شوفي اذا عندك لو طفل واحد احس الخدامه شر لابد منه بالنسبه لي ماعندي اطفال حالياً الله يرزقني وبيتي شقه صغيره اهم شي عندي مافيه قراطيس ولا وصاخه مرميه في كل مكان أقوم اغسل الحمامات وانظف وارتب غربتي وابخر البيت بعدين ادخل الحمام اتروش وألبس لَبْس نظيف واتعطر وانتظر زوجي العصر اصلح قهوه او كفي او شاهي الي يحب زوجي واجلس معه الى المغرب لان الغداء مانتغداء أبد وينزل تحت عند أهله انا انزل او اجلس فوق لو عندي شغل الملابس أخصص يوم لها وفي الليل يانطلع ونجيب معنا عشاء او اروح بعد المغرب اجيب نواقص وارجع اسوي عشاء وأنظف المطبخ وقتها كامل وماطلع الا وهو نظيف وبعد العشاء امسح المطبخ كامل واصلح شاهي اخضر واجلس انا وزوجي الين يجيه النوم ينوم وقتها اتفرغ لنفسي احيانا ادخل اتفرك واسوي حمام مغربي او اهتم برجولي او أحط خلطه لوجهي

اهم شي لا تقصري من ناحيه العباده واذا اتكلتي علئ ربك صدقيني راح تسهل امورك الثانيه واعيالك عوديهم يعتمدو علئ نفسهم البيت لبس بسيط بيجامه او روب وشعرك مرتب

انا قبل مانام انظف البيت اذا صحيت ع 11 فطرت عيالي ولو فيه شي حايس رتبته بعد صلاه اركب الغدا ويجي 2ونص اللبس اللي ابغى تنوره قصيرةولا لينقز ولابيجامه والعصر لو بغسل ملابس اغسلها ويصحى زوجي ونتقهوى وبعد صلاة العشا اسوي عشا وخلصت انظف المطبخ وانوم عيالي11 واذا ع الاهتمام عادي حطي قناع واشتغلي

اما انا موظفه وام لاطفال بكافة المراحل الدراسيه و لاعندي شغاله ومع كذا مهتمه بكل شي ولله الحمد ما اقولك كل شي كامل ..لا الكمال لله
بس انا اللي يعرفني يقولي انت امرأه منظمه ومرتبه
اعشق الترتيب
اعشق النظام
اعشق اني احدد لكل شي وقت
شوفي نظامي لعلك تستفيدين منه
بأيام المدارس
اصحى قبل الفجر ب5 او 10 د..اجهز بسرعه فطور العيال اكيد بيكون خفيف يا بسكويت قمح او كورن فليكس وحليب مراعي اسخنه واحليه واسوي للعيال سندويشات للمدرسه واحط كل وحده عند اغراضهم
وبعدها اتوضى وألبس واصحي زوجي وولدي يصلون اروح اصلي واصحي بناتي يصلون ويقعدون يفطرون
بهالوقت اكون غيرت حفاظة بنتي النايمه اللي اوديها الحضانه اما لبسها اكون ملبستها من الليل غلط تخلين كل شي بوقت واحد التوزيع افضل
طبعا اغراض بناتي وولدي حقت المدارس من شرابات و مصروف مجهزته كمان من الليل
وعلى بال مايلبس زوجي أسوي حليب نسكافيه لنا بالسياره لان طريق مدارسنا بعيد واطلع انا قبل عيالي
هم تجيهم باصاتهم لحد البيت وكل واحد معه مفتاح خاص بباب الشارع تحسب لاي تأخير مني بصير كل واحد معه مفتاحه ...مين يمشط البنات الصغار ويشرف على الامور الاخرى ..بنتي الكبيره باول ث هي اعتمد عليها ونفس نظامي ربيتها ...
المهم اجي المدرسه اخلص شغلي ومرات افتح عالم حواء 😉😉😉 وترا حتى بالمدرسه مرتبه احط احتباراتي قبل اسبوع ههههه
نجي الظهر اصلي ونجهز الغداء ونتغداء وادخل انا وزوجي ننام وبنتي الكبيره تنام اما الباقين عالتلفزيون طبعا مهددتهم ياويل اللي يدخل عندي وبنتي الصغيره ام سنتين معهم يمسكونها لين اصحى
على اذان العصر اقوم واتوضى واصلي واقوم زوجي وبنتي يصلون
عاد اسوي قهوتنا ونتقهوى واذاكر للعيال وزوجي يساعدني بمذاكرتهم خصوصا الولد الله يصلحه
اخلص مرات عالمغرب ومرات قبل... واقوم انظف البيت بمساعدة بناتي الا اللي عليها اختبار اعفيها
واحط الملابس بالغساله الاتوماتيك وبسرعه بسرعه اخلص
طبعي اعطي نفسي وقت ..اقول لازم اخلص هالشغله ب10 د اهم شي سرعه مع اتقان
عاده ياخذ مني الشغل ساعه يكون اذن العشاء اعشي البنات الصغار وينامون واصلي بهالوقت يكون هجد اللبيت ماعدا بنتي الكبيره هذي عاد تخلص شغلها ومذاكرتها وتنام ما اتدخل بنومها
انا اروح اسوي رياضتي المفضله وهي المشي عالسير ..مشي سريع مع الهروله لمده 40 د مع ان جسمي مثالي ووزني خفيف بس احافظ على رشاقتي ..ولان المشي يعطيني طاقه وقدره على تحمل المشاق


واخلص واخذ شور وبعدها ادلع شعري بامبولات وامشطه وادلكه...التدليك للشعر اهم شي
واسوي عشاء لزوجي خفيف مره لانه مايحب يتعشى ثقيل اما انا ما اتعشى بايام الدوامات
وبسرعه على عالم حواء و سناب شات ومواقعي الاخرى افر فيها فره سريعه وانام على 10 ونص او 11
وهذا يومي والحمد الله






صح مليان لاني ام ل5 اطفال بس مرتب وبالدقيقه والساعه
ماعدا ايام الويكند لا اطلع لوحدي انا وزوجي مقهى او مول .....معوده لازم يوم بالاسبوع نطلع لوحدنا انا وزوجي وهم نطلعهم بيوم ثاني ..

عادي ياعسل لاتخلي كل شي بجدول ونظام ومدري ايش انا يوم اكون اكرف في البيت والغسيل وكذا ماجلس مع زوجي كثير ويادوب الحق بس يكون كل شي نظيف ولبسي عادي اليوم اللي بعده اروح البس انكشخ اطول معاه واسوي كيك العصر وكذا يعني مو شي صعب واحياناً مايكون لي مزاج اطبخ او مانمت كويس انام ويجيب غدا من برا يعني ذي حياة مو شرط ع المسطره لا حنا اودام ونتعب واهم شي يكون الزوج يقدر مع العموم ان زوجي احياناً كثير يعترض عن طريق المزح بس معلي فيه خليك ع طبيعتك اهم شي ماتهمتي بالزوج اهتمام زائد الرجال مايحب اللي لازقه فيه وخانقته ب الاهتمام اهتمي بنفسك وبعيالك وطبعاً لاتهملي الزوج يعني حاولي تخلي حياتك تسير طبيعي