فديت روحج دهن العود

على فكرة اسمج روعة

عيل قلتي لي ما شي حمام شو قصدج

ما عليه بطوف لج اياها

الصراحة الوحدة ما تروم تتوقع شو بتسوي في هاييج اللحظة

حتى لو يلست تقول بسوي تشي وبمشي تشي والحركة ما بسويها

الصراحة الله يعين كل وحدة تمر بهالموقف

بصراحه دخلت العروس الكل يسكت ويشوف المكان اللي بتطلع منه العروس كل العيون صوب المكان كل المعازيم يشوفون صوب واحد إلين تدخل العروس الكل يسكت سكووووووووووووووووووووووووووت
يتم قلبج يدق بس حطوا في بالكم أنه هذي ليله إن شاء الله في العمر ماتنعاد إلا قليل
فثقي في نفسج مب يوم تطلعين في كامل زينه تسألين شو رايكم انا حلوه حلو المكياج حلوه التسريحه وخاصه إذا انتي عايبنج ، لانه بتسمعين أما مدح مزيف أو صادق لذلك حاولي تتجنبين بس اللي يحب يشارك في ذوقه خليه يقوله يمكن يعجبج

نصيحه من اخت جربت قبل ما تروحين تصورين في الكوشه خلي زوجك يشوفك أول واحد وصوري وياه لانج بعدين بترتاحين لانه بيخليج توثقين من نفسج وبريحج بكلامه .

بس قبل ما دشين على المعازيم حصني عمرج ببعض من الأيات القران لانه حصانه عن العين والحسد وترى العين حق

بالنسبه للمشيه لاتسوين مثلي كان الفستان طويل لاني غيرت طول الكعب وخليته اقصر فطلع الفستان اطول فقمت وانا امشي اشله بدون ما احس فتطلع شيء من الأرجل ( والله فضيحه ) .

وطبعا المستحي بنفسه طبيعي بيطلع عليج خاصه في بدايه دخول على المعازيم

والله يوفق الجميع في اعراسهم

بصراحة موضوع عجبني
وانا دايما اسأل كيف ادخل على المعازيم يوم العرس
بس بصراحة انا مفكرة اني اكون طبيعية تماما علشان ما تطلع الصور بايخة او انه احد يضحك علي

والله مرة وحت عرس والعروس ميبسة نفسها تحسي انها خشبة تتحرك موانسان بني آدم


اتوقع ان العروس لازم تكون على سجيتها يعني لا تضحك وايد ولا تكشر يعني ما بين البينين واهم شيء انها ما تاكل علك ابدا مثل بعض الناس اللي فوق كخخخخخ

انزين وايش بعد

امممممممممم


اه وتكون واثقة من نفسها وتقنع نفسها قبل لا تدخل انها احلى وحدة في القاعة وما في احد احلى منها وفوق كل هذا وذاك محد لابس مثلها
وانها اهم وحدة في الحفل اهم حتى من العريس ذاته لان المعرس ما يتغير فيه شيء اللهم ان وجهه يكون منور فقط لانه فرحان انه متزوج
اما العروس لا
طبعا تعدل حواجبها او تشقرهم ايا كان هذا غير المكياج والتسريحة والفستان الأبيض بروحه يعطي طلة جميلة


ادعو لي اني اقدر اعدي هذه الليلة على خير

لما تجي

يحليلكم ضحكتوني والله...

أنا مره رحت عرس وكانت العروس حلوه ..
وتمين نترياونترياونترياووو... إلين ما حضرتها دشت وكانت القاعه قربت تفضى من المعازيم( وعلى فكره هذي الحركه وايد تستوي) ويوم دشت ما حسينا إلا هي قاعده في الكوشه.. قلنا بسم الله إشلون دخلت ؟!!...
وتمت العروس يحليلها من التعب تنعس على كرسيها وكل دقيقة راسها يطيح ( والله فشله) ...
الصراحه كان أغرب عرس شفته ...

ميلودي ضحكتيني وايد والله :)
تحفة..
انابخبركم عن عرس بنت عمي...هي وايد تستحي (مثلي فديتني) بس مشكلة كانت تمشي بسررررعة من كثر ماهي مستحية لدرجة انها كم مرة كانت بتطيح و هالشي خرب ع الحفل لو مشت شوي شوي كانت بتطلع احلى
اما عرس بنت عمي الثاني و مرت اخوي كان روعة لانهم يمشون شوي شوي و ابتسامتهم على وجههم ... بس لو كان مستحيات اكثر كانوا طلعوا احلى و احلى واحلى
اه...والله خايفة يجي هذاك اليوم ..انا بعدني موب مخطوبة ولا شي بس احسه كابوووس و الله يخوف موب بس الحفل .. الا اللي بعده و كل شي كل شي كل شي...يمممة وااااءوااااء ...
صدق رعب ...