاطه فوق راسها يعني مب مغطيه ويها لاا حاطه على شعرها والنص الثاني تحت ذيلها يعني )

بس صراحه عرس اختي ماااااا يتنسى موووول غييييييير عن باقي خواتي واخواني لانها كانت رووعه وكان كل شي مضبووط وما تعبنا في عرسها مول مثل الباقي

هلا بنات......


ودي اقولكم كيف كنت في زفتي بس اخاف تضحكون !!!!!!

كنت امشي ووووو

استحي اقول ....
مسختها ..
كنت امشي واكل علك وبدون شعور امضغ بشده كني اهوش احد كخخخخخخ

والله بدون شعور