اشكر كل من دخل الموضوع
مشكوره اختي الغاليه شوق الرس وووSoOo CoOoL
اخت انثى القصيم والنعم والله باهل القصيم بس والله بحياتي ماذقت القهوه القصيميه بس اكيد حلوه مثل اهلها ومشكوره على المرور
اخت ويمضي العمر كلامك منطقي بس وش هلبهارات هذا الي ابي الاخوات يعلمونا وشهي بالظبط
الاخت غيث ووواسيرت القدر وووالسمراء المملوحه ووورحلة امل الى وووليالي البدر مشكوووووره على مروركم الكريم
اخت الاليزيه والله انك صادقه مافيه مثل اخلاقهم وسموحتهم والي تعاشرهم تقعد تذكرهم بالخير العمر كله بس لازم يعلمونا سر قهوتهم

الله يعطيك العافيه اختي فتكه وهذي طريقتي بس حمستهم غير والله ان جارتنا اذا حمست قهوتها اني اقعد في الحوش عشان اشمشم رووعه من جد ومره ثانيه الله لايحرمك الاجر

رفع

والله مدري يالغاليه بس حبيت اوضح لك طريقتي والحمدلله كل من ذاق قهوتي مدحها سواء حتى الرجال يمدحونها
اول شي القهوة تكون بريه وتنقينها من القشور ةالحب الاسود وتغسلينها وتنشرينها في صحن وتتركينها لين تجف
ووقت الحمس تحطين مستكه وشيبه وماتغمقين الحمسه تخلينها شقراء عشان يصير لونها حلووو
وعوافي حبيبتي

العام كنت نفاس وبجنبي وحده رشيديه دخلو عليها الزوار وكيد معهم قهوه وزي كذا المهم وتجينا الريحه انا وامي دخنا عندها وربي ماشميت مثل ريحة قهوتها وتجي ماقصرت وتقهوينا يووووووووووووووه يابنات والله طعمها للحين بفمي ماذقت الذ منها حتى امي مع انها حريفة قهوه ضاعت علومها خخخخ تقول هذي القهوه والا بلاش عاد هي ماقصرت انا سالتها وعلمتني بالتفصيل تقول حنا نشري قهوه من محل طبعا انا بالكويت والا اعطيكم اسم قهوتها بس السر بسواتها هذا كلامها تقول حنا نحطها بقدر ونكتمه مره ونقصر ع النار اقوى شي ونحط بين القدر والنار صفيحة حديد ونخليها سبع ساعات تخيلو قسم بالله هذا كلامها تقول ومرات نخليها اكثر ثم نصبها في ابريق القهوه الكبير ونخليها بالثلاجه وتستخدم بيومها مثلا بتقهوين العصر ركبيها الصبح وهكذا عاد امي قالت حشا جريش مو قهوه خخخخ ولاجربنا طريقتها بس الحق ينقال مثل قهوتها الله يسعدها مالقيت وياحبي لرشايدة الكويت خاصه عليهم روح وطيبه ماشفتها باحد